ໃນວັນທີ 2 ເມສາ 2023 ຜ່ານມາ, ເຈົ້າໜ້າທີ່ຕຳຫຼວດໄດ້ຮັບແຈ້ງເຫດວ່າ: ມີປະຊາຊົນພົບເຫັນ ຜູ້ຊາຍຄົນໜຶ່ງປີນຂຶ້ນໄປນອນຢູ່ເທິງສາຍສື່ສານ ໜ້າປາກຮ່ອມໄຜ່ສິງໂຕ ຖະໜົນພະຮາມ 4 ທີ່ປະເທດໄທ, ຈາກນັ້ນເຈົ້າໜ້າທີ່ຕຳຫຼວດທອງຫຼໍ່ ແລະ ເຈົ້າໜ້າທີ່ການໄຟຟ້າໄດ້ພາໂຕລົງມາເພາະອາດຖືກໄຟຟ້າຊ໋ອດ ເຊິ່ງອັນຕະລາຍເຖິງຊີວິດໄດ້.

ເຈົ້າໜ້າທີ່ລາຍງານວ່າ: ຊາຍຄົນດັ່ງກ່າວຍັງມີຊີວິດຢູ່ ແລະ ມີສະພາບມຶນເມົາ ໂດຍຍອມຮັບວ່າຕົນເອງຖືກຫວຍ ໃນງວດວັນທີ 1 ເມສາ 2023 ເລກໜ້າສາມໂຕ 111 ໄດ້ຮັບເງິນລາງງວັນ 4 ພັນບາດ (2 ລ້ານກີບ) ເລີຍມານຳມາຂຶ້ນລາງວັນທີ່ຄອງເຕີຍ ໂດຍເດີນທາງມາຈາກແຂວງສາລະຄາມ ຫຼັງໄດ້ຮັບເງິນລາງວັນແລ້ວກໍໄປດື່ມສະຫຼອງຈົນມຶນເມົາ ກ່ອນຂຶ້ນມານອນຢູ່ເຖິງສາຍສື່ສານຕັ້ງແຕ່ວັນທີ 1 ເມສາ 2023 ຜ່ານມາ ເພາະຢ້ານຖືກລັກໃບຫວຍ.