ໃນວັນທີ 24 ມີນາ 2023 ຜ່ານມາ, ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ພ້ອມຄະນະ ໄດ້ເຄື່ອນໄຫວຢ້ຽມຢາມບໍລິສັດ ໄຟຟ້ານໍ້າເທີນ1 ຈໍາກັດ ຢູ່ເມືອງປາກກະດິງ ແຂວງບໍລິຄໍາໄຊ ໂດຍໄດ້ຮັບຟັງການລາຍງານວຽກງານໂຄງການເຂື່ອນໄຟຟ້ານໍ້າເທີນ1 ໂດຍຫຍໍ້. ພ້ອມນີ້, ຄະນະຕິດຕາມ ໄດ້ມີຄໍາຖາມເຈາະຈີ້ມ ແລະ ແລກປ່ຽນຄຳຄິດຄໍາເຫັນເຊິ່ງກັນ ແລະ ກັນ.
ໂອກາດນີ້, ທ່ານປະທານສະພາແຫ່ງຊາດ ໄດ້ມີຄໍາເຫັນ ເພື່ອໃຫ້ທິດຊີ້ນໍາຕໍ່ບໍລິສັດດັ່ງກ່າວ ເຊິ່ງກ່ອນອື່ນ ທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນສໍາເລັດບັນດາກິດຈະກຳຂອງບໍລິສັດດັ່ງກ່າວ ແລະ ມີຄໍາເຫັນເນັ້ນຕໍ່ບໍລິ ສັດ ເອົາໃຈໃສ່ບັນຫາຜົນກະທົບຕໍ່ສິ່ງແວດລ້ອມ, ການຈັດສັນທີ່ຢູ່ອາໄສໃຫ້ປະຊາຊົນ, ການສ້າງວຽກເຮັດງານທຳ, ການທ່ອງທ່ຽວ, ການສ້າງບຸກຄະລາກອນສືບທອດ. ຈາກນັ້ນ, ຄະນະ ກໍໄດ້ຢ້ຽມຊົມພື້ນທີ່ໂຄງການຕົວຈິງ.
ທີ່ມາ: ປະເທດລາວ