spot_img
Homeຂ່າວທ້ອງຖິ່ນງານວາງສະແດງ ຊາລາວສູ່ສາກົນ (Laos Tea to the World)

ງານວາງສະແດງ ຊາລາວສູ່ສາກົນ (Laos Tea to the World)

Published on

ໃນລະຫວ່າງ ວັນທີ 17-19 ມີນາ 2023 ກະຊວງອຸດສາຫະກໍາ ແລະ ການຄ້າ ການຈັດງານວາງສະແດງ ຊາລາວສູ່ສາກົນ (Laos Tea to the World) ຂຶ້ນທີ່ ເຮືອນຈັນ, ມໍລະດົກ ຫຼວງພະບາງ ເຊິ່ງເປັນຄັ້ງທໍາອິດ ທີ່ໄດ້ເຊື້ອເຊີນຫົວໜ່ວຍທຸລະກິດຜູ້ປະກອບການຜະລິດຕະພັນ ຊາລາວ ໃນທົ່ວປະເທດ ທີ່ມີທ່າແຮງເຂົ້າຮ່ວມງານ ລວມທັງໝົດ 42 ຫ້ອງ, ໃນນັ້ນ, ຫ້ອງວາງສະແດງຫົວໜ່ວຍທຸລະກິດຊາລາວ ໃນຂອບເຂດທົ່ວປະເທດ ໄດ້ເຂົ້າຮ່ວມວາງສະແດງ ຈຳນວນທັງໝົດ 16 ຫ້ອງ ຈາກ ແຂວງຜົ້ງສາລີ, ຫຼວງນໍ້າທາ, ບໍ່ແກ້ວ, ໄຊຍະບູລີ, ຊຽງຂວາງ, ຈຳປາສັກ ແລະຫຼວງພະບາງ.

ພາຍໃນງານວາງສະແດງ ໄດ້ມີການຈັດກິດຈະກຳປະກວດຊາລາວສູ່ສາກົນ ໂດຍການນຳສະເໜີຜະລິດຕະພັນຊາ ແລະວິທີປຸງແຕ່ງຊາຕົນເອງໃນຮູບແບບ ທີ່ເປັນເອກະລັກໂດດເດັ່ນ ເພື່ອຍາດຊີງລາງວັນຈາກຄະນະກຳມະການ, ເຊີ່ງຜະລິດຕະພັນຊາທີ່ຊະນະເລີດ 3 ບໍລິສັດ ຈະໄດ້ນຳໄປວາງສະແດງ ແລະໂຄສະນາ ໃນຫ້ອງວາງສະແດງແຫ່ງຊາດລາວ ທີ່ງານວາງສະແດງໂລກ EXPO 2025 Osaka ປະເທດຍີ່ປຸ່ນ, ລວມທັງງານວາງສະແດງພາກພື້ນ ແລະອື່ນໆ. ຜ່ານການປະກວດຜົນປະກົດວ່າ ອັນດັບທີ່ 1 ໄດ້ແກ່ ບໍລິສັດ ສວນຊາ 36 ແຂວງຈຳປາສັກ, ອັນດັບທີ່ 2 ແມ່ນ ບໍລິສັດ ນາງ ດວງມາລາທໍ່ ຜະລິດ ແລະປຸງແຕງຊາພູສັນ ແຂວງຊຽງຂວາງ ແລະອັນດັບ 3 ແມ່ນບໍລິສັດຄິງຊາຫຼວງ ຈາກແຂວງຫຼວງນໍ້າທາ, ນອກນັ້ນ ໄດ້ມີລາງວັນຊົມເຊີຍອີກ 5 ລາງວັນ ຕື່ມອີກ.

ທ່ານ ຢຽນຢົງ ຮອງປະທານບໍລິສັດສວນຊາ 36 ໄດ້ໃຫ້ສຳພາດວ່າ: ບໍລິສັດສວນຊາ 36 ໄດ້ສ້າງຕັ້ງຂື້ນໃນປີ 2017 ຜ່ານມາບໍລິສັດໄດ້ຕັ້ງໃຈພັດທະນາຜະລິດຕະພັນຊາ ຢູ່ພູພຽງບໍລິເວນແຂວງຈຳປາສັກ ໃຫ້ເປັນສີນຄ້າທີ່ຜ່ານການຍອມຮັບຂອງຜູ້ບໍລິໂພກທັງພາກພື້ນ ແລະສາກົນ ປັດຈຸບັນໄດ້ມີຫຼາກຫຼາຍຜະລິດຕະພັນ ທີ່ຂາຍໄປປະເທດຈີນ, ຍີ່ປຸ່ນ ແລະປະເທດເຂດເອີຣົບ, ເຊີ່ງປີ 2021-2022 ບໍລິສັດໄດ້ຮັບລາງວັນທີ່ 1 ໃນການປະກວດຊາຂາວ ແລະຊາແດງ ຈາກສະຫະລັດອາເມລິກາ, ປັດຈຸບັນບໍລິສັດມີສາຂາຈຳໜ່າຍຜະລິດຕະພັນ ຢູ່ນະຄອນຫຼວງວຽງຈັນ, ແຂວງຫຼວງພະບາງ, ແຂວງຈຳປາສັກ ແລະແຂວງຫຼວງນ້ຳທາ, ສຳລັບແຜນການຕໍ່ໜ້າ ບໍລິສັດຈະເອົາໃຈໃສ່ໃນການໂຄສະນາ ວາງສະແດງ ແລະຂາຍຜະລິດຕະພັນ ຢູ່ຕະຫຼາດທັງພາຍໃນ ແລະຕ່າງປະເທດໃຫ້ຫຼາຍຂື້ນ.

ຕະຫຼອດໄລຍະຂອງການຈັດງານໃນ 3 ວັນ ໄດ້ມີການການວາງສະແດງກ່ຽວກັບຜະລິດຕະພັນຊາ ຈາກຜູ້ປະກອບການທົ່ວປະເທດມາວາງສະແດງ ເພື່ອຜູ້ເຂົ້າຊົມຈະໄດ້ເຫັນເຖິງຄວາມອຸດົມສົມບູນ, ຄວາມຫຼາກຫຼາຍ ແລະສີສັນຂອງຊາລາວ ລວມໄປເຖິງຊາບູຮານ ແລະຊາສະໄໝໃໝ່, ພ້ອມທັງຈັດງານສຳມະນາ ຊາລາວສູ່ຊາໂລກ ແລະກອງປະຊຸມພົບປະທຸລະກິດ ທີ່ມີການນໍາສະເໜີກ່ຽວກັບຍຸດທະສາດ ການພັດທະນາຊາລາວສູ່ຕະຫຼາດ, ແບ່ງປັນ ປະສົບການຕົວຈິງຂອງຫົວໜ່ວຍທຸລະກິດ ທີ່ປະສົບຜົນສຳເລັດໃນການສົ່ງອອກຊາລາວໄປສູ່ຕະຫຼາດພາຍໃນ ແລະຕ່ງປະເທດ ອີກດ້ວຍ.

ຂ່າວ: ອາພຸດເດດ ພາບ: ດາວອນ

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...