spot_img
Homeຂ່າວອຸບັດຕິເຫດອຸປະຕິເຫດຕຳຄົນຕາຍແລ້ວເອົາຕົວຫຼົບໜີ

ອຸປະຕິເຫດຕຳຄົນຕາຍແລ້ວເອົາຕົວຫຼົບໜີ

Published on

ຕາມການລາຍງານຂອງເຈົ້າໜ້າທີ່ຕຳຫຼວດພະແນກຈະລາຈອນ ປກສ ແຂວງວຽງຈັນໃຫ້ຮູ້ວ່າ ໃນຕອນເຊົ້າຂອງວັນທີ 5 ກຸມພາ 2023 ຜ່ານມານີ້ ເກີດເຫດລົດບັນທຸກ JMC ຕຳທ້າຍລົດຈັກ ຢູ່ຂອບເຂດບ້ານ ເຕົາຖ່ານ ເມືອງໂພນໂຮງ ແຂວງວຽງຈັນ ພາໃຫ້ມີຜູ້ເສຍຊີວິດຄາທີ່ 1 ຄົນ ແລະ ບາດເຈັບສາຫັດ 1 ຄົນ.

ເຫດການດັ່ງກ່າວຜູ້ຂັບຂີ່ລົດບັນທຸກ JMC ແມ່ນເອົາຕົວຫຼົບໜີ, ພາຍຫຼັງຄະນະພັກຄະນະບັນຊາກອງບັນຊາການ ປກສ ແຂວງວຽງຈັນ ໄດ້ຮັບແຈ້ງເຫດ ຈາກພົນລະເມືອງດີ ແລ້ວໄດ້ມອບໃຫ້ຄະນະພັກຄະນະບັນຊາຫ້ອງຕຳຫຼວດ ຮີບຮ້ອນຊີ້ນຳ ພະແນກຕຳຫຼວດຈະລາຈອນ ປກສ ແຂວງວຽງຈັນ ຈັດຕັ້ງກຳລັງລົງກວດກາຊັນນະສູດສະຖານທີ່ເກີດເຫດຕົວງຈິງ ຈຶ່ງຮູ້ວ່າຜູ້ຂັບຂີ່ລົດຈັກ ແມ່ນທ້າວ ນ້ອຍ ອາຍຸ 43 ປີ ອາຊີບ ກຳມະກອນ, ຂັບຂີ່ລົດຈັກເວບ ຍີ່ຫໍ້ໂຄລາວ ເລກທະບຽນ ຈກ 1433 ກໍາແພງນະຄອນ ຜູ້ຊ້ອນທ້າຍແມ່ນ ແມ່ຕູ້ເມືອງ ອາຍຸ 84 ປີ ອາຊີບ ປະຊາຊົນ ທັງສອງຢູ່ບ້ານໃໝ່ ເມືອງໂພນ ໂຮງ ແຂວງວຽງຈັນ ຄູ່ກໍລະນີຕຳແລ້ວໜີ ຜ່ານການລົງກວດກາ ເກັບກຳຂໍ້ມູນເອົາຄໍາໃຫ້ການຈາກພະຍານຜູ້ທີ່ຮູ້ເຫັນເຫດການ ຫຼັກຖານຈາກສະຖານທີ່ເກີດເຫດຕົວຈີງ ສາມາດພົບເຫັນວັດຖຸ ສີ້ນສ່ວນການເປ່ເພຂອງລົດບັນທຸກທີ່ຕົກເຮ່ຍໃນສະຖານທີ່ເກີດເຫດ ການເປ່ເພຂອງລົດຈັກ,

ຈາກການເກີດອຸປະຕິເຫດ ຜູ້ຂັບລົດບັນທຸກຂີ່ມາດ້ວຍຄວາມໄວສູງ ຈຶ່ງຕໍາເອົາທ້າຍລົດຈັກຂອງທ້າວນ້ອຍ ເປັນເຫດເຮັດໃຫ້ ແມ່ຕູ້ເມືອງ ຜູ້ຊ້ອນທ້າຍເສຍຊີວິດຄາທີ່ ແລະ ທ້າວ ນ້ອຍ ແມ່ນບາດເຈັບສາຫັດ ສ່ວນຜູ້ຂັບຂີ່ລົດບັນທຸກແມ່ນເອົາຕົວຫຼົບໜີພ້ອມດ້ວຍລົດຄັນທີ່ເກີດເຫດ, ຫຼັງຈາກນັ້ນເຈົ້າໜ້າທີ່ຕຳຫຼວດພະແນກຕຳຫຼວດຈະລາຈອນ ປກສ ແຂວງວຽງຈັນ ພວກເຮົາ ກໍ່ໄດ້ປະສານສົມທົບກັບກົມຕຳຫຼວດຈະລາຈອນ, ພະແນກສຶບສວນ-ສອບສວນ ຄະດີອຸປະຕິເຫດ, ລົງຕິດຕາມຢູ່ ຂອບເຂດເມືອງໂພນໂຮງ, ເມືອງຫີນເຫີບ, ເມືອງວັງວຽງ, ເມືອງແກ້ວອຸດົມ ແລະ ເມືອງທຸລະຄົມ ຕົກມາຮອດວັນທີ 7 ກຸມພາ 2023ເຈົ້າໜ້າທີ່ຕໍາຫຼວດຈະລາຈອນ ຈຶ່ງສາມາດກັກຕົວເປົ້າໝາຍຜູ້ຂັບຂີ່ລົດບັນທຸກ ຊື່ທ້າວ ຄໍາພິສິດ ຫຼື ສິດ ອາຍຸ 22 ຢູ່ບ້ານ ນາທົ່ມ ເມືອງໄຊທານີ ນະຄອນຫຼວງວຽງຈັນ ເປັນຜູ້ຂັບຂີ່ລົດບັນທຸກຄັນໝາຍເລກທະບຽນ ບຂ4226 ນະຄອນຫຼວງວຽງຈັນ (ທຸລະກິດ 100%) ຄັນດັ່ງກ່າວ ແລະ ທັງເປັນໂຊເຟີປະຈຳລົດຄັນດັ່ງກ່າວ (ຂອງບໍລິສັດແຫ່ງໜຶ່ງ) ມາທໍາການສຶບສວນ-ສອບສວນ ເພື່ອຊອກສາຍເຫດໃນການເກີດອຸປະຕິເຫດຄັ້ງນີ້.

ຜ່ານການສຶບສວນ-ສອບສວນ ແລະ ເກັບກຳຂໍ້ມູນຫຼັກຖານດ້ານຕ່າງໆ ຜູ້ກ່ຽວໄດ້ຮັບສາລະພາບ ວ່າເປັນຜູ້ກໍ່ເຫດຕຳແລ້ວເອົາຕົວຫຼົບໜີແທ້ ປະຈຸບັນຜູ້ກ່ຽວຖືກກັກຕົວໄວ້ຢູ່ທີ່ກັກຂັງຊົ່ວຄາວ ຫ້ອງຕຳຫຼວດ.

ບົດຄວາມຫຼ້າສຸດ

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...