ຊາວອາເມຣິກັນຜິວສີ ອອກມາປະທ້ວງຢ່າງຮຸນແຮງ ເຫດບໍ່ພໍໃຈທີ່ຄະນະລູກຂຸນບໍ່ສັ່ງຟ້ອງຕຳຫລວດທີ່ກໍ່ເຫດຍິງ
ໄວໜຸ່ມຜິວທີ່ບໍ່ມີອາວຸດ ເສຍຊີວິດເມື່ອເດືອນສິງຫາຜ່ານມາ.
ສຳນັກຂ່າວຕ່າງປະເທດລາຍງານ ໃນວັນທີ 25 ພະຈິກຜ່ານມານີ້ວ່າ ຢູ່ໃນເຂດເຊັ້ນຫລຸຍ ລັດມິດຊູຣີ ສະຫະລັດອາເມ
ຣິກາ ຕ້ອງປະເຊີນກັບການປະທ້ວງຮຸນແຮງຂອງປະຊາຊົນເປັນມື້ທີ 2 ໃນວັນອັງຄານ (25 ພະຈິກ) ຕໍ່ເນື່ອງຈາກເມື່ອ
ຊ່ວງຄ່ຳຂອງມື້ວັນຈັນ (24 ພະຈິກ) ຫລັງຄະນະລູກຂຸນໃຫຍ່ຂອງສານເຂດເຊັ້ນຫລຸຍ ຕັດສິນໃຈບໍ່ສັ່ງຟ້ອງ ທ່ານ ເຣນ
ວິນສັນ ນາຍຕຳຫລວດອາຍຸ 28 ປີ ໃນຄະດີຍິງ ທ້າວ ໄມເຄິນ ບຣາວ ໜຸ່ມອາເມຣິກັນຜິວສີ ອາຍຸ 18 ປີ ເສຍຊີວິດ ທັງ
ທີ່ໃນມືບໍ່ມີອາວຸດ ຢູ່ທີ່ເມືອງເຟີກູສັນ ລັດມິດຊູຣີ ເມື່ອວັນທີ 9 ສິງຫາ 2014 ຜ່ານມາ.
ຊຸມຊົນຊາວອາເມຣິກັນເຊື້ອສາຍອາຟຣິກາ ໄດ້ຮຽກຮ້ອງໃຫ້ສານຕັ້ງຂໍ້ຫາ ທ່ານ ວິນສັນ ໃນຖານະຄາດຕະກອນ ແຕ່
ເມື່ອຕອນຄ່ຳຂອງມື້ວັນຈັນ ຄະນະລູກຂຸນໃຫຍ່ 12 ຄົນ ເຊິ່ງປະກອບດ້ວຍຄົນຂາວ 9 ຄົນ ແລະ ຄົນດຳ 3 ຄົນ ຕັດສິນ
ໃຈບໍ່ສັ່ງຟ້ອງ ທ່ານ ວິນສັນ ອັນໄດ້ສ້າງຄວາມບໍ່ພໍໃຈໃຫ້ແກ່ຜູ້ຊຸມນຸມ ແລະ ຄອບຄົວຂອງ ທ້າວ ບຣາວ ທີ່ລໍຖ້າຟັງຄຳ
ຕັດສິນ.
ເຈົ້າໜ້າທີ່ຕຳຫລວດໄດ້ເປີດເຜີຍວ່າ ເຫດຈະລາຈົນທີ່ເກີດຂຶ້ນໃນເມືອງເຟີກູສັນ ເມື່ອຄືນວັນຈັນ ໄດ້ມີຜູ້ຊຸມນຸມຈຳ
ນວນຫລາຍບຸກປຸ້ນສະດົມຮ້ານຄ້າ ເທິງຖະໜົນຟລໍຣິສແຊນຕາເວັນອອກ ແລະ ຖະໜົນຟລໍຣິສແຊນໃຕ້ ໂດຍໄດ້
ຈູດເຜົາອາຄານໄດ້ຮັບຄວາມເສຍຫາຍຢ່າງໜັກ 12 ຫລັງ ໃນຂະນະທີ່ເຈົ້າໜ້າທີ່ໄດ້ຍິງແກ໊ສນ້ຳຕາ ແລະ ລະເບີດແສງ
ເຂົ້າໃສ່ຜູ້ປະທ້ວງ ໂດຍມີຜູ້ປະທ້ວງຖືກຈັບກຸມ 61 ຄົນ.
ນອກຈາກນີ້ ຍັງມີການປະທ້ວງເກີດຂຶ້ນອີກໃນຫລາຍພື້ນທີ່ເຊັ່ນ: ນະຄອນນິວຢອກ, ເມືອງຊິຄາໂກ, ນະຄອນລອດ
ແອງເຈີລິສ, ເມືອງໂອ໊ກແລນ, ລັດກາລິຟໍເນຍ ແລະ ນະຄອນຫລວງວໍຊິງຕັນ ດີຊີ ຈາກເຫດການຄວາມເຄັ່ງຕຶງດ້ານ
ການແບ່ງແຍກສີຜິວທີ່ເກີດຂຶ້ນມາດົນນານ ຢູ່ອາເມຣິກາ.
ທັງນີ້ ເຈົາໜ້າທີ່ລັດຖະບານຫລາຍຄົນ ນັບຕັ້ງແຕ່ທ່ານ ເຈ ນິກສັນ ຜູ້ວ່າການລັດມິດຊູຣີ ໄປຈົນເຖິງປະທານາທິບໍດີ
ບາຣັກ ໂອບາມາ ໄດ້ອອກມາຮຽກຮ້ອງໃຫ້ຜູ້ຊຸມນຸມເຄົາລົບຄຳຕັດສິນຂອງຄະນະລູກຂຸນ ໂດຍເຖິງຢ່າງໃດກໍຕາມຜູ້
ຊຸມນຸມວາງແຜນທີ່ຈະອອກມາປະທ້ວງອີກເທື່ອໜຶ່ງ ໃນສະຖານທີ່ເຊິ່ງຄະນະລູກຂຸນໄດ້ພິຈາລະນາຄຳຕັດສິນ.
