ຫວຽດນາມປັບຄ່າໄຟຟ້າຂັ້ນຕ່ຳຂຶ້ນ 13,69% ນັບເປັນຄັ້ງທຳອິດນັບຕັ້ງແຕ່ປີ 2017 ຖືເປັນການເຄື່ອນໄຫວທີ່ຄາດວ່າການໄຟຟ້າຫວຽດນາມຈະຂຶ້ນຄ່າໄຟຟ້າ.

ວັນທີ 6 ກຸມພາ 2023 ສຳນັກຂ່າວຫວຽດນາມ ລາຍງານວ່າ: ອີງຕາມທ່ານ ເລ ມິນ ຄາຍ ຮອງນາຍົກລັດຖະມົນຕີຫວຽດນາມ ໄດ້ຕັດສິນໃຈວ່າ ປັບຂຶ້ນລາຄາໄຟຟ້າສະເລ່ຍຂັ້ນຕ່ຳເປັນ 13,69% ເທົ່າ 1.826,22 ດົ່ງ/ກິໂລວັດ/ຊົ່ວໂມງ ໂດຍບໍ່ຮວມກັບຄ່າພາສີ ສ່ວນລາຄາໄຟຟ້າຂາຍຍ່ອຍສະເລ່ຍສູງສຸດ ເພີ່ມຂຶ້ນ 28,2% ເປັນ 2.444,09 ດົ່ງ/ກິໂລວັດ/ຊົ່ວໂມງ.

ກະຊວງອຸດສາຫະກຳ ແລະ ການຄ້າຫວຽດນາມກ່າວວ່າ ໃນການປັບລາຄາຄັ້ງນີ້ ຍ້ອນການໄຟຟ້າໄດ້ຂາດທຶນ 31 ລ້ານລ້ານດົ່ງ ໃນປີ 2022.

ທ່ານ ຟ້າມ ມິງ ຈິງ ນາຍົກລັດຖະມົນຕີ ສສ ຫວຽດ​ນາມ ກໍໄດ້ກ່າວວ່າ ການປັບຂຶ້ນລາຄາໄຟຟ້າ ຄວນເປັນໄປຢ່າງສົມເຫດສົມຜົນ ແລະ ໃຫ້ສອດຄ່ອງກັບລາຍຮັບທີ່ແທ້ຈິງຂອງຫວຽດນາມ.