spot_img
Homeຂ່າວພາຍ​ໃນພົບຄົນເຊື້ອສາຍອາຊີກາດຍິງໃນອາເມຣິກາ ເສຍຊີວິດແລ້ວ 10 ຄົນ

ພົບຄົນເຊື້ອສາຍອາຊີກາດຍິງໃນອາເມຣິກາ ເສຍຊີວິດແລ້ວ 10 ຄົນ

Published on

ຕຳຫຼວດເປີດເຜີຍວ່າຜູ້ຖືກສົງໄສກໍ່ເຫດກາດຍິງ ໃນລະຫວ່າງການສະເຫຼີມສະຫຼອງປີໃໝ່ຈີນ ຫຼື ກຸດຈີນ ໃນອາເມຣິກາ ທີ່ເຮັດໃຫ້ມີຜູ້ເສຍຊີວິດ 10 ຄົນ ໂດຍເຈົ້າໜ້າທີ່ລະບຸວ່າ ອາດຈະເປັນຊາຍເຊື້ອສາຍອາຊີ.

ໃນວັນເສົາທີ 21 ມັງກອນ ຕອນຄ່ຳເວລາ 22:00 ໂມງ ເກີດເຫດກາດຍິງທີ່ Star Ballroom Dance Studio ທີ່ໃກ້ກັບໃຈກາງເມືອງ Monterey Park ລັດຄາລິຟໍເນຍ ປະເທດສະຫະລັດອາເມຣິກາ ໄດ້ມີການກຽມສະຫຼອງເທດສະການກຸດຈີນ.

ຕຳຫຼວດເມື່ອເຖິງຈຸດເກີດເຫດໄດ້ລະບຸວ່າ ພົບເຫັນຝູງຄົນແລ່ນອອກມາຈາກຈຸດເກີດເຫດພ້ອມກັບສຽງຮ້ອງດັງ ເບື້ອງຕົ້ນມີຜູ້ເສຍຊີວິດ 10 ຄົນ ເປັນຊາຍ 5 ຄົນ ແລະ ມີຜູ້ບາດເຈັບອີກ 10 ຄົນ ເຊິ່ງໃນນັ້ນອາກາດສາຫັດ.

ໃນມື້ດຽວກັນນັ້ນ ກໍຍັງມີເຫດການກາດຍິງທີ່ Lai Lai Ballroom ສະຖານບັນເທີງອີກແຫ່ງໜຶ່ງໃນເມືອງ Alhambra ຢູ່ໃກ້ກັບເມືອງທີ່ເກີດເຫດ ເຊິ່ງທາງການກຳລັງສືບສວນຕື່ມວ່າທັງ 2 ເຫດການນີ້ມີສ່ວນກ່ຽວພັນກັນບໍ.

ໂດຍຜູ້ເຫັນເຫດການທີ່ເມືອງ Alhambra ກ່າວວ່າ ກໍພົບຊາຍເຊື້ອສາຍອາຊີ ຍ່າງເຂົ້າມາພ້ອມກັບປືນ ແຕ່ບໍ່ມີໃຜຖືກຍິງ ແລະ ຄົນຮ້າຍໄດ້ໜີໄປໄດ້.

Monterey Park shooting: Suspect found dead after dance studio attack - BBC News

ຫຼ້າສຸດ ເຈົ້າໜ້າທີ່ໄດ້ຢືນຢັນວ່າ ພົບສົບຢູ່ໃນລົດຕູ້ທີ່ຖືກສົງໄສ ເຊິ່ງເຈົ້າໜ້າທີ່ກໍໄດ້ປິດລ້ອມຫຼາຍຊົ່ວໂມງແມ່ນ ຜູ້ກໍ່ເຫດກາດຍິງ ຊື່ ຮູ ເກິນ ເຈິ່ນ (Huu Can Tran) ອາຍຸ 72 ປີ ທີ່ອົບພະຍົບມາຈາກຈີນ ແລະ ຍັງບໍ່ຮູ້ສາເຫດຈູງໃຈທີ່ພາໃຫ້ກໍ່ເຫດໃນເທື່ອນີ້.

ພາບຜູ້ກໍ່ເຫດຈາກກ້ອງວົງຈອນໃນສະຖານທີ່ເກີດເຫດ

ເຈົ້າໜ້າທີ່ກວດພົບປືນອັດຕະໂນມັດ ປືນພັກ ຢ່າງລະກະບອກ ເຈົ້າໜ້າທີ່ກໍກຳລັງກວດສອບປະຫວັດການກໍ່ເຫດ ແລະ ສຸຂະພາບຈິດ.

ແຫຼ່ງຂ່າວ CNN

ບົດຄວາມຫຼ້າສຸດ

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...