Homeຂ່າວພາຍ​ໃນປີ 2022 ທົ່ວປະເທດມີຜູ້ຕິດເຊື້ອພະຍາດໄຂ້ຍຸງລາຍ 32.364 ຄົນ ເສຍຊີວິດ 24 ຄົນ

ປີ 2022 ທົ່ວປະເທດມີຜູ້ຕິດເຊື້ອພະຍາດໄຂ້ຍຸງລາຍ 32.364 ຄົນ ເສຍຊີວິດ 24 ຄົນ

Published on

ພະຍາດໄຂ້ຍຸງລາຍ ຫຼື ພະຍາດໄຂ້ເລືອດອອກເປັນໜຶ່ງພະຍາດທີ່ສາມາດຕິດຕໍ່ໃສ່ຄົນໄດ້ໂດຍຜ່ານໂຕຍຸງທີ່ນຳເຊື້ອພະຍາດຫຼື ເຊື້ອໄວຣັດມາກັດເຮັດໃຫ້ເກີດເປັນໄຂ້ຍຸງລາຍ ແລະ ພະຍາດດັ່ງກ່າວເກີດລະບາດຂຶ້ນຫຼາຍທີ່ສຸດແມ່ນໄລຍະລະດູຝົນ, ໂດຍສະເພາະໃນປີ 2022 ຜ່ານມາການລະບາດຂອງພະຍາດໄຂ້ຍຸງລາຍໃນສປປ ລາວ ແມ່ນມີຈຳນວນຫຼາຍ ແລະ ເຮັດໃຫ້ມີຜູ້ເສຍຊີວິດກໍມີ.

ຂໍ້ມູນຈາກສູນຂ່າວສານການແພດສຸຂະສຶກສາ ກະຊວງສາທາລະນະສຸກໄດ້ສະຫຼຸບລາຍງານກ່ຽວກັບການຕິດເຊື້ອພະຍາດໄຂ້ຍຸງລາຍ ທົ່ວປະເທດ ໃນໄລຍະ1 ປີຜ່ານມາໃຫ້ຮູ້ວ່າ: ເລີ່ມແຕ່ວັນທີ 1ມັງກອນ -31 ທັນວາ 2022 ທົ່ວປະເທດມີຜູ້ຕິດເຊື້ອພະຍາດໄຂ້ຍຸງລາຍສະສົມ 32.364 ຄົນ, ເສຍຊີວິດສະສົມ 24 ຄົນ, ໃນນັ້ນຕິດເຊື້ອຫຼາຍກວ່າໝູ່ແມ່ນນະຄອນຫຼວງວຽງຈັນ 15.358 ຄົນ, ເສຍຊີວິດ 6 ຄົນ, ແຂວງຫຼວງນໍ້າທາ 4.899 ຄົນ, ເສຍຊີວິດ 5 ຄົນ, ແຂວງຫຼວງພະບາງ 1.759 ຄົນ ບໍ່ມີຄົນເສຍຊີວິດ, ແຂວງອັດຕະປື 1.601 ຄົນ, ເສຍຊີວິດ 6 ຄົນ ແລະ ແຂວງອື່ນໆຕາມລຳດັບ.

ແນວໃດກໍຕາມມາຮອດປັດຈຸບັນນີ້ ໃຫ້ປະຊາຊົນສືບຕໍ່ເອົາໃຈໃສ່ເປັນເຈົ້າການປະຕິບັດມາດຕະການປ້ອງກັນພະຍາດໄຂ້ຍຸງລາຍຢ່າງເຂັ້ມງວດ ໂດຍສະເພາະການປະຕິບັດຫຼັກການ 5 ປ ທີ່ກະຊວງສາທາລະນະສຸກວາງອອກ ເພື່ອບໍ່ໃຫ້ນໍາຄວາມສູນເສຍຊີວິດມາສູ່ຄົນທີ່ທ່ານຮັກ, ຖ້າປະຕິບັດໄດ້ຍັງເຮັດໃຫ້ການແຜ່ລະບາດຂອງພະຍາດໄຂ້ຍຸງລາຍຫຼຸດໜ້ອຍລົງ, ທີ່ສຳຄັນຢ່າລືມຖ້າຄົນໃນຄອບຄົວບໍ່ສະບາຍ ຫຼື ເປັນໄຂ້ ບໍ່ຄວນຊື້ຢາມາກິນເອງ, ຄວນໄປພົບແພດ ໂດຍດ່ວນຢູ່ໂຮງໝໍເມືອງ, ແຂວງ, ສຸກສາລາໃກ້ບ້ານທ່ານເພື່ອກິນຢາຕາມແພດສັ່ງ ແລະ ປິ່ນປົວໃຫ້ທັນເວລາ, ຖ້າເປັນໄຂ້ຍຸງລາຍບໍ່ໄດ້ຮັບການປິ່ນປົວໃຫ້ຖືກວິທີ ແລະ ທັນເວລາກໍເຮັດໃຫ້ເສຍຊີວິດໄດ້.

ແຫຼ່ງຂ່າວ ປະຊາຊົນ

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...