spot_img
Homeປຸ້ນຊັບມ້າງຄະດີລັກລົດຈັກ ຈັບຜູ້ກໍ່ເຫດໄດ້ 15 ຄົນ

ມ້າງຄະດີລັກລົດຈັກ ຈັບຜູ້ກໍ່ເຫດໄດ້ 15 ຄົນ

Published on

ໃນເດືອນກໍລະກົດ ຫາ ເດືອນຕຸລາຜ່ານມາ, ເຈົ້າໜ້າທີ່ ປກສ ເມືອງໄຊທານີ ນະຄອນຫຼວວຽງຈັນ ( ນວ ) ສາມາດມ້າງຄະດີລັກຊັບ ( ລົດຈັກ ) ໄດ້ 2 ເລື່ອງ, ຈັບຜູ້ຖືກຫາໄດ້ 15 ຄົນ; ໃນນີ້, ມີຜູ້ຖືກຫາຊື້ຊັບຜິດກົດໝາຍ 9 ຄົນ ເກັບກູ້ລົດຄືນມາໄດ້ 7 ຄັນ ລວມຜົນເສຍຫາຍລົດ 18 ຄັນ.

ຄະດີເລື່ອງທີ 1 ເຈົ້າໜ້າທີ່ ປກສ ເມືອງໄຊທານີ ສາມາດຈັບຜູ້ຖືກຫາໄດ້ 2 ຄົນ ຄື: ທ້າວ ບ໋ອບບີ້ ອາຍຸ 19 ປີ ຢູ່ບ້ານໜອງປາໄນ ເມືອງ ສີໂຄດຕະບອງ ນະຄອນຫຼວງວຽງຈັນ ແລະ ທ້າວ ຕ້ອງ ອາຍຸ 22 ປີ ຢູ່ບ້ານທ່າງອນ ເມືອງໄຊທານີ ນະຄອນຫຼວງວຽງຈັນ; ຜ່ານການສອບສວນ ພວກກ່ຽວຮັບສາລະພາບວ່າ ໄດ້ຮ່ວມກັນເຄື່ອນໄຫວຊອກລັກລົດຈັກໃນນະຄອນຫຼວງວຽງຈັນ ໄດ້ຈໍານວນ 11 ຄັນ, ສາມາດຕິດຕາມຈັບຜູ້ຊື້ຊັບຜິດກົດໝາຍ ( ລົດຈັກ ) ໄດ້ຕື່ມອີກ 9 ຄົນຊື່: 1. ທ້າວ ສຸກັນຍາ ອາຍຸ 23 ປີ ບ້ານໜອງບົວ ເມືອງ ແລະ ແຂວງສາລະວັນ ພັກເຊົາຢູ່ບ້ານດົງໂດກ ເມືອງໄຊທານີ ນວ ; 2. ທ້າວ ບ໋ອບບີ້ ອາຍຸ 15 ປີ ບ້ານທ່າສະຫວ່າງ ເມືອງໄຊທານີ ນວ; 3. ທ້າວ ທົດສະກັນ ອາຍຸ 15 ປີ ຢູ່ບ້ານໂນນບໍ່ແກ້ວ ເມືອງໄຊທານີ ນວ; 4. ທ້າວ ຂັນ ອາຍຸ 50 ປີ ຢູ່ບ້ານໂນນສະອາດ ເມືອງໄຊທານີ ນວ; 5. ທ້າວ ບຸນຈັນ ອາຍຸ 38 ປີ ຢູ່ບ້ານປາກທ້າງ ເມືອງສີໂຄດຕະບອງ ນວ; 6. ທ້າວ ຫັດສະດີ ອາຍຸ 18 ປີ ຢູ່ບ້ານປາກທ້າງ ເມືອງສີໂຄດຕະບອງ ນວ; 7. ທ້າວ ລີໂອ ອາຍຸ 21 ປີ ປະຊາຊົນບ້ານນາແຫ່ນ ເມືອງກາສີ ແຂວງວຽງຈັນ; 8. ທ້າວ ລາຍ ແຊເຕີນ ອາຍຸ 25 ປີ ຢູ່ບ້ານໂຮມພັນ ເມືອງວຽງໄຊ ແຂວງຫົວພັນ ພັກເຊົາຢູ່ບ້ານນາທອນ ເມືອງນາຊາຍທອງ ນວ ແລະ 9. ທ້າວ ຕີໃຫຍ່ ອາຍຸ 18 ປີ ຢູ່ບ້ານໄຊສະຫ່ວາງ ເມືອງທ່າພະບາດ ແຂວງບໍລິຄໍາໄຊ ພັກເຊົາຢູ່ ບ້ານໜອງແຕ່ງ ເມືອງສີໂຄດຕະບອງ ນວ ແລະ ສາມາດເກັບກູ້ລົດຄືນມາໄດ້ທັງໝົດ 4 ຄັນ ຍັງ 7 ຄັນ.

ຄະດີເລື່ອງທີ 2 ແມ່ນມ້າງໄດ້ໃນວັນທີ 21 ກໍລະກົດ 2022 ຈັບຜູ້ຖືກຫາໄດ້ 4 ຄົນ ຊື່ທ້າວ ອານຸ ອາຍຸ 22 ປີ ແລະ ທ້າວ ອານຸຄອນ ຫຼື ຕຸ້ຍ ອາຍຸ 25 ປີ ທັງສອງຢູ່ບ້ານຈັນສະຫວ່າງ ເມືອງສີໂຄດຕະບອງ ນວ ພັກເຊົາຢູ່ບ້ານດອນໜູນ ເມືອງໄຊທານີ ນວ; ທ້າວ ນາມມະແກ້ວ ຫຼື ແກ້ວ ອາຍຸ 22 ປີ ຢູ່ບ້ານນາຄູນນ້ອຍ ເມືອງນາຊາຍທອງ ນວ; ປັດຈຸບັນຄະດີລັກຊັບທັງສອງເລື່ອງນີ້, ເຈົ້າໜ້າທີ່ ປກສ ເມືອງໄຊທານີ ຈະໄດ້ສືບຕໍ່ສອບສວນຂະຫຍາຍຜົນເພື່ອຕິດຕາມໄລ່ຊອກໄລ່ຈັບຜູ້ຖືກຊັດທອດມາດໍາເນີນຄະດີ ພ້ອມທັງສືບຕໍ່ຕິດຕາມນໍາເກັບກູ້ລົດຂອງກາງທີ່ເຫຼືອ ແລະ ກຽມສະຫຼຸບສໍານວນຄະດີສົ່ງໃຫ້ອົງການໄອຍະການປະຊາຊົນນະຄອນຫຼວງວຽງຈັນສັງຟ້ອງສານຕັດສິນຕາມກົດໝາຍ.

ທີ່ມາ: ຄວາມສະຫງົບ

ບົດຄວາມຫຼ້າສຸດ

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...