ຕຳຫຼວດເຢຍລະມັນ ບຸກຈັບເຈົ້າຊາຍໄຮຣິສ ທີ່ 13 ເຈົ້າຊາຍແຫ່ງຣອຍສ໌ (Heinrich XIII, Prince of Reuss) ແລະ ຄົນຮ່ວມຂະບວນການໄດ້ທັງໝົດ 25 ຄົນ ພາຍຫຼັງພົບເຈົ້າຊາຍກຳລັງກຽມວາງແຜນເພື່ອປະຕິວັດປ່ຽນແປງການປົກຄອງ.

ວັນທີ 7 ທັນວາ 2022 ໃນການປະຕິບັດການຄັ້ງປະຫວັດສາດທີ່ມີເຈົ້າໜ້າທີ່ເຂົ້າຮ່ວມເຖິງ 3.000 ຄົນ ເຂົ້າກວດຄົ້ນ 130 ຈຸດ ທົ່ວເຢຍລະມັນເພື່ອສະຫຼາຍຂະບວນການ Reich Citizens ພາຍໃຕ້ການນຳຂອງອະດີດສະມາຊິກລາຊະວົງເຢຍລະມັນ ອາຍຸ 71 ປີ ໄຮຣິສ ທີ່ 13 ເຈົ້າຊາຍແຫ່ງຣອຍສ໌ (Heinrich XIII, Prince of Reuss).

ເຊິ່ງຂະບວນການ Reich Citizens  ເປັນຂະບວນການມີແຜນເພື່ອບຸກຍຶດລັດຖະສະພາເຢຍລະມັນ ໂຄ່ນລົ້ມລັດຖະບານເຢຍລະມັນ ກຽມນຳລະບົບກະສັດກັບຄືນມາ ວາງແຜນບຸກຍຶດລັດຖະສະພາເຢຍລະມັນເພື່ອຍຶດອຳນາດ.

ເຈົ້າຊາຍໄຮຣິສ ທີ່ 13 ເຄີຍເປັນອະດີດຜູ້ບັນຊາການກອງທັບເຢຍລະມັນ ແລະ ອະດີດສະມາຊິກສະພາເຢຍລະມັນ ພັກ AFD ເຊິ່ງເປັນພັກການເມືອງຂວາຈັດເຢຍລະມັນ ເມໂທຣ, ທາງດ້ານສື່ອັງກິດລາຍງານວ່າ ເຈົ້າຊາຍມີແນວຄິດປະຕິເສດລັດເຢຍລະມັນສະໄໝໃໝ່ ຫຼັງສົງຄາມໂລກຄັ້ງທີ 2 ແລະ ຕ້ອງການເຮັດໜ້າທິ່ຂຶ້ນປົກຄອງປະເທດເຢຍລະມັນແທນ.

ແຫຼ່ງຂ່າວ Reuters