ຕອນບ່າຍ ວັນທີ 23/11/2022 ຜ່ານມາ ດ່ານພາສີໜອງຄາຍ ຮ່ວມ​ກັບ​ຫຼາຍ​ອົງການ ຈັບໄດ້ຂອງກາງຢາບ້າເກືອບ 4 ລ້ານເມັດ, ມີຢາໄອສ 10 ກິໂລກຣາມ ແລະ ຢາອີ 5.000 ເມັດ ລວມມູນຄ່າ 100 ລ້ານກວ່າບາດ ທີ່ຊຸກເຊື່ອງໄວ້ໃນລົດບັນທຸກນ້ຳມັນເປົ່າທີ່ກັບມາແຕ່ສົ່ງນ້ຳມັນຢູ່ ສປປ ລາວ.

ຕາມການສືບສວນຂອງເຈົ້າໜ້າທີ່ດ່ານສາກົນໜອງຄາຍລະບຸວ່າ: ຄົນຂັບລົດ ສາລະພາບວ່າໄດ້ຮັບຄ່າຈ້າງ 5 ໝື່ນບາດ ຈາກຍິງສາວລາວທີ່ມີຊື່ສຽງໂດ່ງດັງ.

ພາຍຫຼັງເອົານໍ້າມັນອອກແລ້ວ, ຜູ້ກ່ຽວໄດ້ນັດກັນໄປຮັບເອົາຢາບ້າຢູ່ຂ້າງທາງ, ບໍລິເວນເສັ້ນທາງ 450 ປີ, ຈາກນັ້ນ ຕອນເຊົ້າມື້ນີ້ ໄດ້ເດີນທາງກັບຄືນປະເທດໄທ. ແລະ​ຖືກ​ເຈົ້າ​ໜ້າ​ທີ່​ກວດ​ສອບ​ແລະ​ຈັບ​ຕົວຄາດວ່າເຮັດແບບນີ້ຫຼາຍຄັ້ງ ເຈົ້າໜ້າທີ່ກຳລັງເລັ່ງຂະຫຍາຍຜົນຫາຜູ້ຮ່ວມຂະບວນການມາດຳເນີນຄະດີຕາມກົດໝາຍ.

ທີ່ມາ:ข่าวออนไลน์หนองคาย