ປະເທດຕ່າງໆເກືອບ 200 ປະເທດເຂົ້າຮ່ວມກອງປະຊຸມຄັ້ງທີ 27 ຂອງບັນດາປະເທດພາຄີສົນທິສັນຍາຂອບການປ່ຽນແປງຂອງດິນຟ້າອາກາດຂອງສະຫະປະຊາຊາດ (COP) ຢູ່ ອີຢິບ. ຂໍ້ຕົກລົງທີ່ສຳຄັນບັນລຸໄດ້ເພື່ອສະໜອງທຶນໃຫ້ບັນດາປະເທດທີ່ໄດ້ຮັບຜົນກະທົບຈາກການປ່ຽນແປງຂອງດິນຟ້າອາກາດ.
ບັນດາປະເທດທີ່ທຸກຍາກໄດ້ຜັກດັນມາດົນນານ 30 ປີ ໃນການຂໍໃຫ້ປະເທດທີ່ຮັ່ງມີ, ໍາວຍຈ່າຍເງິນຊ່ວຍເຫຼືອ ຈາກຄວາມເສຍຫາຍ ແລະ ການສູນເສຍ ທີ່ເກີດຈາກປັນຫາໂລກຮ້ອນ.
ຕາມການລາຍງານຂອງຜູ້ສື່ຂ່າວ ການປ່ຽນແປງສະພາບອາກາດຂອງ ບີບີຊີ ລາຍາງານວ່າ: ຂໍ້ຕົກລົງປະຫວັດສາດເຫັນດີມອບເງິນທຸນກ້ອນໃໝ່ເພື່ອຊ່ວຍເຫຼືອປະເທດທີ່ໄດ້ຮັບຜົນກະທົບຮຸນແຮງທີ່ສຸດຈາກການປ່ຽນແປງສະພາບອາກາດ ແຕ່ຍັງບໍ່ຮູ້ລາຍລະອຽດວ່າເປັນເງິນຈຳນວນຫຼາຍປານໃດ ແລະ ຈະມາຈາດໃສ.
ໃນປັດຈຸບັນປະເທດທີ່ຮັ່ງມີ ໄດຮັບປາກທີ່ຈະສະໜັບສະໜູນເງິນຊ່ວຍປະເທດທີ່ທຸກຍາກຢູ່ແລ້ວ 100,000 ລ້ານໂດລາສະຫະລັດ/ປີ ຕັ້ງແຕ່ປີ 2009 ເພື່ອໃຫ້ປະເທດເຫຼົ່ານີ້ເລິກໃຊ້ເຊື້ອໄຟຈາກ ຟອສຊິວ ແລະ ເລິກກິດຈະກຳຕ່າງໆ ທີ່ເຮັດໃຫ້ເກີດມົນລະພິດ ນອກຈາກນີ້ຍັງຕ້ອງການໃຫ້ຊາດເຫຼົ່ານີ້ ໃຊ້ເງິນໃນການປັບຕົວ ແລະ ຊ່ວຍເຫຼືອໃນການກຽມຮັບຜົນກະທົບທີ່ຮ້າຍແຮງທີ່ສຸດຈາກາກນປ່ຽນແປງສະພາບອາກາດ.
ໂດຍແຕ່ລະຊາດມີຄວາມເຫັນພ້ອມກັນວ່າ: ໃຫ້ນຳເງິນສ່ວນນີ້ໄປໃຊ້ໃນການບັນເທົາຜົນກະທົບ ແລະ ການປັບຕົວ ແຕ່ຍັງບໍ່ສາມາດບັນລຸຂໍ້ຕົກລົງ ໃນການນຳເງິນຈຳນວນນີ້ໄປໃຊ້ໃນສ່ວນທີສາມຄື: ຄວາມເສຍຫາຍ ແລະ ການສູນເສຍ.
ແຕ່ຄຳໝັ້ນສັນຍາທີຈະມອບເງິນການຊ່ວຍເຫຼືອປີລະ 100,000 ລ້ານໂດລາສະຫະລັດແມ່ນກ່ອນໜ້ານີ້. ກໍຍັງເຮັດບໍ່ໄດ້ຕາມທີ່ສັນຍາໄວ້ ຈຶ່ງເຮັດໃຫ້ບັນດາປະເທດທີ່ກໍາລັງພັດທະນາບໍ່ມີຄວາມແນ່ນອນກ່ຽວກັບຄໍາຫມັ້ນສັນຍາທີ່ຈະມອບເງິນຊ່ວຍເຫຼືອກ້ອນໃໝ່ນີ້.
ຜູ້ນຳໂລກຫຼາຍຄົນໄດ້ສະແດງຄວາມເຫົນຕໍ່ການບັນລຸຂໍ້ຕົກລົງ ປະຫວັດສາດທີ່ການປະຊຸມໃນອີຍິບ ໂດຍລັັດຖະມົນຕີສິ່ງແວດລ້ອມຂອງແຊມເບຍ ເອີ້ນຂໍ້ຕົກລົງນີ້ວ່າ: ເປັນຜົນດີຫຼາຍຕໍ່ຊາວອາຟຣິກາ 1,3000 ລ້ານຄົນ.
ຢ່າງງໃດກໍຕາມ ຂໍ້ຕົກລົງ COP27 ຍັງຄົງຍຶດໝັ້ນຈຳສັນຍາທີ່ຈະຈຳກັດ ອຸນຫະພູມຂອງໂລກບໍ່ໃຫ້ເພີ່ມຂຶ້ນຫຼາຍກວ່າ 1.5 ອົງສາເມື່ອທຽບກັບຍຸກກ່ອນອຸດສະຫະກຳ ໂດຍອົງການສະຫະປະຊາຊາດ ລະບຸວ່າ: ຫາກບໍ່ສາມາດເຮັດໄດ້ຕາມເປົ້າໝາຍນີ້ ຈະເຮັດໃຫ້ຜູ້ຄົນຫຼາຍລ້ານຄົນພະເຊີນກັບຜົນກະທົບດ້ານການປ່ຽນແປງສະພາບອາກາດທີ່ໂຫດຮ້າຍ.