spot_img
Homeຂ່າວກິລາກອງທັບ ກວາດ 31 ຫຼຽນ ນຳໜ້າເຈົ້າຫຼຽນຄຳ ຍິງປືນ “ຊຽງຂວາງ ເກມ”

ກອງທັບ ກວາດ 31 ຫຼຽນ ນຳໜ້າເຈົ້າຫຼຽນຄຳ ຍິງປືນ “ຊຽງຂວາງ ເກມ”

Published on

ທັບນັກກິລາຍິງປືນ ກະຊວງປ້ອງກັນປະເທດ ຫຼື ກອງທັບ ສ້າງຜົນງານໄດ້ຢ່າງໂດເດັ່ນ ສາມາດຍາດມາໄດ້ເຖິງ 10 ຫຼຽນຄຳ, 11 ຫຼຽນເງິນ ແລະ 10 ຫຼຽນທອງ ລວມທັງໝົດ 31 ຫຼຽນ ຊ່ວຍທັບນັກກິລາ ກອງທັບ ເຈົ້າຫຼຽນຄຳ ງານກິລາແຫ່ງຊາດ ຄັ້ງທີ 10 ຫຼື ອຸດົມໄຊ ເກມ ນຳໜ້າເຈົ້າຫຼຽນຄຳ ການແຂ່ງຂັນກິລາຍິງປືນ ຊຽງຂວາງ ເກມ ຂະນະທີ່ ອັນດັບທີ 2 ຕົກເປັນຂອງ ກະຊວງປ້ອງກັນຄວາມສະຫງົບ (ປກສ) ຍາດໄດ້ 8 ຫຼຽນຄຳ, 7 ຫຼຽນເງິນ ແລະ 8 ຫຼຽນທອງ ລວມ 23 ຫຼຽນ.

ການແຂ່ງຂັນກິລາຍິງປືນງານມະຫາກຳກິລາແຫ່ງຊາດ ຄັ້ງທີ 11 ຫຼື ຊຽງຂວາງ ເກມ ທີ່ແຂວງຊຽງຂວາງ ເປັນເຈົ້າພາບ ໄລຍະທຳອິດ ໄດ້ສຳເລັດລົງໃນວັນທີ 20 ພະຈິກ ຜ່ານມາ ພາຍຫຼັງທີ່ໄດ້ດຳເນີນການແຂ່ງຂັນມາແຕ່ວັນທີ 14 ພະຈິກ ໃນເດືອນດຽວກັນ ຊຶ່ງມີ 2 ກະຊວງ ກໍຄື ກອງທັບ ແລະ ປກສ, ນະຄອນຫຼວງວຽງຈັນ, ແຂວງຫຼວງພະບາງ, ແຂວງຄຳມ່ວນ ແລະ ເຈົ້າພາບ ແຂງຊຽງຂວາງ ເຂົ້າຮ່ວມຊີງໄຊ ຊຶ່ງໄລຍະທຳອິດມີການຊີງໄຊທັງໝົດ 18 ຫຼຽນຄຳ, 18 ຫຼຽນເງິນ ແລະ 36 ຫຼຽນທອງ ຈາກການຊີງໄຊທັງໝົດ 34 ຫຼຽນຄຳ, 34 ຫຼຽນເງິນ ແລະ 68 ຫຼຽນທອງ.

ຜ່ານການແຂ່ງຂັນຜົນປະກົດວ່າ: ນຳໜ້າເຈົ້າຫຼຽນຄຳ ຕົກເປັນຂອງ ກອງທັບ ສາມາດຍາດໄດ້ 10 ຫຼຽນຄຳ, 11 ຫຼຽນເງິນ ແລະ 10 ຫຼຽນທອງ ລວມທັງໝົດ 31 ຫຼຽນ, ອັນດັບທີ 2 ປກສ ຍາດໄດ້ 8 ຫຼຽນຄຳ, 7 ຫຼຽນເງິນ ແລະ 8 ຫຼຽນທອງ, ອັນດັບທີ 3 ນະຄອນຫຼວງວຽງຈັນ ຍາດໄດ້ 9 ຫຼຽນທອງ, ອັນດັບທີ 4 ແຂວງຫຼວງພະບາງ ຍາດໄດ້ 4 ຫຼຽນທອງ, ອັນດັບທີ 5 ແຂວງຄຳມ່ວນ ຍາດໄດ້ 3 ຫຼຽນທອງ ແລະ ອັນດັບທີ 6 ແຂວງຊຽງຂວາງ ຍາດໄດ້ 2 ຫຼຽນທອງ.

ລາຍການດັ່ງກ່າວ ໄດ້ແບ່ງອອກເປັນ 3 ໄລຍະ ຊຶ່ງການແຂ່ງຂັນ ໄລຍະທີ 1 ແລະ ໄລຍະທີ 2 ແຂ່ງຂັນ ທີ່ສະໜາມກິລາຝຶກຊ້ອມຍິງປືນ 5 ເມສາ ແລະ ໄລຍະທີ 3 ແຂ່ງຂັນ ທີ່ໂຮງຮຽນນາຍສິບ ປກສ ແຂວງຊຽງຂວາງ ຊຶ່ງມີການຊີງໄຊທັງໝົດ 34 ຫຼຽນຄຳ, 34 ຫຼຽນເງິນ ແລະ 68 ຫຼຽນທອງ. ສະເພາະໄລຍະທຳອິດ ແຂ່ງຂັນສຳເລັດໄປແລ້ວ ລະຫວ່າງວັນທີ 14-20 ພະຈິກ 2022 ມີການຊີງໄຊ 18 ຫຼຽນຄຳ, 18 ຫຼຽນເງິນ ແລະ 36 ຫຼຽນທອງ ປະກອບມີ ປືນສັ້ນອັດລົມ ໄລຍະ 10 ແມັດດ່ຽວ ແລະ ທີມຍິງ-ຊາຍ, ປືນຍາວອັດລົມ ໄລຍະ 10 ແມັດດ່ຽວ ແລະ ທີມຍິງ-ຊາຍ, ປືນສັ້ນຍິງຊ້າ 50 ແມັດດ່ຽວ ແລະ ທີມຊາຍ, ປືນຍາວທ່ານອນໄລຍະ 10 ແມັດດ່ຽວ ແລະ ທີມຍິງ ແລະ ປືນຍາວ 3 ທ່າ ໄລຍະ 10 ແມັດດ່ຽວ ແລະ ທີມຍິງ-ຊາຍ. ສ່ວນໄລຍະທີ່ສອງຈະເລີ່ມກັບມາແຂ່ງຂັນລະຫວ່າງວັນທີ 23-29 ພະຈິກ 2022 ຊຶ່ງຈະມີການຊີງໄຊ 8 ຫຼຽນຄຳ, 8 ຫຼຽນເງິນ ແລະ 16 ຫຼຽນທອງ ຈາກປະເພດ ປືນຍາວເປົ້າເລື່ອນ ຫຼື ປະເພດປືນເທັນນິ້ງ ທາເກັດ, ໃນນັ້ນ ປະກອບມີ ລາຍການຍິງພາກຊ້າ 4 ຫຼຽນຄຳ ຈາກດ່ຽວຍິງ-ຊາຍ ແລະ ທີມຍິງ-ຊາຍ ແລະ ຍິງພາກປະສົມ ຊ້າບວກໄວ 4 ຫຼຽນຄຳ ດ່ຽວຍິງ-ຊາຍ ແລະ ທີມຍິງ-ຊາຍ ແລະ ໄລຍະສຸດທ້າຍ ຈະແຂ່ງຂັນແຂ່ງຂັນວັນທີ 14-16 ທັນວາ 2022 ທີ່ໂຮງຮຽນນາຍສິບ ປກສ ແຂວງຊຽງຂວາງ ມີການຊີງໄຊ 8 ຫຼຽນຄຳ, 8 ຫຼຽນເງິນ ແລະ 16 ຫຼຽນທອງ ຈາກປະເພດ ປືນສັ້ນ 15 ແມັດ ຊີງໄຊ 4 ຫຼຽນຄຳ ແລະ ປືນສັ້ນ 25 ແມັດ ຍິງ-ຊາຍ ຊີງໄຊ 4 ຫຼຽນຄຳ.

ຂ່າວ: ໜັງສືພິມສຶກສາ-ກິລາລາຍວັນ

ບົດຄວາມຫຼ້າສຸດ

ປະທານປະເທດ ແຫ່ງ ສປປ ລາວ ໄດ້ນຳພາຄະນະຜູ້ແທນຂັ້ນສູງເຂົ້າຮ່ວມ ກອງປະຊຸມສຸດຍອດຂອງອົງການຮ່ວມມືຊຽງໄຮ້ ຄັ້ງທີ 25

ປະທານປະເທດ ແຫ່ງ ສປປ ລາວ ເຂົ້າຮ່ວມກອງປະຊຸມສຸດຍອດຂອງອົງການຮ່ວມມືຊຽງໄຮ້ ຄັ້ງທີ 25 (The 25th SCO Summit) ໃນລະຫວ່າງວັນທີ 31ສິງຫາ - 1...

ກ້າວໄປອີກຂັ້ນ! ຍີ່ປຸ່ນສ້າງເລືອດທຽມ ສາມາດໃຊ້ທົດແທນໄດ້ທຸກກຸບເລືອດ ແລະ ສາມາດເກັບຮັກສາໄດ້ດົນກວ່າ 2 ປີ

ເປັນການພັດທະນາທາງດ້ານເຕັກໂຕໂລຊີເລືອດທຽມຂອງປະເທດຍີ່ປຸ່ນທີ່ຈະມາແກ້ໄຂບັນຫາຂາດແຄນເລືອດໃນໂລກ ການພັດທະນາທາງດ້ານການແພດຂອງປະເທດຍີ່ປຸ່ນ ໄດ້ແນ່ໃສ່ຄວາມສຳຄັນໃນການຈັດສັນຫາເລືອດ ດ້ວຍການພັດທະນາເຕັກໂນໂລຊີ ເລືອດທຽມ ທີ່ສາມາດໃຊ້ໄດ້ກັບຄົນເຈັບທຸກກຸບເລືອດ ແລະ ສາມາດເກັບຮັກສາໄດ້ດົນ 2 ປີ. ໃນການວິໄຈຂອງມະຫາວິທະຍາໄລການແພດນາລາ ຂອງປະເທດຍີ່ປຸ່ນ ທີ່ໄດ້ພັດທະນາສານທີ່ເອີ້ນວ່າ hemoglobin vesicles ເປັນຫຼັກການດຶງເອົາ...

ແຜ່ນດິນໄຫວຂະໜາດ 6,0 ຣິກເຕີ ໃນປະເທດອັບການິສະຖານ ເຮັດໃຫ້ມີຜູ້ເສຍຊີວິດ 622 ຄົນ ແລະ ໄດ້ຮັບບາດເຈັບຫຼາຍກວ່າ 1,500 ຄົນ

ເກີດເຫດແຜ່ນດີນໄຫວໃນວັນທີ 31 ກັນຍາ 2025 ທີ່ປະເທດອັບການິສະຖານ ມີຂະໜາດ 6,0 ຣິກເຕີ ເຮັດໃຫ້ມີຜູ້ເສຍຊີວິດຈໍານວນ 622 ຄົນ ລາຍງານຫຼ້າສຸດ, ຈາກເຫດແຜ່ນດິນໄຫວໃນປະເທດອັຟການິສຖານ ທີ່ເກີດຂຶ້ນໃນວັນທີ 31...

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...