spot_img
Homeຂ່າວພາຍ​ໃນລັດຖະບານ ສ.ອາເມລິກາ ມອບອຸປະກອນຊ່ວຍເຫຼືອ ເພື່ອຍົກລະດັບການກວດຈັບຢາເສບຕິດ ແລະ ສິ່ງຜິດກົດໝາຍ ຢູ່ ສປປ ລາວ

ລັດຖະບານ ສ.ອາເມລິກາ ມອບອຸປະກອນຊ່ວຍເຫຼືອ ເພື່ອຍົກລະດັບການກວດຈັບຢາເສບຕິດ ແລະ ສິ່ງຜິດກົດໝາຍ ຢູ່ ສປປ ລາວ

Published on

ວັນທີ 15 ພະຈິກນີ້, ລັດຖະບານ ສ.ອາເມລິກາ ໄດ້ມອບອຸປະກອນກວດຈັບ ແລະ ພາຫະນະລາດຕະເວນ ໃຫ້ແກ່ກົມພາສີ ສປປ ລາວ ໃນພິທີມອບຮັບໂດຍ ທ່ານ ປີເຕີ ເຮມ໋ອນ Peter M. Haymond ເອກອັກຄະລັດຖະທູດ ສະຫະລັດອາເມລິກາ ແລະ ທ່ານ ພູຄຳ ວັນນະວົງໄຊ ຫົວໜ້າກົມພາສີ. 

ອຸປະກອນຊ່ວຍເຫຼືອ ລວມມີ ລົດກະບະ ຂັບເຄື່ອນ 4 ລໍ້ ຈຳນວນ 2 ຄັນ, ເຄື່ອງກວດຈັບສິ່ງຜິດກົດໝາຍ ຈຳນວນ 20 ເຄື່ອງ ທີ່ສາມາດວິເຄາະ ແລະ ໄຈ້ແຍກທາດເຄມີ, ເຄື່ອງກວດຈັບແບບວິດີໂອ ຈຳນວນ 2 ເຄື່ອງ ທີ່ສາມາດກວດກາຕາມຊ່ອງຫວ່າງທີ່ບໍ່ສາມາດເຂົ້າເຖິງໄດ້, ແລະ ແວ່ນ ຈຳນວນ 170 ອັນ ເພື່ອກວດກາຢູ່ ກ້ອງລົດ. ສ່ວນລົດກະບະດັ່ງກ່າວ ຈະຖືກນຳໃຊ້ໂດຍເຈົ້າໜ້າທີ່ພາສີ ພະແນກສືບສວນ-ສອບສວນ ແລະ ປາບປາມການລັກລອບໜີພາສີ ເພື່ອລາດຕະເວນຢູ່ເຂດຫ່າງໄກສອກຫຼີກ ແລະ ສະກັດກັ້ນອາດຊະຍາກຳ, ສ່ວນອຸປະກອນທີ່ຍັງເຫຼືອແມ່ນຈະນຳໄປແຈກຢາຍໃຫ້ເຈົ້າໜ້າທີ່ພາສີຢູ່ຈຸດດ່ານຊາຍແດນຕ່າງໆ ເພື່ອຍົກລະດັບການກວດຈັບຢາເສບຕິດ ແລະ ສິ່ງຜິດກົດໝາຍອື່ນໆ.

“ອຸປະກອນຕ່າງໆ ແລະ ລົດກະບະ ທີ່ ສ.ອາເມລິກາ ມອບໃຫ້ໃນມື້ນີ້ ຈະສາມາດຊ່ວຍໃຫ້ເຈົ້າໜ້າທີ່ ພາສີລາວ ມີເຄື່ອງມື ທີ່ຖືກຕ້ອງເໝາະສົມ ເພື່ອປະຕິບັດໜ້າທີ່ຂອງຕົນໃຫ້ດີ,” ກ່າວໂດຍ ທ່ານ ເອກອັກຄະລັດຖະທູດ ເຮມ໋ອນ. “ລົດກະບະ ຈະຊ່ວຍໃຫ້ເຈົ້າໜ້າທີ່ພາສີ ພະແນກສືບສວນ-ສອບສວນ ແລະ ປາບປາມການລັກລອບໜີພາສີ ເຂົ້າເຖິງເຂດຫ່າງໄກສອກຫຼີກ ແລະ ສາມາດຕອບສະໜອງຕໍ່ເຫດການອາດຊະຍາກຳໄດ້ຢ່າງວ່ອງໄວ. ເຄື່ອງສະແກນຂ້າມແດນທີ່ທັນສະໄໝທີ່ ພວກເຮົາກຳລັງມອບໃຫ້ສາມາດຄົ້ນຍານພາຫະນະຫາໄດ້ຢ່າງສົມບູນພາຍໃນຫ້ານາທີ.

ເຄື່ອງມືເຫຼົ່ານີ້ຈະຊ່ວຍໃຫ້ເຈົ້າໜ້າທີ່ຢູ່ຈຸດດ່ານຊາຍແດນຍົກລະດັບປະສິດທິພາບ ແລະ ປະສິດທິຜົນ ພ້ອມເພີ່ມຄວາມເປັນໄປໄດ້ທີ່ເຂົາເຈົ້າຈະກວດພົບອາດຊະຍາກຳຂ້າມຊາດ. ພວກເຮົາໃຫ້ຄຸນຄ່າສາຍສຳພັນກັບກົມພາສີຂອງລາວ ແລະ ພູມໃຈທີ່ໄດ້ຊ່ວຍເຫຼືອ ສປປ ລາວ ໃນການກວດຈັບ ອາດຊະຍາກຳຂ້າມຊາຍແດນ.

ພະແນກຕ້ານຢາເສບຕິດ ແລະ ປະຕິບັດກົດໝາຍ (INL) ຢູ່ສະຖານທູດສະຫະລັດອາເມລິກາ ໄດ້ສະໜອງທຶນໃນການຈັດຊື້ ແລະ ມອບ ອຸປະກອນຕ່າງ ພ້ອມທັງ ພາຫະນະ ໃຫ້ແກ່ກົມພາສີ ຂອງລາວ. INL ໄດ້ເຮັດວຽກຢ່າງໃກ້ຊິດກັບອົງການປະຕິບັດກົດໝາຍຂອງລາວ ແລະ ຂະແໜງການຍຸຕິທໍາຕ່າງໆ ກ່ຽວກັບ ອາດຊະຍາກໍາຂ້າມຊາດ ແລະ ບັນຫາກ່ຽວຂ້ອງກັບຍຸຕິທໍາ ລວມມີ ການຄ້າມະນຸດ, ຢາເສບຕິດ, ແລະ ສັດປ່າ, ການຟອກເງິນ, ການລະເມີດສິດທິຊັບສິນທາງປັນຍາ ແລະ ອື່ນໆ.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...