spot_img
Homeຂ່າວພາຍ​ໃນງານມະຫະກຳກິລາແຫ່ງຊາດທ້າຍປີນີ້ ມີຄວາມພ້ອມ 100%

ງານມະຫະກຳກິລາແຫ່ງຊາດທ້າຍປີນີ້ ມີຄວາມພ້ອມ 100%

Published on

ກອງປະຊຸມຄະນະຮັບຜິດຊອບລະດັບຊາດ ຄັ້ງທີ VI ແລະ ກອງປະຊຸມຫົວໜ້າຄະນະນໍາພານັກກິລາ ເຂົ້າຮ່ວມງານມະຫະກໍາກິລາແຫ່ງຊາດ ຄັ້ງທີ XI ໄຂຂຶ້ນວັນທີ 3 ພະຈິກ 2022 ທີ່ຫ້ອງວ່າການປົກຄອງແຂວງຊຽງຂວາງ ພາຍໃຕ້ການເປັນປະທານຂອງທ່ານ ບຸນຈັນ ສີວົງພັນ ເຈົ້າແຂວງຊຽງຂວາງ ປະທານຈັດງານມະຫະກໍາກິລາແຫ່ງຊາດ ຄັ້ງທີ XI ແລະ ທ່ານ ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະ ກິລາ ປະທານຮ່ວມຈັດງານມະຫະກໍາກິລາແຫ່ງຊາດ ຄັ້ງທີ XI ມີທ່ານຮອງລັດຖະມົນຕີກະຊວງສຶກສາທິການ ແລະ ກິລາ ບັນດາເຈົ້າແຂວງ ຜູ້ຕາງໜ້າຈາກກະຊວງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.​

ໂອກາດນີ້ ທ່ານ ບຸນເລື່ອນ ວັນນາຮັກ ຫົວໜ້າພະແນກສຶກສາທິການ ແລະ ກິລາແຂວງຊຽງຂວາງ ຮອງຫົວໜ້າກອງເລຂາຜູ້ປະຈໍາການຈັດງານມະຫະກຳກິລາແຫ່ງຊາດ ຄັ້ງທີ XI ທີ່ແຂວງຊຽງຂວາງ ເປັນເຈົ້າພາບ ໄດ້ຂຶ້ນຜ່ານບົດລາຍງານການກະກຽມຄວາມພ້ອມໃນດ້ານຕ່າງໆໃຫ້ແກ່ງານມະຫະກຳກິລາແຫ່ງຊາດ ຄັ້ງທີ XI ໂດຍໄດ້ຍົກໃຫ້ເຫັນເຖິງຜົນສໍາເລັດ ແລະ ຄວາມພ້ອມດ້ານການຈັດຕັ້ງປະຕິບັດແຕ່ລະດ້ານ ເຊັ່ນ: ການບໍລິຫານການນໍາພາ ການປະສານງານຂອງກອງເລຂາ ວຽກຈັດກອງປະຊຸມ ເນື້ອໃນເອກະສານ ນິຕິກໍາ ແລະ ການຈັດຊື້ຈັດຈ້າງ ການຈັດກອງປະຊຸມລະດັບຕ່າງໆແມ່ນໄດ້ຈັດຕັ້ງປະຕິບັດປະສົບຜົນສໍາເລັດ ນອກນັ້ນ ວຽກໄອທີ ການອອກແບບບັດ ແລະ ການລົງທະບຽນໃຫ້ແກ່ຄະນະນໍາ ແລະ ນັກກິລາຈາກພາກສ່ວນຕ່າງໆ ແມ່ນໄດ້ດໍາເນີນປົກກະຕິ ສໍາລັບຄວາມພ້ອມຂອງສະໜາມແຂ່ງຂັນກິລາທຸກປະເພດ ມາຮອດປັດຈຸບັນ ແມ່ນມີຄວາມພ້ອມ 100% ສ່ວນສະຖານທີ່ພັກຂອງການນໍາ ແລະ ທີ່ພັກຂອງນັກກິລາ ກໍມີຄວາມພ້ອມ ສັງລວມແລ້ວ ມາຮອດປັດຈຸບັນ ງານມະຫະກຳກິລາແຫ່ງຊາດ ຄັ້ງທີ XI ທີ່ແຂວງຊຽງຂວາງຮັບກຽດເປັນເຈົ້າພາບ ສາມາດເປີດໄດ້ຢ່າງເປັນທາງການຕາມວັນ ແລະ ເວລາທີ່ກໍານົດໄວ້.

ຂະນະດຽວກັນ ຜູ້ແທນເຂົ້າຮ່ວມກອງປະຊຸມ ຍັງໄດ້ຮັບຟັງການລາຍງານຈາກຫົວໜ້າກໍາມະການຝ່າຍຕ່າງໆ ເຊັ່ນ: ການຈັດການແຂ່ງຂັນກິລາປະເພດຕ່າງໆຈາກກໍາມະການເຕັກນິກໃນງານມະຫະກໍາກິລາແຫ່ງຊາດ ຄັ້ງທີ XI ຮັບຟັງການລາຍງານຄວາມພ້ອມກ້ອນກໍາລັງນັກສະແດງ ກ້ອນກໍາລັງເດີນສະໜາມ ພິທີເປີດ-ປິດ ການກະກຽມຈັດການແຂ່ງຂັນກິລາຄົນພິການທົ່ວປະເທດ ພ້ອມທັງຮັບຟັງການລາຍງານເອກະສານທີ່ສໍາຄັນອື່ນໆອີກຈໍານວນໜຶ່ງ ພ້ອມນັ້ນ ຜູ້ແທນເຂົ້າຮ່ວມຍັງໄດ້ຄົ້ນຄ້ວາປຶກສາຫາລື ປະກອບຄໍາຄິດຄໍາເຫັນຢ່າງກົງໄປກົງມາ ເພື່ອໃຫ້ໄດ້ຂໍ້ສະຫຼຸບທີ່ເອກະພາບກັນ ແລະ ສຸດທ້າຍ ຈະໄດ້ຮັບຟັງການໂອ້ລົມ ປະກອບຄໍາຄິດຄໍາເຫັນຈາກການນໍາຂັ້ນແຂວງ ແລະ ຂັ້ນສູນກາງ ເພື່ອເປັນແນວທາງໃນການຈັດຕັ້ງປະຕິບັດວຽກງານຕ່າງໆໃນຕໍ່ໜ້າໃນງານມະຫະກໍາກິລາແຫ່ງຊາດ ຄັ້ງທີ XI ທີ່ແຂວງຊຽງຂວາງເປັນເຈົ້າພາບ ເຊິ່ງຈະຈັດຂຶ້ນໃນລະຫວ່າງເດືອນທັນວາທີ່ຈະມາເຖິງນີ້ໃຫ້ໄດ້ຮັບຜົນດີ.

ແຫຼ່ງຂ່າວຈາກ Vientiane Mai

ບົດຄວາມຫຼ້າສຸດ

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...

ລາວ-ສ.ເກົາຫຼີ ລົງນາມຮ່ວມມື ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ມູນຄ່າ 9.9 ລ້ານໂດລາ

ລາວ-ສ.ເກົາຫຼີ ລົງນາມບົດບັນທຶກການຮ່ວມມື (Record of Discussion-ROD) ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ກະຊວງເຕັກໂນໂລຊີ ແລະ ການສື່ສານ (ກຕສ) ຮ່ວມກັບ ອົງການຮ່ວມມືສາກົນ ສ.ເກົາຫຼີ (KOICA) ໄດ້ຈັດພິທີລົງນາມບົດບັນທຶກການຮ່ວມມື...

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...