spot_img
Homeຂ່າວຕ່າງປະເທດADB ຫຼຸດການຄາດຄະເນການເຕີບໂຕໃນປີ 2022 ຂອງປະເທດລາວ

ADB ຫຼຸດການຄາດຄະເນການເຕີບໂຕໃນປີ 2022 ຂອງປະເທດລາວ

Published on

ທະນາຄານພັດທະນາອາຊີ (Asian Development Bank) ຫຼື ເອດີບີ ໄດ້ປັບຫຼຸດການການຄາດຄະເນທ່າອ່ຽງການເຕີບໂຕທາງດ້ານເສດຖະກິດຂອງປະເທດລາວ ເນື່ອງຈາກການເພີ່ມຂຶ້ນຂອງລາຄາສິນຄ້າ ແລະ ການຫຼຸດລົງຂອງການສະໜອງ ທີ່ມັນເພີ່ມຄວາມກົດດັນຕໍ່ອັດຕາເງິນເຟີ້.

ທະນາຄານ​ພັດທະນາ​ພາກ​ພື້ນ​ ໄດ້​ຫຼຸດ​ການ​ຄາດ​ຄະ​ເນຂອງ​ລາວ​ໃນ​ປີ 2022 ລົງ​ເຫຼືອ​ພຽງ 2,5% ​ເຊິ່ງຫຼຸດ​ລົງ​ຈາກ 3,4% ທີ່​ຄາດ​ການໄວ້​ໃນ​ເດືອນ​ເມສາ. ເອດີບີ ຍັງ​ໄດ້​ປັບ​​ການ​ຄາດ​ຄະ​ເນ​ຂອງ​ລາວ​ໃນ​ປີ 2023 ເປັນ 3,5% ເຊິ່ງຫຼຸດ​ລົງ​ຈາກ​ການ​ຄາດ​ຄະ​ເນ​ເບື້ອງ​ຕົ້ນ​ທີ່ 3,7%.

ອີງຕາມການວິເຄາະສະບັບປັບປຸງໃນເວັບໄຊທ໌ຂອງ ເອດີບີ ໃນວັນພຸດທີ່ຜ່ານມາ ການຄາດຄະເນທ່າອ່ຽງການເຕີບໂຕທີ່ຕໍ່າລົງ ແມ່ນເນື່ອງຈາກການເພີ່ມຂຶ້ນຂອງລາຄາສິນຄ້າ ແລະ ການຫຼຸດລົງຂອງການສະໜອງ ທີ່ມັນເພີ່ມຄວາມກົດດັນຂອງອັດຕາເງິນເຟີ້.

ຂະນະ​ທີ່​ວິ​ສາ​ຫະກິດ​ສ່ວນ​ໃຫຍ່​ໄດ້​ເປີດດຳເນີນການເປັນ​ປົກກະຕິແລ້ວ ໃນ 6 ​ເດືອນ​ຕົ້ນ​ປີ ​ແລະ ນັກ​ທ່ອງ​ທ່ຽວຈາກຕ່າງປະເທດ ​ກໍ່​ເລີ່ມ​​ເພີ່ມ​ຂຶ້ນ, ​ໂດຍ​ສະ​ເພາະ​ນ້ຳມັນທີ່ມີການເໜັງຕີງ ເຮັດໃຫ້ຄ່າຄອງຊີບເພີ່ມຂຶ້ນ ເຊິ່ງສົ່ງຜົນໃຫ້ການໃຊ້ຈ່າຍ​ພາຍ​ໃນ​ປະ​ເທດ​ຫຼຸດ​ລົງ.

ການເພີ່ມຂຶ້ນຂອງລາຄາຝຸ່ນ (ປຸ໋ຍ), ອາຫານສັດ, ອາຫານ ແລະ ນໍ້າມັນເຊື້ອໄຟ ທີ່ສ້າງຄວາມຫຍຸ້ງຍາກຕໍ່ພາກ ກະສິກໍາ ແລະ ການຜະລິດ ເຊິ່ງມັນເຮັດໃຫ້ເສດຖະກິດມີການຂະຫຍາຍຕົວຊ້າ.

ການເພີ່ມຂຶ້ນຂອງລາຄາສິນຄ້າ ສ້າງຜົນກະທົບຕໍ່ປະຊາຊົນຄົວເຮືອນໃນລາວ, ໂດຍສະເພາະແມ່ນປະຊາຊົນທີ່ທຸກຍາກ ທີ່ເປັນອຸປະສັກຕໍ່ຄວາມປອດໄພທາງດ້ານອາຫານ ແລະ ໂພຊະນາການຂອງເຂົາເຈົ້າ. ອີງ​ຕາມ​ທະ​ນາ​ຄານໄດ້ລະບຸວ່າ​ ບໍ່​ພຽງ​ແຕ່ເປັນສິ່ງທ້າ​ທາຍ ​ສໍາ​ລັບ​ບຸກ​ຄົນ​ເທົ່ານັ້ນ ແຕ່​ຍັງ​ລວມເຖິງ​ການ​ເງິນ​ສາ​ທາ​ລະ​ນະ​ອີກດ້ວຍ.

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...