spot_img
Homeຂ່າວຕ່າງປະເທດຮ້ານກາເຟ “ຖະໜົນລົດໄຟ” ຍອດນິຍົມຂອງຮ່າໂນ້ຍຖືກສັ່ງປິດ

ຮ້ານກາເຟ “ຖະໜົນລົດໄຟ” ຍອດນິຍົມຂອງຮ່າໂນ້ຍຖືກສັ່ງປິດ

Published on

“ຖະໜົນ​ລົດໄຟ” ທີ່​ນິຍົມ​ຂອງ​ຮ່າ​ໂນ້ຍ ​ເປັນອີກສະຖານທີ່ໜຶ່ງທີ່ຖືກ​ປາບ​ປາມ​ຢ່າງ​ໃຫຍ່​.

ຖະໜົນຫົນທາງທີ່ລົດໄຟໄປແລ່ນໄປ-ມາຕາມເສັ້ນທາງ ເຊິ່ງຢູ່ຫ່າງຈາກບ້ານ ແລະ ທຸລະກິດຕ່າງໆໃນນະຄອນຫຼວງຫວຽດນາມ ແມ່ນໜຶ່ງໃນບັນດາສະຖານທີ່ທ່ອງທ່ຽວ ທີ່ມີຊື່ສຽງທີ່ສຸດຂອງຮ່າໂນ້ຍ ແລະ ເປັນທີ່ນິຍົມໃນສື່ສັງຄົມອອນລາຍມາແຕ່ດົນນານ.

ຢ່າງໃດກໍຕາມ ມັນກໍຍັງສ່ຽງເປັນອັນຕະລາຍຕໍ່ຜູ້ຄົນ ແຕ່ເສັ້ນທາງລົດໄຟແມ່ນຍັງດຳເນີນໄດ້ປົກກະຕິ ແລະ ກໍມີບັນຫາດ້ານຄວາມປອດໄພກັບນັກທ່ອງທ່ຽວທີ່ມັກນັ່ງ ນອນ ແລະ ຖ່າຍຮູບເທິງທາງລົດໄຟ.

​ເຖິງ​ວ່າຈະ​ໄດ້​ມີ​ການ​ປະກາດໃຫ້ຢຸດຕິ ຢ່າງ​ເປັນ​ທາງ​ການ​ໃນ​ໄລຍະ​ຜ່ານ​ມາ ໂດຍສະເພາະໃນ​ປີ 2019, ໃນປະຈຸ​ບັນ ລັດຖະບານ​ພາກ​ພື້ນ​ຮ່າ​ໂນ້ຍ ພວມ​ປະຕິບັດ​ຢ່າງໜັກ ​ໂດຍ​ຍົກ​ເລີກ​ໃບ​ອະນຸຍາດ​ໃຫ້​ຮ້ານ​ກາ​ເຟ ​ແລະ ທຸລະ​ກິດ​ອື່ນໆ​ຢູ່​ຕາມ​ຖະໜົນ​ຫົນທາງ ເຊິ່ງທັງໝົດນີ້ຈະໄດ້ຖືກປິດໃນວັນທີ 17 ກັນຍາ.

ນອກ​ນີ້ ຍັງ​ໄດ້​ວາງ​ສິ່ງ​ກີດຂວາງ​ເພື່ອ​ຫ້າມ​ນັກ​ທ່ອງ​ທ່ຽວ​ເຂົ້າ​ໄປ​ໃນ​ຖະໜົນ​ຫົນທາງດັ່ງກ່າວ.

ເຈົ້າຂອງຮ້ານໄດ້ກ່າວວ່າ ຫາກໍໄດ້ຮັບແຈ້ງການເພື່ອສັ່ງປິດພຽງແຕ່ສອງສາມມື້ກ່ອນ ໂດຍການສັ່ງປິດນີ້ກໍ່ມີຫາງສຽງຈາກຫຼາຍພາກສ່ວນທີ່ກ່ຽວຂ້ອງ ຈາກຜູ້ທີ່ຢູ່ອາໄສໃກ້ກັບເສັ້ນທາງນີ້ ແລະ ຜູ້ທີ່ອາໄສລາຍໄດ້ຈາກນັກທ່ອງທ່ຽວ ທີ່ໄດ້ເຂົ້າມາທ່ຽວນັ້ນ.

ໃນຂະນະດຽວກັນນັ້ນ ບໍ​ລິ​ສັດ​ທາງ​ລົດ​ໄຟ​ຫວຽດ​ນາມ ໄດ້ກ່າວວ່າ ຖ້າຍັງມີຮ້ານໃດເປີດດຳເນີນການ, ມີການ​ຖ່າຍ​ຮູບ ຫຼື ຖ່າຍ​ວິ​ດີ​ໂອ​ລຽບ​ຕາມ ຖະ​ໜົນ​ລົດ​ໄຟ ກໍ່ຈະໄດ້ຖືກ​ປັບ​ໃໝ.

ແຫຼ່ງຂ່າວຈາກ Viet Nam News

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...