spot_img
Homeຄວາມງາມພຶດຕິກຳທໍາຮ້າຍຮ່າງກາຍຂອງ ສາວໆຫ້ອງການ

ພຶດຕິກຳທໍາຮ້າຍຮ່າງກາຍຂອງ ສາວໆຫ້ອງການ

Published on

3

ແມ່ຍິງ​ສ່ວນ​ໃຫຍ່​ກໍ​ເປັນ ສາວ​ໆຫ້ອງການ ບາງ​ຄົນ​ໃຊ້​ເວລາ​ຢູ່​ທີ່ ​ຫ້ອງການຫລາຍກວ່າ​ທີ່​ເຮືອນ​ ເຮັດໃຫ້​ພຶດຕິກຳ​ຕ່າງໆ ທີ່ເກີດຂຶ້ນ​ໃນ​ຫ້ອງການ​ນັ້ນ ມາ​ຈາກ​ຄວາມ​ລຶ້ງເຄີຍ​ ແລ້ວ​ເຄີຍ​ສັງເກດ​ກັນ​ນຳ​ບໍ່​ວ່າ… ມີ​ຫລາຍ​ພຶດຕິກຳ ທີ່​ຈະ​ບັ່ນ​ທອນ​ຮ່າງກາຍ​ຂອງ​ເຮົາເອງ

ສາວ​ຫ້ອງການ ມັກ​ນອນ​ເດິ

ພຶດຕິກຳ​ທໍາອິດ​ເລີຍ ຖ້າຫາກ​ສາວໆ ທີ່​ເຮັດວຽກ​ໜັກ ບໍ່​ວ່າ​ຈະ​ເປັນ​ຕຳແໜ່ງ​ໃດ  ນອນ​ເດິກ ຕື່ນ​ເຊົ້າ ເວລາ​ນອນ​ບໍ່​ພຽງ​ພໍ ແບບນີ້​ບໍ່​ດີ​ກັບ​ທັງ​ໂຕ​ເອງ ​ແລະ ​ວຽກ​ເລີຍ​ຮູ້​ບໍ່ ເພາະ​ສະ​ນັ້ນ​ຖ້າຫາກ​ສາວໆ ເລີ່ມ​ຮູ້ສຶກ​ວ່າ ​ມີ​ເວລາ​ໃນ​ການ​ພັກ​ຜ່ອນ​ທີ່​ໜ້ອຍ​ຫລາຍ​ຈົນ​ເກີນ​ໄປ ກໍ​ປັບ​ປ່ຽນ​ການເຮັດວຽກງານ​ໃໝ່ ໃຫ້​ເລິກ​ວຽກໄວ​ຂຶ້ນ ເພື່ອຈະ​ໄດ້​ມີ​ເວລາ​ພັກ​ຜ່ອນ​ທີ່​ພຽງ​ພໍ ຫລື​ວ່າ ​ຈະ​ພັກ​ຫລັບ​ໃນ​ໄລຍະ​ພັກ​ທ່ຽງ​ 10-15 ນາ​ທີ​ກໍ​ຊ່ວຍ​ໄດ້​ ຈະ​ເຮັດໃຫ້​ເຮົາ​ມີສະ​ມາ​ທິ​ໃນ​ການເຮັດວຽກງານ​ຫລາຍ​ຂຶ້ນ ງານ​ບໍ່​ເສຍ ສຸຂະພາບ​ບໍ່​ເສຍນໍາ​

ກິນ​ອາຫານ​ບໍ່​ຖືກເວລາ

ສຳຫລັບ​ການ​ກິນອາຫານ​ບໍ່​ຖືກ​ເວລາ ເປັນ​ຕົ້ນ​ເຫດ​ເຮັດໃຫ້​ເກີດ​ພະຍາດ​ກະເພາະ​ອາຫານ​ໄດ້ ອາດ​ດ້ວຍ​ສາ​ເຫດ​ຕ່າງໆ ທັງ​ການ​ກິນ​ອາຫານ​ຟ້າວ​ຈົນ​ເກີນ​ໄປ ການ​ກິນ​ອາຫານ​ບໍ່​ຖືກເວລາ ການ​ກິນ​ອາຫານ​ໃນ​ປະລິມານ​ທີ່​ຫລາຍ​ ຫລື ​ໜ້ອຍ​ຈົນ​ເກີນ​ໄປ ເຮັດໃຫ້​ກະເພາະ​ອາຫານ​ຂອງ​ເຮົາ​ເຮັດວຽກ​ບໍ່​ປົກກະຕິ ເກີດ​ເປັນ​ພະຍາດ​ກະເພາະ​ອາຫານ​ຕາມ​ມາ​ໄດ້ ດັ່ງ​ນັ້ນ​ຄວນ​ປັບ​ປ່ຽນ​ພຶດ​ຕິ​ກຳ ການ​ກິນ​ອາຫານ​ໃໝ່ ເລືອກ​ກິນອາຫານ​ໃຫ້​ຖືກ​ເວລາ ​ແລະ ​ປະລິມານ​ສະ​ໝ່ຳ​ສະເໝີ​

ການ​ນັ່ງ​ເຮັດວຽກ​ຜິດ​ທ່າ

ຫລາຍ​ຄົນ​ມັກ​ມີ​ອາຫານ​ປວດ​ບໍ​ລິ​ເວ​ນ​ໄຫລ່ ​ແລະ ​ຫລັງ ນັ້ນ​ເປັນ​ເພາະ​ການ​ນັ່ງ​ເຮັດວຽກ​ຜິດ​ທ່າ​ຂອງ​ເຮົາ​ ອີກ​ຢ່າງ​ເຮົາ​ນັ່ງ​ເຮັດວຽກ​ເປັນ​ໄລຍະ​ເວລາ​ດົນ ບໍ່​ໄດ້​ມີ​ກາ​ນ​ເໜັງຮ່າງກາຍ​ໄປ​ໃນ​ທ່າ​ອື່ນ ກໍ​ເຮັດໃຫ້​ເກີດ​ຄວາມ​ເມື່ອຍ​​ໄດ້​ເຊັ່ນ​ກັນ ດັ່ງ​ນັ້ນ​ຄວນ​ເລືອກ​ສຶກ​ສາ​ທ່າ​ນັ່ງ​ທີ່​ຖືກ​ຕ້ອງ ​ແລະ ​ເໝາະ​ສົມ ແລະ ​ໝັ່ນ​ເໜັງ​ຮ່າງກາຍ ປັບ​ປ່ຽນ​ທ່າ​ໄປ​ມາ​ຢູ່​ສະ  ເໝີ​ ນອກ​ຈາກ​ນີ້ ການ​ອອກ​ກຳ​ລັງ​ກາຍ​ ຫລື​ ຫລິ້ນ​ໂຍ​ຄະ ຈະ​ສາມາດ​ຊ່ວຍ​ຫລຸດ​ອາຫານ​ປວດ​ຂອງ​ກ້າມ​ຊີ້ນ​ໃຫ້ຫ​ລຸດ​ໜ້ອຍ​ລົງ​ໄດ້​

ທານ​ຈຸກ​ຈິກ​ຕະຫລອດ​ມື້

ເວລາ​ນັ່ງເຮັດວຽກ​ ບິດໜຶ່ງກໍ່ຢາກນອນ ບຶດໜຶ່ງ​ກໍ​ຈະ​ຫລັບ ເລີຍ​ຕ້ອງ​ຫາຫຍັງມາກິນ ເພື່ອໃຫ້ຜ່ອນຄາຍ​ຄາຍ​ ​ຄວາມ​ລຶ້ງ​ເຄີຍນີ້​ ເປັນ​ບໍ່ເກີດ​ຂອງ​ຄວາມ​ຕຸ້ຍຂອງ​ສາວໆ ໄດ້ ເພາະ​ການ​ກິນ​ເຂົ້າໜົມ​ຈຸກ​ຈິກ​ຕະຫລອດ​ທັງ​ມື້ ໂດຍ​ທີ່​ເຮົາ​ບໍ່​ໄດ້​ເໜັງຮ່າງກາຍ​ໄປ​ໃສ​ເລີຍ ນັ່ງ​ຢູ່​ກັບ​ບ່ອນ ຈະ​ເກີດ​ໄຂ​ມັນ​ສະ​ສົມ​ໄດ້ ດັ່ງ​ນັ້ນ​ປ່ຽນ​ຈາກ​ການ​ກິນ​ເຂົ້າໜົມ​ມາເປັນ​ເລືອກ​ກິນ​ຫມາກໄມ້​ແທນ​ຈະ​ດີກວ່າ​

ພາຍ​ກະ​ເປົ໋າ​ໜັກ​ເກີນ​ໄ

ສໍາຫລັບ ສາວ​ຫ້ອງການ ຍັງ​ຈະ​ຕ້ອງ​ມີ​ກະ​ເປົ໋າ​ເອກະສານ ກະ​ເປົ໋າ​ຄອມພິວເຕີ​ໂນດ​ບຸກ ລວມ​ນ້ຳ​ໜັກ​ທັງ​ໝົດ​ແລ້ວ​ນີ້​ກໍ່ຫລາຍພໍສົມຄວນ ການ​ທີ່​ເຮົາ​ຕ້ອງ​​ພາຍ​ກະ​ເປົ໋າ​ໜັກ ຖື​ສິ່ງຂອງ​ຫລາຍໆຈະ​ເຮັດໃຫ້​ປວດ​ໄຫລ່ ປວດ​ຄໍ ລາມ​ໄປ​ຈົນ​ເຖິງ​ປວດ​ຫົວ​ ແລະ ​ປວດ​ຫລັງ ເປັນ​ຕົ້ນ​ເຫດ​ຂອງ​ການ​ຊຸດ ​ແລະ ​ເສື່ອມ​ຂອງ​ກະດູກ​ຄໍ​ຈົນ​ທັບ​ເສັ້ນ​ປະສາດ ອາດ​ເຮັດໃຫ້​ແຂນ​ຊາ​ ຫລື​ ອ່ອນ​ແຮງ​ໄດ້ ແລະ ​ການ​ພາຍ​ກະ​ເປົ໋າ​ໜັກໆ ຂ້າງ​ດຽວ​ເປັນ​ເວລາ​ດົນ​ອາດ​ເປັນ​ສາ​ເຫດ​ໃຫ້​ກະດູກ​ສັນ​ຫລັງ​ຄົດ​ໄດ້​ ດັ່ງ​ນັ້ນ​ເຮົາ​ຈຶ່ງ​ຄວນ​ເລືອກ​ພຽງ​ສິ່ງ​ທີ່​ຈຳ​ເປັນ​ທີ່​ຈະ​ຕ້ອງ​ພົກ​ໄປ​ມາ​ຕະຫລອດ​ທັງ​ມື້ ລວມ​ເຖິງ​ເລືອກ​ທີ່​ຈະ​ໃຊ້​ເປ້ ແທນ​ກະ​ເປົ໋າ​​ພາຍ​ຂ້າງ​ດຽວ ເພື່ອຫລຸດ​ອາການ​ປວດ​ໄຫລ່​ຈາກ​ການ​​ພາຍ​ກະ​ເປົ໋າ​ຂ້າງ​ດຽວ​ເປັນ​ເວລາ​ດົນ​ໆ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...