ເກີດເຫດໄຟໄໝ້ໃນພັບໃນປະເທດໄທ ເປັນສິ່ງທີ່ໜ້າສະຫຼົດໃຈຕໍ່ເຫດການໄຟໄໝ້ໃນຄັ້ງນີ້ ທີ່ເຜົາຄົນທັ້ງເປັນໄປ 13 ຄົນ.
ໃນວັນທີ 5 ສິງຫາ 2022 ຈາກການລາຍງານຂອງສຳນັກຂ່າວປະເທດໄທ ໄດ້ລາຍງານວ່າ: ເວລາປະມານທ່ຽງຄືນຂອງວັນທີ 4 ຫາ 1 ໂມງ ວັນທີ 5 ສິງຫາ 2022 ເກີດເຫດທີ່ບໍ່ຄາດຄິດ ເມື່ອຜູ້ຄົນທີ່ໄປທ່ຽວພັບຕ້ອງໜີຕາຍຈາກເຫດການໄຟໄໝ້ໃນພັບດັງ ໃນເມືອງສັດຕະຫີບ ແຂວງຊົນບູລີ, ໂດຍມີລາຍງານວ່າ ໄດ້ຍິນສຽງລະເບີດ 2 ເທື່ອ ກ່ອນທີ່ຈະເກີດໄຟ ແລະ ໄໝ້ລາມໄປທົ່ວອາຄານ ເຈົ້າໜ້າທີ່ດັບເພີງລະດົມຊີດນ້ຳເພື່ອດັບໄຟ ທີ່ດົນກວ່າ 2 ຊົ່ວໂມງ ຈຶ່ງສາມາດຄວບຄຸມເຫດໄຟໄໝ້ນີ້ໄດ້ ໄຟໄໝ້ໃນເທື່ອນີ້ມີຄົນບາດເຈັບຈຳນວນຫຼາຍ ແລະ ມີ 13 ຄົນທີ່ເສຍຊີວິດ.
ໃນຂະນະນັ້ນ ຫຼາຍໆຄົນທົ່ວປະເທດໄທ ລວມທັງຄົນທີ່ມີຊື່ສຽງ ກໍ່ຮ່ວມໄວ້ອາໄລຈາກເຫດໄຟໄໝ້ໃນເທື່ອນີ້.
