spot_img
Homeນານາສາລະທົ່ວໂລກກຳລັງປະເຊີນກັບການຂາດແຄນອາຫານ

ທົ່ວໂລກກຳລັງປະເຊີນກັບການຂາດແຄນອາຫານ

Published on

ທົ່ວໂລກກຳລັງປະເຊີນກັບການຂາດແຄນອາຫານ!!

ຕາມການລາຍງານຈາກ 10 Story ເລື່ອງເລົ່າຂອງ 10 ໄດ້ລະບຸວ່າ: ປັດຈຸບັນ ທົ່ວໂລກກຳລັງປະເຊີນກັບບັນຫາທາງເສດຖະກິດທີ່ຕົກຕ່ຳ ເນື່ອງມາຈາກລາຄານ້ຳມັນເຊື້ອໄຟທີ່ສູງຂຶ້ນ, ລາຄາສິນຄ້າໃນຕະຫຼາດໂລກທີ່ເພີ່ມຂຶ້ນໄວວາ, ບັນຫາເງິນເຟີ້ຕ່າງໆໃນທົ່ວໂລກ. ທີ່ສຳຄັນບັນຫາທີ່ທົ່ວໂລກໃຫ້ການສົນໃຈຄື ບັນຫາການຂາດແຄນອາຫານ.

ຈາກແຕ່ກ່ອນທີ່ຫຼາຍໆປະເທດມີບັນຫາເລື່ອງຄວາມສາມາດໃນການນຳເຂົ້າ-ສົ່ງອອກສິນຄ້າ ເຮັດໃຫ້ມີບັນຫາເລື່ອງອາຫານບໍ່ພຽງພໍ ເນື່ອງຈາກການແຜ່ລະບາດຂອງໂຄວິດ ໄດ້ມີການ Lockdown ໃນຫຼາຍໆປະເທດ ແລະ ຍັງປະກອບມີສົງຄາມລະຫວ່າງຣັດເຊຍກັບຢູເຄຣນ ທີ່ເຮັດໃຫ້ເພີ່ມທະວີ ວິກິດການຄັ້ງນີ້ໃຫ້ຮຸນແຮງຂຶ້ນ.

ໂດຍຜົນການສຳຫຼວດສະເລ່ຍຈາກປີທີ່ຜ່ານມາ ລາຄາອາຫານທົ່ວໂລກເພີ່ມຂຶ້ນ 34% ແລະ ຊ່ວງລະຫວ່າງເດືອນກຸມພາຫາເດືອນມີນາ ລາຄາອາຫານໄດ້ເພີ່ມຂຶ້ນ 12% ຫຼັງຈາກຣັດເຊຍປະຕິບັດທາງການທະຫານໃນຢູເຄຣນ.

ເຊິ່ງປະເທດຣັດ​ເຊຍ ​ແລະ ຢູເຄຣນ ມີສັດສ່ວນກວມເອົາ 10% ຂອງການຜະລິດອາຫານທົ່ວໂລກເຊັ່ນ: ເຂົ້າສາລີ ການສົ່ງອອກກວມ 30% ຂອງໂລກ, ການສົ່ງ​ອອກ​ປຸ້ຍເຄມີ​ກວມເອົາ 12.7% ຂອງໂລກ ແຕ່ປະຈຸບັນຣັດເຊຍບໍ່ສາມາດສົ່ງອອກໄດ້ເນື່ອງຈາກຖືກຄວໍ່າບາດ ເປັນຜົນໃຫ້ປຸ້ຍ​ຂາດ​ເຂີນ​​ທົ່ວ​ໂລກ ຜົນຕາມມາຄືລາຄາ​ສິນຄ້າ​ກະສິກຳ​ໄດ້​ເພີ່ມ​ຂຶ້ນ.

ປັດຈຸບັນ ຫຼາຍປະເທດໄດ້ປະກາດຢຸດການສົ່ງອອກສິນຄ້າກະສິກຳ ເພື່ອປ້ອງກັນການຂາດແຄນອາຫານທີ່ເກີດຂື້ນພາຍໃນປະເທດເຊັ່ນ:

– ອາເຈນຕິນາ: ຢຸດການສົ່ງອອກ ນ້ໍາມັນຖົ່ວເຫຼືອງ, ອາຫານທີ່ມີສວນປະກອບຖົ່ວເຫຼືອງ

– ເອວຈີເຣຍ: ຢຸດການສົ່ງອອກ pasta, ເຂົ້າສາລີ, ນ້ໍາມັນພືດ, ນໍ້າຕານ

– ອີຢິບ: ໄດ້ຢຸດການສົ່ງອອກ ນ້ໍາມັນພືດ, ສາລີ

– ອິນໂດເນເຊຍ: ຢຸດການສົ່ງອອກ ນໍ້າມັນປາມ, ນໍ້າມັນເມັດ

– ອີຣານ: ຢຸດການສົ່ງອອກມັນຕົ້ນ, ໝາກເຂືອ, ໝາກເລັ່ນ, ຜັກບົ່ວ

– ກາຊັກສະຖານ: ຢຸດການສົ່ງອອກ ເຂົ້າສາລີ,ແປ້ງສາລີ

– ຕວກກີ: ຢຸດການສົ່ງອອກຊີ້ນງົວ, ຊີ້ນງົວ, ຊີ້ນແບ້, ມັນເບີ, ນ້ຳມັນປຸງອາຫານ

– ຕູນິເຊຍ: ຢຸດການສົ່ງອອກໝາກໄມ້, ຜັກ

– ຄູເວດ: ຢຸດການສົ່ງອອກ ຜະລິດຕະພັນໄກ່, ເມັດພືດ, ນໍ້າມັນພືດ

– ຣັດເຊຍ: ຫ້າມສົ່ງອອກນ້ຳຕານ, ແກ່ນດອກຕາເວັນ ແລະ ເຂົ້າສາລີ, ແປ້ງສາລີ, ເຂົ້າບາເລ, ເຂົ້າບາເລ, ສາລີ, ປຸ໋ຍເຄມີ.

ຖ້າສົງຄາມຍັງມີການສືບຕໍ່ ໂອກາດຂອງການຂາດແຄນອາຫານກໍຈະເພີ່ມຂຶ້ນ ນີ້ສາມາດນໍາໄປສູ່ການຫ້າມການສົ່ງອອກອາຫານຈາກປະເທດຕ່າງໆເພີ່ມຂຶ້ນອີກ.

ອົງກອນການຄ້າໂລກ WTO ອອກມາເຕືອນວ່າ ໂລກເຮົາກຳລັງປະເຊີນກັບບັນຫາວິກິດຂາດແຄນອາຫານຂອງໂລກຄັ້ງໃຫຍ່.

ຢ່າງໃດກໍຕາມ ເຖິງວ່າລາວເຮົາຈະສາມາດປູກຜັກ, ປູກເຂົ້າ, ລ້ຽງສັດ ໄດ້ກໍຕາມ ແຕ່ຕົ້ນທຶນໃນການປູກ ຫຼື ລ້ຽງເຊັ່ນ ອາຫານສັດ, ປຸ໋ຍ, ນ້ຳມັນເປັນຕົ້ນ, ພວກເຮົາຍັງໄດ້ມີການນຳເຂົ້າເພື່ອທີ່ຈະຜະລິດສິນຄ້າກະສິກຳມາໃຫ້ປະຊາຊົນບໍລິໂພກ, ສະນັ້ນ ຜູ້ບໍລິໂພກກໍໄດ້ຮັບຜົນກະທົບທີ່ມາຈາກຜູ້ຜະລິດ ແລະ ປະເທດລາວກໍໄດ້ຮັບຜົນກະທົບເຊັ່ນກັນ.

ຂໍ້ມູນຈາກ 10 Story ເລື່ອງເລົ່າຂອງ 10

 

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...