spot_img
Homeຂ່າວຕ່າງປະເທດUNSC ອອກຖະແຫຼງການສະບັບທຳອິດກໍລະນີ ຣັດເຊຍ ເຂົ້າຮຸກຮານ ຢູເຄຣນ

UNSC ອອກຖະແຫຼງການສະບັບທຳອິດກໍລະນີ ຣັດເຊຍ ເຂົ້າຮຸກຮານ ຢູເຄຣນ

Published on

ສະພາຄວາມໝັ້ນຄົງສະຫະປະຊາຊາດ ເຜີຍແຜ່ຖະແຫຼງການສະບັບທຳອິດ ຫຼັງເກິດຄວາມຂັດແຍ່ງລະຫວ່າງຣັດເຊຍ-ຢູເຄຣນ ຢຶນຍັນນສະໜັບສະໜູນແນວທາງການແກ້ໄຂບັນຫາຢ່າງສັນຕິ.

ໃນວັນທີ 7 ພຶດສະພາ 2022 ທີ່ຜ່ານມາ ສຳນັກຂ່າວຕ່າງປະເທດລາຍງານວ່າ: ສະພາຄວາມໝັ້ນຄົງສະຫະປະຊາຊາດ(UNSC) ອອກຖະແຫຼງການສະບັບທຳອິດຕໍ່ກໍລະນີ ຣັດເຊຍ ເຂົ້າຮຸກຮານ ຢູເຄຣນ ຕັ້ງແຕ່ປາຍເດືອນ ກຸມພາ ທີ່ຜ່ານມາ ສະແດງຄວາມກັງວົນຢ່າງຍິ່ງໃນເລື່ອງສັນຕິພາບ ແລະ ຄວາມໝັ້ນຄົງຂອງຢູເຄຣນ.

ຖະແຫຼງການດັ່ງກ່າວໄດ້ລະບຸວ່າ: ສະພາຄວາມໝັ້ນຄົງມີຄວາມກັງວົນຢ່າງຍິ່ງຕໍ່ການຮັກສາສັນຕິພາບ ແລະ ຄວາມໝັ້ນຄົງ ຊຶ່ງຍ້ຳເຕືອນ ໃຫ້ປະເທດສະມາຊິກທັງໝົດຍຶດໝັ້ນໃນໜ້າທີ່ພາຍໃຕ້ກົດແຫ່ງສະຫະປະຊາຊາດ ເພື່ອລະງັບຄວາມພິດພາດລະຫວ່າງປະເທດ ດ້ວຍສັນຕິວິທີ ພ້ອມສະໜັບສະໜູນຄວາມພະຍາຍາມຂອງເລຂາທິການສະຫະປະຊາຊາດໃນການຄົ້ນຫາແນວທາງແກ້ໄຂບັນຫາຢ່າງສັນຕິ.

ທ່ານ ອັນໂຕນິໂອ ກູເຕີເຮສ ເລຊາທິການສະຫະປະຊາຊາດ ກ່າວຕໍ່ຖະແຫຼງການດັ່ງກ່າວໂດຍລະບຸວ່າ ຈະບໍ່ຫຼຸດຄວາມພະຍາຍາມ ໃນການຮັກສາຊີວິດ ບັນເທົາຄວາມທຸກຍາກ ແລະ ຄົ້ນຫາແນວທາງສັນຕິພາບ.

ທັງນີ້ UNSC ມີສະມາຊິກ 15 ປະເທດ ປະກອບໄປດ້ວຍສະມາຊິກ 2 ປະເພດ ຄື: ສະມາຊິກຖາວອນ 5 ປະເທດ ໄດ້ແກ່ ສະຫະລັດອາເມລິກາ, ອັງກິດ, ຝຮັ່ງ, ຈີນ, ແລະ ຣັດເຊຍ ແລະ ສະມາຊິນບໍ່ຖາວອນ 10 ປະເທດ ໂດຍສະມາຊິກຖາວອນຈະມີສິດໃນກນໃຊ້ອຳນາດ ວີໂຕ້ ຊຶ່ງໝາຍການລົງຄະແນນສຽງບໍ່ເຫັນດີ ເພື່ອຍັບຍັ້ງມະຕິຕ່າງໆໃນກອງປະຊຸມ ເທົ່າກັບວ່າມະຕິດັ່ງກ່າວບໍ່ໄດ້ຮັບການຮັບຮອງຈາກທີ່ປະຊຸມ ເນື່ອງຈາກຕາມທີ່ລະບຸໄວ້ໃນກົດແຫ່ງສະຫະປະຊາຊາດ ການຕັດສິນໃຈຂອງ UNSC ຈຳເປັນຕ້ອງໄດ້ຮັບການເຫັນດີເປັນເອກະພາບຈາກສະມາຊິດຖາວອນທັງໝົດ.

ແຫຼ່ງຂ່າວ: Today

ບົດຄວາມຫຼ້າສຸດ

ກອງປະຊຸມສະມັດຊາໃຫຍ່ ລັດຖະສະພາ ລະຫວ່າງຊາດອາຊຽນ (AIPA) ຄັ້ງທີ 45

ກອງປະຊຸມສະມັດຊາໃຫຍ່ ລັດຖະສະພາ ລະຫວ່າງຊາດອາຊຽນ (AIPA) ຄັ້ງທີ 45 ຈະໄດ້ຈັດຂຶ້ນໃນລະຫວ່າງ ວັນທີ 17-23 ຕຸລານີ້ ທີ່ຫໍປະຊຸມແຫ່ງຊາດ, ນະຄອນຫຼວງວຽງຈັນ ໂດຍຈະມີຄະນະຜູ້ແທນຈາກລັດຖະສະພາສະມາຊິກໄອປາ, ຄະນະຜູ້ແທນ...

ເປີດຢ່າງເປັນທາງການ ແຂ່ງຂັນຊ່ວງເຮືອເມືອງນານ ປະຈໍາປີ 2024

ເມືອງ ນານ ແຂວງ ຫລວງພະບາງ ຈັດພິທີເປີດງານບຸນອອກພັນສາປະວໍລະນາ ແລະ ຊ່ວງເຮືອປະຈໍາປີ 2024 ຂຶ້ນ ໃນວັນທີ 17 ຕຸລາ ນີ້ ທີ່ຜາມໄຊຍຶ່ງນ້ໍານານ...

Liam Payne ອະດີດສະມາຊິກວົງ One Direction ເສຍຊີວິດຫຼັງຈາກຕົກລົງຊັ້ນ 3 ໃນໂຮງແຮມແຫ່ງໜຶ່ງ

ອີງຕາມສຳນັກຂ່າວບີບີຊີ ລາຍງານວ່າ: ລຽມ ເພນ (Liam Payne) ອະດີດສະມາຊິກວົງ ວັນໄດເຣກຊັ່ນ (One Direction) ວົງດົນຕີຊື່ດັງຈາກ ອັງກິດ-ໄອແລນ ໄດ້ເສຍຊີວິດດ້ວຍອາຍຸ 31...

ເດືອນກັນຍາ 2024 ມີຜູ້ເສຍຊີວິດຈາກອຸບັດເຫດທັງໝົດ 54 ຄົນ ໃນຂອບເຂດທົ່ວປະເທດ

ໃນໄລຍະເດືອນກັນຍາ 2024 ຜ່ານມານີ້, ທົ່ວປະເທດລາວ ມີຜູ້ເສຍຊີວິດເຖິງ 54 ຄົນ, ມີຜູ້ບາດເຈັບ 674 ຄົນ ແລະ ມີພາຫະນະເປ່ເພ 780 ຄັນຈາກອຸບັດເຫດເກີດຂຶ້ນທັງໝົດ...