spot_img
Homeຂ່າວຕ່າງປະເທດປະທານາທິບໍດີຂອງສະຫະລັດຈະ​ເປັນ​ເຈົ້າພາບ​ຈັດ​ກອງ​ປະຊຸມ​ສຸດ​ຍອດ​ອາ​ຊຽນ​ໃນ​ເດືອນ​ພຶດສະພາ

ປະທານາທິບໍດີຂອງສະຫະລັດຈະ​ເປັນ​ເຈົ້າພາບ​ຈັດ​ກອງ​ປະຊຸມ​ສຸດ​ຍອດ​ອາ​ຊຽນ​ໃນ​ເດືອນ​ພຶດສະພາ

Published on

ທ່ານ ໂຈ ໄບເດັນ ປະທານາທິບໍດີຂອງສະຫະລັດຈະ​ເປັນ​ເຈົ້າພາບ​ຈັດ​ກອງ​ປະຊຸມ​ສຸດ​ຍອດ​ບັນດາ​ຜູ້ນຳ​ສະມາຄົມ​ປະຊາ​ຊາດ​ແຫ່ງອາຊີ​ຕາ​ເວັນ​ອອກສຽງ​ໃຕ້ (ອາ​ຊຽນ) ທີ່​ກຸງ​ວໍ​ຊິງ​ຕັນໃນ​ເດືອນ​ໜ້າ.

ອີງຕາມທໍານຽບຂາວ ກ່າວວ່າ ງານທີ່ຈະຈັດຂຶ້ນນັບແຕ່ວັນທີ 12-13 ພຶດສະພານີ້ ມີຈຸດປະສົງເພື່ອສະແດງໃຫ້ເຫັນເຖິງຄວາມໝຸ໊ງໝັ້ນຂອງສະຫະລັດໃນການຮ່ວມມືລະດັບພາກພື້ນ.

ກອງ​ປະຊຸມ​ສຸດ​ຍອດ​ຄັ້ງ​ນີ້​ຈະ​ສະ​ເຫຼີ​ມສະຫຼອງຄົບຮອບ 45 ປີ​ ແຫ່ງ​ວັນ​ສ້າງ​ຕັ້ງ​ການ​ພົວພັນ​ລະຫວ່າງອາ​ເມ​ຣິ​ກາ-ອາ​ຊຽນ, ​ເຊິ່ງເກີດຂື້ນຫຼັງຈາການ​ເຂົ້າ​ຮ່ວມ​ຂອງ ​ທ່ານ ໄບເດັນ ​ໃນ​ເດືອນ​ຕຸລາ ປີ 2021 ​ໃນ​ເວທີ​ປາ​ໄສ​ທີ່​ທ່ານ​ໄດ້​ໃຫ້​ຄຳ​ໝັ້ນ​ສັນຍາ​ຈະ​ໃຫ້ເງິນ​ຊ່ວຍເຫຼືອຈໍານວນ 102 ລ້ານ USD ​ເພື່ອ​ຊ່ວຍເຫຼືອ​ບັນດາ​ປະ​ເທດ​ເຫຼົ່ານີ້​ກ່ຽວກັບ​ພະຍາດ​ໂຄ​ວິດ-19 ​ແລະ ຄວາມ​ປອດ​ໄພດ້ານ​ສາທາລະນະ​ສຸກ, ການ​ປ່ຽນ​ແປງ​ຂອງ​ດິນ​ຟ້າ​ອາກາດ, ການ​ເຕີບ​ໂຕ​ດ້ານ​ເສດຖະກິດ ແລະ ຄວາມສະເໝີພາບລະຫວ່າງຍິງ-ຊາຍ.

ທ່ານ ເຈນ ຊາກິ ໂຄສົກທຳນຽບຂາວ ກ່າວໃນຖະແຫຼງການໃນວັນເສົາວ່າ “ມັນເປັນບູລິມະສິດອັນດັບຕົ້ນໆຂອງອຳນາດການປົກຄອງ ໄບເດັນ-ຮາຣີສ ໃນການເຮັດໜ້າທີ່ເປັນຄູ່ຮ່ວມມືທີ່ເຂັ້ມແຂງ ແລະ ເຊື່ອຖືໄດ້ໃນອາຊີຕາເວັນອອກສຽງໃຕ້.” “ຄວາມມຸ່ງມາດປາດຖະໜາຮ່ວມກັນຂອງພວກເຮົາສໍາລັບພາກພື້ນຈະສືບຕໍ່ສະໜັບສະໜູນຄໍາຫມັ້ນສັນຍາຮ່ວມກັນຂອງພວກເຮົາໃນການພັດທະນາອິນໂດ-ປາຊີຟິກທີ່ເສລີ ແລະ ເປີດກວ້າງ, ປອດໄພ, ເຊື່ອມຕໍ່ເຖິງກັນ ແລະ ຢືດຢຸ່ນໄດ້.”

ກອງ​ປະຊຸມ​ສຸດ​ຍອດ​ຄັ້ງ​ທຳ​ອິດ​ຈະ​ຈັດ​ຂຶ້ນ​ໃນ​ເດືອນ​ມີນາ ​ແຕ່​ໄດ້ຖືກ​ເລື່ອນ​ເວລາ​ອອກ​ໄປ​ຍ້ອນ​ຄວາມ​ກັງວົນ​ຂອງ​ສະມາຊິກ​ບາງ​ຄົນເລື່ອງກໍານົດການ ​ແລະ ​ການ​ເກີດ​ຄວາມ​ຂັດ​ແຍ່​ງກັນ​ໃນ​ຢູ​ເຄຣນ.

ແຫຼ່ງທີ່ມາຈາກ: The Laotian Times

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...