Homeຂ່າວຕ່າງປະເທດຢີ່ປຸ່ນ​ຈະ​ຢຸດຕິ​ການ​ນຳ​ເຂົ້າ​ຖ່ານ​ຫີນ​ຂອງຣັດ​ເຊຍ​

ຢີ່ປຸ່ນ​ຈະ​ຢຸດຕິ​ການ​ນຳ​ເຂົ້າ​ຖ່ານ​ຫີນ​ຂອງຣັດ​ເຊຍ​

Published on

ທ່ານ ຟູມິໂອະ ຄິຊິດະ ນາຍົກລັດຖະມົນຕີກະຊວງອຸດສາຫະກໍາຢີ່ປຸ່ນໄດ້ເປີດເຜີຍ​​ວ່າ ຢີ່ປຸ່ນ​ຈະ​ຫຼຸດຜ່ອນ​ການ​ນຳ​ເຂົ້າ​ຖ່ານ​ຫີນ​ຈາກຣັດ​ເຊຍ.

ການ​ຕັດສິນ​ໃຈ​ດັ່ງກ່າວ​ແມ່ນ​ສ່ວນ​ໜຶ່ງ​ຂອງ​ການ​ຂວ້ຳບາດຣັດ​ເຊຍ​ຮ່ວມກັບປະເທດອື່ນໃນກຸ່ມ G7 (ກຸ່ມປະເທດອຸດສະຫະກໍາຊັ້ນນໍາ 7 ປະເທດ) ເພື່ອຕອບໂຕ້ຣັດເຊຍໃນການໂຈມຕີຢູເຄຣນ.​ ​ແຕ່​ປະ​ເທດ​ທີ່​ຂາດແຄນ​ດ້ານ​ຊັບພະຍາກອນ​ໃນ​ປັດຈຸ​ບັນ​ກໍາລັງປະ​ເຊີນ​ໜ້າ​ກັບ​ຄວາມ​ທ້າ​ທາຍ​ໃນ​ການ​ຊອກ​ຫາ​ແຫຼ່ງຊັບພະຍາກອນ​ທາງ​ເລືອກ​ເພື່ອ​ຕອບ​ສະໜອງ​ຄວາມ​ຕ້ອງການ​ພະລັງງານ​ພາຍ​ໃນ​ປະ​ເທດ.

“ຢີ່ປຸ່ນຈະຫ້າມການນໍາເຂົ້າຖ່ານຫີນຂອງຣັດເຊຍ,” ຄິຊິດະ ກ່າວ. “ພວກເຮົາຈະຄ່ອຍໆຫຼຸດປະລິມານການນໍາເຂົ້າຖ່ານຫີນ ໂດຍຮັບປະກັນວ່າຈະຈັດຫາແຫຼ່ງຊັບພະຍາກອນທາງເລືອກອື່ນໂດຍໄວ.”

ທ່ານ ຄິຊິດະ ກ່າວ​ວ່າ ຍິ​ປຸ່ນ​ຈະ​ດຳ​ເນີນ​ການຕາມ​ຄຳ​ໝັ້ນ​ສັນ​ຍາ​ຂອງກຸ່ມ G7 ເພື່ອ​ເລັ່ງ​ລັດ​ແຜນ​ການ​ຫຼຸດ​ຜ່ອນ​ການ​ເພິ່ງ​ພາ​ອາ​ໄສ​ພະ​ລັງ​ງານ​ຂອງ​ຣັດ​ເຊຍ, ທ່ານກ່າວ​ຕື່ມ​ວ່າ ນ້ຳ​ມັນ​ດິບ​ກໍ່ຈະຖືກ​ລວມ​ເຂົ້າ​ນຳເຊັ່ນກັນ.

ຖ່ານຫີນຂອງຣັດເຊຍມີເຖິງ 13% ຂອງຈຳນວນທັງໝົດທີ່ໃຊ້ໃນການຜະລິດກະແສໄຟຟ້າໃນປະເທດຢີ່ປຸ່ນ. ສຽງຮຽກຮ້ອງຂອງນານາປະເທດ​ທີ່​ເກີດ​ຈາກ​ຮູບ​ພາບ​ຂອງ​ພົນລະ​ເຮືອນ​ທີ່​ເສຍ​ຊີວິດ​ຢູ່​ຕາມ​ຖະໜົນ​ຫົນທາງ​ໃນ​ຢູ​ເຄຣນ ປາກົດ​ວ່າ​ໄດ້​ປ່ຽນ​ຈຸດຢືນ​ຂອງ​ຍິປຸ່ນ​ຕໍ່​ການ​ຂວ້າມບາດ​ທີ່​ແນ​ໃສ່​ພະລັງງານຂອງຣັດ​ເຊຍ.

ເນື່ອງຈາກໂຮງ​ໄຟຟ້າ​ນິວ​ເຄຍ​ຂອງຢີ່​ປຸ່ນ​ສ່ວນ​ໃຫຍ່ໄດ້​ອອຟໄລນ໌​ຕັ້ງ​ແຕ່​ເກີດໄພ​ພິບັດ ຟຸກຸຊິມະ ໄດອິຈິ ໃນປີ 2011, ພະລັງງານ​ຄວາມ​ຮ້ອນ​ຈາກ​ຖ່ານ​ຫີນ​ເປັນ​ໜຶ່ງ​ໃນ​ແຫຼ່ງໄຟຟ້າ​ຫຼັກ. ອົດສະຕາລີອາດຈະເປັນໜຶ່ງໃນແຫຼ່ງຖ່ານຫີນທາງເລືອກເພື່ອທົດແທນການນໍາເຂົ້າຈາກຣັດເຊຍສໍາລັຢີ່ປຸ່ນ ເຊິ່ງອາໄສຖ່ານຫີນເກືອບທັງໝົດຈາກຕ່າງປະເທດ.

​ເຖິງ​ແມ່ນວ່າ​ຈະ​ມີ​ຄວາມ​ກົດ​ດັນ ​ແລະ ​ ​ການ​ຂວ້ຳບາດ​ຈາກ​ບັນດາ​ປະ​ເທດ​ມະຫາ​ອຳນາດ​ໃຫຍ່ກໍຕາມ ​ແຕ່ຣັດ​ເຊຍຍັງຄົງ​ສືບ​ຕໍ່​ບຸກ​ໂຈມ​ຕີ​ຢູ​ເຄຣນຕໍ່ໄປນັບຕັ້ງ​ແຕ່​ວັນ​ທີ 24 ເດືອນກຸມພາ.

ການ​ປະກາດດັ່ງກ່າວ​ຂອງ​ຢີ່ປຸ່ນ​ທີ່​ມີ​ຂຶ້ນ​ພຽງແຕ່ 1 ​ມື້ ​ຫລັງ​ຈາກ​ບັນດາ​ລັດຖະມົນຕີ​​ຕ່າງປະ​ເທດ​ຈາກ​ກຸ່ມ G7 ຂອງ​ອັງກິດ, ກາ​ນາ​ດາ, ​ເຢຍລະ​ມັນ, ຝຣັ່ງ, ອີ​ຕາ​ລີ, ຢີ່ປຸ່ນ ​ແລະ ອາ​ເມ​ລຣິ​ກາ ​ລວມທັງສະຫະພາບ​ເອີ​ຣົບ​ໄດ້​ປະນາມ​ຣັດ​ເຊຍ​ຢ່າງ​ຮຸນ​ແຮງ​ຕໍ່​ການ​ກະທຳ​ທີ່ “​ໂຫດຮ້າຍ​” ​ໃນຢູເຄຣນ ແລະ ເຫັນພ້ອມກັນທີ່ຈະ “ສະໜັບສະໜູນ ແລະ ເພີ່ມແຮງກົດດັນຕໍ່ຣັດເຊຍ ໂດຍການບັງຄັບໃຊ້ມາດຕະການຈໍາກັດເພີ່ມເຕີມຮ່ວມກັນ” ເວັ້ນເສຍແຕ່ວ່າຣັດເຊຍຈະຢຸດຕິການໂຈມຕີຢູເຄຣນ.

ອ້າງອີງຈາກ: KYODO NEWS

 

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...