1.ເຈົ້າໜ້າທີ່ຢູເຄຣນ ກ່າວວ່າ ຂົງເຂດ Kyiv ທັງໝົດໄດ້ຮັບການປົດປ່ອຍຢ່າງເຕັມທີ່ (ບໍ່ມີກຳລັງຣັດເຊຍຢູ່ເຂດນັ້ນແລ້ວ).
2. ຢູເຄຣນ ກ່າວວ່າ ສົບຂອງພົນລະເຮືອນ 410 ຄົນໄດ້ຖືກພົບເຫັນຢູ່ໃນບັນດາເມືອງໃກ້ໆກັບ Kyiv, ດ້ວຍຮູບພາບຈາກດາວທຽມທີ່ຖ່າຍໃນອາທິດແລ້ວນີ້ ແລະ ໄດ້ພົບເຫັນຂຸມຝັງສົບຄວາມຍາວ 14 ແມັດໃນ ເມືອງ Bucha. ບັນດາຜູ້ເຫັນເຫດການກ່າວຕໍ່ສື່ມວນຊົນວ່າ ທະຫານຣັດເຊຍໄດ້ຍິງປືນໃສ່ພົນລະເຮືອນແທນທີ່ຈະໃຫ້ເຂົາເຈົ້າອອກຈາກແລວທາງດ້ານມະນຸດສະທຳ. ແຕ່ຣັດເຊຍປະຕິເສດຂໍ້ກ່າວຫາເຫຼົ່ານີ້ ແລະກ່າວວ່າ ກອງກຳລັງຢູເຄຣນໄດ້ວາງລະເບີດໃສ່ເມືອງດັ່ງກ່າວຫຼັງຈາກໄດ້ຖອນຕົວອອກ.
3. ເລຂາທິການໃຫຍ່ຂອງອົງການສະຫະປະຊາຊາດ ທ່ານ Antonio Guterres ກ່າວວ່າ: ທ່ານ “ຕົກໃຈຢ່າງສຸດຊຶ້ງ” ກັບຮູບພາບຂອງພົນລະເຮືອນທີ່ຖືກຂ້າຕາຍຢູ່ໃນເມືອງ Bucha ໃກ້ກັບນະຄອນຫຼວງ Kyiv ຂອງຢູເຄຣນ ແລະຮຽກຮ້ອງໃຫ້ມີການສືບສວນເອກະລາດ.
4. ຣັດເຊຍຊົມເຊີຍຄວາມພະຍາຍາມຂອງຕວກກີໃນການສ້າງຄວາມສະດວກໃຫ້ແກ່ຂະບວນການເຈລະຈາກ່ຽວກັບຢູເຄຣນ, ທ່ານເອກອັກຄະລັດຖະທູດ ຣັດເຊຍ ປະຈຳຕວກກີ Alexey Yerkhov ກ່າວໃນວັນຈັນວານນີ້.
5. ຕວກກີໄດ້ສະເໜີໃຫ້ສະໜັບສະໜູນການຍົກຍ້າຍພົນລະເຮືອນອອກຈາກເມືອງ Mariupol ທາງທະເລ, ອີງຕາມລັດຖະມົນຕີປ້ອງກັນປະເທດຕວກກີ Hulusi Akar.
ແຫຼ່ງຂໍ້ມູນ:
https://www.themoscowtimes.com/2022/04/03/ukraine-as-its-happening-a76553
https://news.un.org/en/story/2022/04/1115442
https://tass.com/politics/1431847