spot_img
Homeຂ່າວຕ່າງປະເທດຫວຽດນາມພົບຄົນຕິດເຊື້ອໂອໄມຄຣອນໃນຊຸມຊົນກໍລະນີທຳອິດ

ຫວຽດນາມພົບຄົນຕິດເຊື້ອໂອໄມຄຣອນໃນຊຸມຊົນກໍລະນີທຳອິດ

Published on

ໜ່ວຍງານຄວບຄຸມໂລກຂອງຫວຽດນາມກວດພົບຜູ້ຕິດເຊື້ອໂຄວິດ-19 ສາຍພັນໂອໄມຄຣອນລະບາດໃນຊຸມຊົນເປັນຄັ້ງທຳອິດໂດຍເຊື່ອວ່າຕິດມາຈາກຜູ້ປ່ວຍທີ່ກັບມາຈາກຕ່າງປະເທດ.

ຈາກການລາຍງານຂອງສຳນັກຂ່າວ ຊິນຫົວ ປະເທດຈີນລາຍງານວ່າ: ໃນວັນພຸດ 19 ມັງກອນ 2022 ຜ່ານມາ, ສູນຄວບຄຸມພະຍາດແຫ່ງນະຄອນ ໂຮຈິມິນອອກມາຢືນຢັນວ່າ: ພົບຜູ້ຕິດເຊື້ອໂຄວິດ-19 ສາຍພັນໂອໄມຄຣອນນ ໃນຊຸມຊົນເປັນຄັ້ງທຳອິດ ໂດຍພົບຜູ້ປ່ວຍ 3 ກໍລະນີ ທີ່ກ່ຽວຂ້ອງກັບຜູ້ທີ່ຕິດເຊື້ອທີ່ເດີນທາງກັບເຂົ້າຫວຽດນາມຈາກສະຫະລັດອາເມຣິກາ.

ເຊິ່ງຜູ້ປ່ວຍທັງ 3 ມີອາການບໍ່ສະບາຍ, ເຈັບຄໍ ແລະ ມີນ້ຳມູກໄຫຼ ກ່ອນທີ່ຈະຕັດສິນໃຈ ເຂົ້າຮັບການກວດຢູ່ຄລີນິກເອກະຊົນ ຜົນການກວດ PCR ແລະ ລຳດັບພັນທຸກຳພົບວ່າ ພວກເຂົາຕິດເຊື້ອໂຄວິດ-19 ສາຍພັນໂອໄມຄຣອນ ເຊິ່ງຂະນະນີ້ທັງ 3 ຄົນກຳລັງກັກໂຕ ແລະ ໄດ້ຮັບການຮັກສາ.

ນອກນີ້ກະຊວງສາທາລະນະສຸກຂອງຫວຽດນາມໄດ້ລາຍງານພົບຜູ້ຕິດເຊື້ອໂຄວິດ-19 ສະສົມທັງໝົດ 2,062,128 ຄົນ ໂດຍທັງໝົດ ຖືກກວດພົບລະຫວ່າງການລະບາດຂອງສາຍພັນເດລຕາ ນັບຕັ້ງແຕ່ນັບຕັ້ງແຕ່ປາຍເດືອນ ເມສາ ປີກ່ອນ ສ່ວນສາຍພັນໂອໄມຄຣອນ ແມ່ນມີ 70 ລາຍທົ່ວປະເທດລວມເຖິງ 30 ຄົນໃນນະຄອນ ໂຮຈິມິນ ແຕ່ທັງໝົດລ້ວນແຕ່ເປັນຜູ້ທີ່ກັບມາຈາກຕ່າງປະເທດ ແລະ ກຳລັງກັກໂຕຢ່າງເຂັ້ມງວດເມື່ອເດີນທາງກັບມາຮອດປະເທດຕົນເອງ.

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...