spot_img
Homeຂ່າວການສຶກສາບໍລິສັດ ເບຍລາວ ມອບທຶນການສຶກສາ ໃຫ້ສອງສະຖາບັນຢູ່ແຂວງຈຳປາສັກ

ບໍລິສັດ ເບຍລາວ ມອບທຶນການສຶກສາ ໃຫ້ສອງສະຖາບັນຢູ່ແຂວງຈຳປາສັກ

Published on

10801838_868459023188025_6340759328094350228_n

 

ບໍລິສັດ ເບຍລາວ ຈໍາກັດ ໄດ້ມອບທຶນການສຶກສາໃຫ້ແກ່ນັກສຶກສາມະຫາວິທະຍາໄລຈໍາປາສັກ(ມຈ) ເປັນປີທີ 5

ແລະ ມອບທຶນໃຫ້ນັກສຶກສາວິທະຍາໄລຄູປາກ ເຊ(ວຄປ) ເປັນປີທີ 1 ລວມ 60 ທຶນ ເປັນເງິນ 162 ລ້ານກີບ.

 

ພິທີມອບ-ຮັບທຶນການສຶກສາຄັ້ງນີ້ມີຂຶ້ນໃນວັນທີ 27 ຕຸລາ 2014 ທີ່ຜ່ານມາ ຢູ່ໂຮງງານເບຍລາວຈໍາປາສັກ ບ້ານ

ຫຼັກ 19 ເມືອງປະທຸມພອນ, ໃນພິທີ ກ່ອນອື່ນຕາງໜ້າຄະນະບໍລິຫານກອງທຶນຂອງ ມຈ ແລະ ວຄປ ໄດ້ຂຶ້ນລາຍ

ງານຫຍໍ້ ການປະຕິບັດໂຄງການສຶກສາໃນສົກຮຽນປີຜ່ານມາ ແລະ ຜ່ານທິດທາງແຜນການໃນຕໍ່ໜ້າ, ຈາກນັ້ນ

ທ່ານ ກິດສະໜາ ວົງໄຊ ຜູ້ອໍານວຍການ ບໍລິສັດ ເບຍລາວ ຈໍາກັດ ກໍ່ໄດ້ກ່າວມອບ ພ້ອມທັງມີຄໍາເຫັນ ຊຶ່ງເນື້ອໃນ

ສໍາຄັນບາງຕອນທ່ານກ່າວວ່າ: ການມອບທຶນການສຶກສາໃຫ້ແກ່ນັກສຶກສາຂັ້ນມະຫາວິທະຍາໄລຂອງບໍລິສັດເບຍ

ລາວ ຈໍາກັດ ແມ່ນໄດ້ເລີ່ມປະຕິບັດມາແຕ່ປີ 2010 ທີ່ຜ່ານມາ, ໂດຍກໍານົດເອົານັກສຶກສາຜູ້ມີເງື່ອນໄຂຮຽນດີ,

ຮຽນເກັ່ງ, ມີຄຸນສົມບັດດີ, ມີຄວາມຮູ້ຄວາມສາມາດ ແຕ່ຖານະຄອບຄົວທຸກຍາກ ເພື່ອເປັນການໃຫ້ໂອກາດແກ່

ນັກສຶກສາເຫຼົ່ານັ້ນ ພາຍຫຼັງຮຽນຈົບແລ້ວຈະໄດ້ນໍາເອົາຄວາມຮູ້-ຄວາມສາມາດກັບໄປພັດທະນາທ້ອງຖິ່ນຕົນ

ແລະ ຕະຫຼອດໄລຍະສົກຮຽນຖ້າຄູ-ອາຈານປະເມີນຜົນວ່ານັກສຶກສາຄົນໃດທີ່ໄດ້ຮັບທຶນແລ້ວ ແຕ່ປະພຶດໂຕໃຫ້

ມີເງື່ອນໄຂບໍ່ເໝາະສົມ ແມ່ນຈະຢຸດໃຫ້ທຶນແລ້ວເປີດໂອກາດໃຫ້ຄົນອື່ນທີ່ມີເງື່ອນໄຂໄດ້ຮັບທຶນຕໍ່.

 

10389409_868458946521366_8829538811394522064_n

 

ສະເພາະສົກຮຽນປີ 2014-2015 ນີ້້ ໄດ້ມອບທຶນການສຶກສາໃຫ້ 6 ພາກສ່ວນຄື: ມະຫາວິທະຍາໄລແຫ່ງຊາດ, ສະຖາ

ບັນວິຈິດສິນ, ມະຫາວິທະຍາໄລ ຫຼວງພະບາງ, ມະຫາວິທະຍາໄລ ສະຫວັນນະເຂດ, ມະຫາວິທະຍາໄລ ຈໍາປາສັກ ແລະ

ວິທະຍາໄລຄູປາກເຊ ລວມທັງໝົດ 300 ທຶນ, ຄິດເປັນມູນຄ່າ 888 ລ້ານກີບ, ໃນນັ້ນມອບໃຫ້ນັກສຶກສາ ມຈ 40

ທຶນ ເປັນເງິນ 108 ລ້ານກີບ, ມອບໃຫ້ນັກສຶກສາ ວຄປ 20 ທຶນ ເປັນເງິນ 54 ລ້ານກີບ ລວມເປັນ 60 ທຶນ ເປັນເງິນ

162 ລ້ານກີບ.

 

ໃຫ້ກຽດມອບທຶນໂດຍທ່ານ ກິດສະໜາ ວົງໄຊ ຜູ້ອໍານວຍການບໍລິສັດ ເບຍລາວ ຈໍາກັດ, ຕາງໜ້າໃຫ້ແກ່ນັກສຶກສາ

ມຈ ຮັບທຶນໂດຍ ທ່ານ ດຣ.ບຸນມີ ພອນສະຫວັນ ຮອງອະທິການບໍດີ ມຈ, ຕາງໜ້າແກ່ນັກສຶກສາ ວຄປ ຮັບທຶນໂດຍ

ທ່ານ ຄໍາພຽນ ເມກຈອນ ຜູ້ອໍານວຍການ ວຄປ, ໂດຍມີທ່ານ ສຸລິຈັກ ພິລາແດງ ຮອງຫົວໜ້າພະແນກສຶກສາທິການ

ແລະ ກິລາແຂວງ, ທ່ານ ອຸດອນ ສິງສຸວົງ ຮອງອໍານວຍການບໍລິສັດ ເບຍລາວ ຈໍາກັດ ຜູ້ອໍານວຍການໂຮງງານເບຍ

ລາວ ຈໍາປາສັກ, ມີພະນັກງານ, ຄູ-ອາຈານ ແລະ ນັກສຶກສາທີ່ໄດ້ຮັບທຶນເຂົ້າຮ່ວມ.

 

ການມອບມອບທຶນການສຶກສາ ໃຫ້ນັກສຶກສາ ມຈ ຂອງບໍລິສັດ ເບຍລາວ ຈໍາກັດ ໃນ 4 ປີຜ່ານມາແມ່ນປີລະ 28 ທຶນ,

ສໍາລັບປີນີ້ເປັນປີທີ 5 ຊຶ່ງເພີ່ມເປັນ 40 ທຶນ, ສ່ວນນັກສຶກສາ ວຄປ ແມ່ນເປັນປີທໍາອິດ ແລະ ໃນຊຸມປີຕໍ່ໜ້າ ບໍລິສັດ

ເບຍລາວ ຈໍາກັດ ກໍ່ຈະໄດ້ສືບຕໍ່ມອບທຶນການສຶກສາແກ່ນັກສຶກສາຂັ້ນວິທະຍາໄລຕື່ມອີກ.

 

ແຫລ່ງຂ່າວ: Champamai Newspaper

 

 

ບົດຄວາມຫຼ້າສຸດ

ຍີ່ປຸ່ນທຸບສະຖິຕິໃໝ່! ກວດພົບຄື້ນຄວາມຮ້ອນ ອຸນຫະພູມ 41.8 ອົງສາ ພ້ອມເຕືອນໄພປະຊາຊົນໃຫ້ອອກຈາກພື້ນທີ່ສ່ຽງ

ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ. ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological...

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...