ທ່ານ ນາງ ອອງຊານ ຊູຈີ ຖືກສານຕັດອິດສະລະພາບ 4 ປີ ຂໍ້ຫາປຸກລະດົມໃຫ້ຊັງກອງທັບ ກ່ອນທີ່ຈະຖືກຫຼຸດໂທດໃຫ້ເຫຼືອສອງປີ.
ຈາກການລາຍງານຂ່າວຂອງ C້annel News Asia ໃຫ້ຮູ້ວ່າ: ໃນວັນທີ 6 ທັນວາ ຜ່ານມາ, ທ່ານ ໂຄສົກລັດຖະບານປະຫານມຽນມາ ເປີດເຜີຍວ່າ: ທ່ານ ນາງ ອອງຊານ ຊູຈີ ອະດີດຜູ້ນຳຂອງມຽນມາ ຖືກຕັດສິນຕັດອິດສະລະພາບ 2 ປີໃນຂໍ້ຫາປຸກລະດົມໃຫ້ຊັງກອງທັບ ແລະ ອີກ 2 ປີ ໃນຂໍ້ຫາລະເມີດໄພທຳມະຊາດທີ່ກ່ຽວຂ້ອງກັບໄວຣັສໂຄວິດ-19.
ຂໍ້ຫາການປຸກລະດົມຂອງ ທ່າງ ນາງ ອອງຊານ ກ່ຽວກັບການປະນາມການຍຶດອຳນາດຂອງກອງທັບ ທີ່ພັກສັນນິບາດແຫ່ງຊາດເພື່ອປະຊາທິປະໄຕ (NLD) ຂອງລາວເປີດເຜີຍ ຫຼັງກອງທັບກໍ່ລັດຖະປະຫານເມື່ອວັນທີ 1 ກຸມພາ ທີ່ຜ່ານມາ, ສ່ວນຂໍ້ຫາລະເມີດມາດຕະການໂຄວິດ-19 ກ່ຽວກັບການເລືອກຕັ້ງເມື່ອປີກ່ອນ ທີ່ພັກ NLD ຊະນະເລືອກຕັ້ງ ແຕ່ບໍ່ມີການເປີດເຜີຍລາຍລະອຽດອື່ນໆເພີ່ມເຕີມ.