spot_img
Homeຂ່າວຕ່າງປະເທດໄທກຽມເພີ່ມຊ່ອງທາງເຂົ້າປະເທດ "ທາງບົກ-ທາງເຮືອ" ທ້າຍເດືອນໜ້າ

ໄທກຽມເພີ່ມຊ່ອງທາງເຂົ້າປະເທດ “ທາງບົກ-ທາງເຮືອ” ທ້າຍເດືອນໜ້າ

Published on

ທາງການໄທກຽມເພີ່ມຊ່ອງທາງເຂົ້າປະເທດຜ່ານ “ທາງບົກ-ທາງເຮືອ” ໂດຍຈະທົດລອງເປີດດ່ານໜອງຄາຍ ໃນວັນທີ 24 ທັນວາທີ່ຈະມາເຖິງນີ້ ພ້ອມນະໂຍບາຍສຳລັບເດັກທີ່ມີອາຍຸຕໍ່າກວ່າ 6 ປີ ທີ່ເດີນທາງໄປກັບຜູ້ປົກຄອງ ບໍ່ຈຳເປັນຕ້ອງມີຜົນກວດ RT-PCR ກ່ອນເດີນທາງ.

ຜູ້ທີ່ມີຈຸດປະສົງເດີນທາງເຂົ້າປະເທດໄທຜ່ານດ່ານພົມແດນໜອງຄາຍ ສາມາດຜ່ານໄດ້ສອງຊ່ອງທາງ ຄື ທາງບົກ ແລະ ທາງເຮືອ ໂດຍຕ້ອງມີຜົນກວດໂຄວິດ 72 ຊົ່ວໂມງກ່ອນອອກເດີນທາງ ແລະທຸກຄົນຕ້ອງໄດ້ສັກວັກຊີນຄົບສອງເຂັມ. ສຳລັບຜູ້ເດີນທາງດ້ວຍເຮືອ ຕ້ອງມີລາຍງານຕິດຕາມບໍ່ພົບອາການຕິດເຊື້ອໂຄວິດທັງລູກເຮືອ ແລະຜູ້ໂດຍສານ, ພ້ອມມີລະບົບລົງທະບຽນ ຫຼື ລົງທະບຽນຜ່ານລະບົບ Thailand Pass ແລະຕ້ອງໄດ້ຮັບການອະນຸມັດກ່ອນເຂົ້າທຽບທ່າ, ພ້ອມກວດຫາເຊື້ອໂຄວິດ-19 ອີກຄັ້ງໜຶ່ງພາຍຫຼັງເຮືອຈອດທຽບທ່າ ຖ້າບໍ່ມີເຊື້ອໂຄວິດຈິ່ງສາມາດເດີນທາງຕໍ່ໄດ້.

ສຳລັບການເດີນທາງເຂົ້າປະເທດໄທມີທັງແບບ Test and Go, Sandbox ແລະ Quarantine; ໃນສ່ວນຂອງ Test and Go ແມ່ນບໍ່ຈຳເປັນຕ້ອງກັກຕົວ ແລະບໍ່ຈຳເປັນຕ້ອງໃຊ້ຫຼັກຖານການຈ່າຍຄ່າທີ່ພັກເຊົາ, ສ່ວນ Sandbox Programme ພື້ນທີ່ທົດລອງການທ່ອງທ່ຽວ ແມ່ນຕ້ອງໄດ້ພັກເຊົາໃນພື້ນທີ່ Sandbox ເປັນເວລາ 5 ວັນ ແລະມີຫຼັກຖານການຈ່າຍຄ່າທີ່ພັກໃນພື້ນທີ່ນັ້ນໆ.

ຢ່າງໃດກໍຕາມ, ສຳລັບຂັ້ນຕອນລາຍລະອຽດຕ່າງໆ ທາງການຈະແຈ້ງໃຫ້ຮູ້ຕື່ມໃນໄວໆນີ້.

ຂໍ້ມູນຈາກ: ເວັບໄຊ ໄທພີບີເອັສ

ບົດຄວາມຫຼ້າສຸດ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...