spot_img
Homeຂ່າວຕ່າງປະເທດນັກວິທະຍາສາດ ເກັບຕົວຢ່າງໄວຣັສໃນໂຕເຈຍຢູ່ຈໍາປູເຈຍ ທີ່ຄ້າຍຄືກັບ ໂຄວິດ-19

ນັກວິທະຍາສາດ ເກັບຕົວຢ່າງໄວຣັສໃນໂຕເຈຍຢູ່ຈໍາປູເຈຍ ທີ່ຄ້າຍຄືກັບ ໂຄວິດ-19

Published on

ວັນທີ 20 ກັນຍາ 2021 ສໍານັກຂ່າວ channelnewsasia ລາຍງານ ທີມນັກວິໄຈຈາກສະຖາບັນປາສເຕີຢູ່ທີ່ກໍາປູເຈຍ ເຊິ່ງເປັນສູນວິໄຈທາງການແພດ ແລະ ສະຖາບັນສາທາລະນະສຸກຢູ່ທີ່ ພະນົມເປັນ ກໍາລັງມີການເກັບຕົວຢ່າງຂອງເຊື້ອໄວຣັສທີ່ກວດພົບໃນໂຕເຈີຍທາງພາກເໜືອຂອງຈໍາປູເຈຍ ເພື່ອຫາຕົ້ນຕໍການກໍາເນີດ ແລະ ໃຫ້ຮູ້ກ່ຽວກັບການລະບາດຂອງເຊື້ອ ໂຄວິດ-19 ທີ່ໄດ້ຂ້າຊີວິດຄົນທົ່ວໂລກໄປຈໍານວນຫຼາຍ.

ການລົງພື້ນທີ່ເກັບຕົວຢ່າງໄວຣັສຈາກໂຕເຈີຍ ຢູ່ທາງພາກເໜືອຂອງກໍາປູເຈຍ ເປັນໄປຢ່າງລະອຽດ ເນື່ອງຈາກນັກວິທະຍາສາດພົບເຊື້ອໄວຣັສ 2 ຕົວຢ່າງ ທີ່ໄດ້ເກັບມາຈາກໂຕເຈຍມຸງກຸດ ໃນພື້ນທີ່ຂອງແຂວງຕຣຶງເຕຣັງ ຈາກທາງພາກເໜືອຂອງກໍາປູເຈຍ ເມື່ອປີ 2010 ແລະ ໄດ້ມີການແຊ່ແຂງເຊື້ອໄວຣັສຊະນິດນີ້ໄວ້ທີ່ສະຖາບັນປາສເຕີຢູ່ກໍາປູເຈຍນັ້ນ ເຊິ່ງມີຄວາມຄ້າຍຄືກັບເຊື້ອໄວຣັສໂຄໂຣນ່າສາຍພັນໃໝ່ປີ 2019 ທີ່ກໍ່ໃຫ້ເກີດ ພະຍາດ ໂຄວິດ-19 ໃນປັດຈຸບັນ.

ທີມນັກວິໄຈຂອງສະຖາບັນປາສເຕີ ຈໍານວນ 8 ຄົນ ໄດ້ລົງພື້ນທີ່ເພື່ອເກັບຕົວຢ່າງເຊື້ອໄວຮັສຈາກໂຕເຈຍຢ່າງລະອຽດ ເປັນເວລາ 1 ອາທິດ ເພື່ອນໍາມາສຶກສາ ເຊິ່ງເປັນການວິໄຈທີ່ຄ້າຍຄືກັບທີ່ກໍາລັງເຮັດໃນຟິລິບປິນ.

Thavry Hoem ຜູ້ປະສານງານວິໄຈພາກສະໜາມຂອງສະຖາບັນປາສເຕີແຫ່ງຈໍາປູເຈຍ ໄດ້ກ່າວວ່າ:

“ພວກເຮົາຫວັງວ່າ ຜົນການສຶກສາຄັ້ງນີ້ຈະສາມາດຊ່ວຍໂລກຂອງພວກເຮົາໃຫ້ເຂົ້າໃຈກ່ຽວກັບເຊື້ອ ໂຄວິດ-19 ຫຼາຍຂື້ນ”

ຂະນະທີ່ ດຣ. Veasna Duong ຫົວໜ້າພະແນກໄວຣັສທີ່ສະຖາບັນປາສເຕີ ກ່າວວ່າ “ນັກວິໄຈຂອງສະຖາບັນປາສເຕີ ໄດ້ລົງພື້ນທີ່ເກັບຕົວຢ່າງໃນໂຕເຈຍແລ້ວ 4 ຮອບໃນຊ່ວງ 2 ປີ ທີ່ຜ່ານມາ ເພາະຫວັງວ່າ ຈະຫາຕົ້ນຕໍຂອງການກໍາເນີດເຊື້ອໂຄວິດ ແລະ ການພັດທະນາຂອງເຊື້ອໄວຣັສໄດ້.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...