spot_img
Homeຂ່າວຕ່າງປະເທດຂົວທາວເວີ ໃນລອນດອນເປີດຄ້າງ ຍ້ອນຄວາມຜິດພາດທາງເຕັກນິກ

ຂົວທາວເວີ ໃນລອນດອນເປີດຄ້າງ ຍ້ອນຄວາມຜິດພາດທາງເຕັກນິກ

Published on

ສຳນັກຂ່າວ CNN ລາຍງານ: ເນື່ອງຈາກເກີດຄວາມຜິດພາດທາງເຕັກນິກ ເຮັດໃຫ້ຂົວທາວເວີ (Tower Bridge) ເຊິ່ງເປັນສະຖານທີ່ສຳຄັນລະດັບໂລກ ໃນລອນດອນຕ້ອງຢຸດສະຫງັກໃນທ່າຕັ້ງສາກພາຍຫຼັງເປີດໃຫ້ເຮືອສູງລອດຂ້າມ ໃນຊ່ວງຕອນບ່າຍມື້ວານນີ້ ເຮັດໃຫ້ລົດ ລວມທັງຄົນຍ່າງ ບໍ່ສາມາດເດີນທາງໄປຟາກກົງກັນຂ້າມໄດ້.

ຄວາມຜິດພາດທາງເຕັກນິກ ເຮັດໃຫ້ຈຸດເປີດ-ປິດຂອງຂົວທາວເວີບຣິດຈ໌ທ ເຊິ່ງເປັນສ່ວນທີ່ສາມາດເຄື່ອນຍ້າຍເສັ້ນທາງພາຍໃນຂົວມີປັນຫາ ເພາະຈຸດດັ່ງກ່າວສາມາດຍົກຂຶ້ນ ແລະ ລົດລົງໄດ້ ໂດຍໃຊ້ເຄື່ອງຈັກຖ່ວງນໍ້າໜັກ ເຖິງແມ່ນຈະມີການເປີດປິດເຖິງ 800 ຄັ້ງຕໍ່ປີ, ແຕ່ຄວາມຜິດພາດຄັ້ງນີ້ ເຮັດໃຫ້ເກີດການຈະລາຈອນຕິດຂັດເປັນເວລາຫຼາຍຊົ່ວໂມງ ເນື່ອງຈາກລົດບໍ່ສາມາດຂ້າມຂົວເພື່ອໄປຍັງຟາກກົງກັນຂ້າມໄດ້.

ຂົວທາວເວີບຣິດຈ໌ ສ້າງສຳເລັດໃນປີ 1894, ຖືເປັນສະຖານທີ່ທ່ອງທ່ຽວຍອດນິຍົມໃນລອນດອນ ແລະ ນັກທ່ອງທ່ຽວສາມາດຍ່າງຫຼິ້ນຕາມທາງຍ່າງທີ່ເຊື່ອມຕໍ່ລະຫວ່າງຫໍຄອຍທັງສອງຂ້າງ. ຢ່າງໃດກໍຕາມ, ໃນຊ່ວງເດືອນສິງຫາຂອງປີກາຍ ຂົວແຫ່ງດັ່ງກ່າວກໍພົບປັນຫາຕິດຄ້າງໃນລັກສະນະດຽວກັນກັບປີນີ້.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...