ສຳນັກຂ່າວໄທຣັດລາຍງານ: ກຸ່ມຄົນຈີນຈຳນວນ 25 ລ້ານຄົນໄດ້ລວມຕົວກັນລົງທະບຽນອອນລາຍ ເພື່ອສົ່ງໜັງສືຄຳຮ້ອງໄປຫາອົງການອະນາໄມໂລກ ໂດຍຮຽກຮ້ອງໃຫ້ເຂົ້າກວດສອບຫ້ອງປະຕິບັດງານດ້ານຊີວະພາບ ຟອດ ເດທຣິກ ຂອງສະຫະລັດອາເມລິກາ ເພາະເຊື່ອວ່າຫ້ອງທົດລອງດັ່ງກ່າວອາດເປັນແຫຼ່ງກຳເນີດຂອງເຊື້ອໂຄວິດ-19 ກ່ອນລະບາດເປັນວົງກວ້າງໃນປັດຈຸບັນ.

ຄຳຮ້ອງທາງອອນລາຍໄດ້ຮຽກຮ້ອງໃຫ້ມີການສອບສວນຫ້ອງປະຕິບັດງານດ້ານຊີວະພາບ ຟອດ ເດທຣິກ ເພາະເຊື່ອວ່າເປັນຕົ້ນກຳເນີດຂອງໄວຣັສໂຄໂຣນ່າສາຍພັນໃໝ່ ແລະ ຕ້ອງການໃຫ້ມີການກວດສອບດ້ານຄວາມປອດໄພຂອງຫ້ອງທົດລອງແຫ່ງນີ້ ເຊິ່ງການຮ່ວມລົງທະບຽນຄັ້ງນີ້ຖືເປັນຄວາມຄິດເຫັນຂອງສາທາລະນະຊົນຊາວຈີນໃນວົງກວ້າງ.

ລາຍງານຍັງໄດ້ລະບຸວ່າ ຫ້ອງປະຕິບັດງານດ້ານຊີວະພາບ ຟອດ ເດທຣິກ ແຫ່ງນີ້ ໄດ້ມີການເກັບຮັກສາເຊື້ອໄວຣັສທີ່ເປັນອັນຕະລາຍຫຼາຍຊະນິດໄວ້ ເຊິ່ງຫ້ອງປະຕິບັດງານດັ່ງກ່າວເຄີຍເກີດປັນຫາເຊື້ອໄວຣັສຮົ່ວໄຫຼໃນປີ 2019 ກ່ອນຈະມີການລະບາດໃຫຍ່ຂອງພະຍາດໂຄວິດ-19 ໃນອູ່ຫັ່ນ, ປະເທດຈີນ.