spot_img
Homeຂ່າວຕ່າງປະເທດຄົນໄທ 7 ຄົນໄປເກັບເຫັດແລ້ວຫຼົງຂ້າມຊາຍແດນມາເຂດລາວ ຕອນນີ້ຖືກເຈົ້າໜ້າລາວທີ່ກັກໂຕໄວ້

ຄົນໄທ 7 ຄົນໄປເກັບເຫັດແລ້ວຫຼົງຂ້າມຊາຍແດນມາເຂດລາວ ຕອນນີ້ຖືກເຈົ້າໜ້າລາວທີ່ກັກໂຕໄວ້

Published on

ຕາມການລາຍງານ ຂອງຂ່າວສົດ Khaosod ໃຫ້ຮູ້ວ່າ: ໃນເວລາ 22:00 ຂອງວັນທີ 1 ກໍລະກົດ 2021 ນັກຂ່າວໄດ້ຮັບລາຍງານວ່າ: ມີປະຊາຊົນ ບ້ານສຸກກະເສບ ເມືອງ ສິລິນທອນ ແຂວງອຸບົນລາຊະທານີ ຈຳນວນໜຶ່ງອອກໄປເກັບເຫັດ ເຂດບໍລິເວນປ່າຊາຍແດນໄທ-ສປປ ລາວ ແລ້ວຖືກທະຫານຈັບກຸມໄດ້ 7 ຄົນ ໃນນັ້ນ ຍິງ 5 ຄົນ ຊາຍ 2 ຄົນ ສ່ວນອີກສ່ວນໜຶ່ງ ທີ່ໄປນຳກັນແມ່ນແລ່ນອອກມາທັນ ຈາກນັ້ນ ກໍໄດ້ເອົາເລື່ອງມາແຈ້ງຄະນະບ້ານ.

ເບື້ອງຕົ້ນ ຄາດວ່າ ທັງ 7 ຄົນ ອາດຫຼົງເຂົ້າໄປໃນເຂດພື້ນທີ່ຂອງ ສປປ ລາວ ແລະ ອາດຖືກຕັ້ງຂໍ້ຫາ ວ່າລັກລອບເຂົ້າເມືອງແບບຜິດກົດໝາຍ.

ນາຍບ້ານ ສຸກກະເສບ ໄດ້ກ່າວວ່າ: ມີລູກບ້ານຈຳນວນໜຶ່ງໄປເກັບເຫັດ 10 ກວ່າຄົນ ລວມທັງຜູ້ຊ່ວຍນາຍບ້ານໄດ້ລວມໂຕກັນໄປເກັບເຫັດ ຕັ້ງແຕ່ວັນທີ 1 ສິງຫາ ເຊິ່ງເປັນປ່າເຂດອ່າງເກັບນ້ຳຫ້ວຍວັງລົມ ຕຳບົນ ເຂື່ອນແກ້ວ ເມືອງສິລິນທອນ ກັບ ເມືອງໂພນທອງ ແຂວງຈຳປາສັກ ສປປ ລາວ ເຊິ່ງເປັນເຂດຊາຍແດນໄທ-ລາວ ແລະ ອາດຍ່າງເຂົ້າໄປກາຍເຂດ ຂອງລາວເພາະບໍ່ຮູ້ເຂດແບ່ງ ຈິ່ງຖືກເຈົ້າໜ້າທີ່ທະຫານລາວກັກໂຕໄວ້ ປະມານເວລາ 06:00 ຂອງວັນທີ 1 ສິງຫາ 2021.

ຫຼັງຈັບໂຕທາງການລາວໄດ້ສົ່ງຄົນໄທທັງ 7 ຄົນ ໄປສູນກັກກັນ ເພື່ອຕິດຕາມອາການໂຄວິດ-19 ເມືອງປະທຸມພອນ ແຂວງຈຳປາສັກ ດ່ານສາກົນວັງເຕົ່າ ເມືອງໂພນທອງ ແຂວງຈຳປາສັກ ຈາກນັ້ນຈິ່ງຈະສົ່ງທັງໝົດໃຫ້ເຈົ້າໜ້າທີ່ ຕມ ລາວ ປະຈຳດ່ານ ເພື່ອຂະບວນການສົ່ງຄືນກັບປະເທດ ຕາມຂໍ້ຕົກລົງລະຫວ່າງສອງປະເທດ.

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...