spot_img
Homeຂ່າວຕ່າງປະເທດກຳປູເຈຍຈັດຊື້ວັກຊີນ 5 ລ້ານໂດສຈາກຈີນ ພ້ອມເລີ່ມສັກເຂັມທຳອິດໃຫ້ເດັກອາຍຸ 12-17 ປີ ເດືອນນີ້

ກຳປູເຈຍຈັດຊື້ວັກຊີນ 5 ລ້ານໂດສຈາກຈີນ ພ້ອມເລີ່ມສັກເຂັມທຳອິດໃຫ້ເດັກອາຍຸ 12-17 ປີ ເດືອນນີ້

Published on

Phnom Penh Post ລາຍງານ: ລັດຖະບານກຳປູເຈຍ ໄດ້ຈັດຊື້ວັກຊີນປ້ອງກັນໂຄວິດ -19 ເພີ່ມ 5 ລ້ານໂດສຈາກປະເທດຈີນ ເພື່ອສີດໃຫ້ກຸ່ມອາຍຸລະຫວ່າງ 12-17 ປີ ໂດຍແນໃສ່ກຽມເປີດການຮຽນ-ການສອນຄືນໃໝ່ , ຄາດວ່າຈະມີການຈັດສົ່ງວັກຊີນດັ່ງກ່າວໃນເດືອນສິງຫາ ແລະ ກັນຍາ.

ທ່ານ ນາງ ຢອກ ແຊມບັດ, ລັດຖະມົນຕີກະຊວງສາທາລະສຸກ ກຳປູເຈຍກ່າວວ່າ: ທາງການຈີນຈະມີການຈັດສົ່ງວັກຊີນຊີໂນຟາມຈຳນວນ 3 ລ້ານໂດສມາຍັງກຳປູເຈຍພາຍໃນເດືອນນີ້ ແລະ ອີກ 2 ລ້ານໂດສແມ່ນຈະຈັດສົ່ງໃນເດືອນກັນຍາ ເຊິ່ງຈະນຳມາສີດໃຫ້ເດັກໃນກຸ່ມອາຍຸ 12-17 ປີຈຳນວນ 2 ລ້ານກວ່າຄົນ, ຂະນະທີ່ປັດຈຸບັນ ທາງຄະນະກຳມະການສີດວັກຊີນໂຄວິດ-19 ແຫ່ງຊາດ ກຳລັງປຶກສາຫາລື ແລະ ວາງແຜນ ກ່ຽວກັບການຈັດຕັ້ງປະຕິບັດໃນການສີດວັກຊີນສຳລັບກຸ່ມອາຍຸດັ່ງກ່າວ.

“ມາຮອດທ້າຍເດືອນກໍລະກົດ, ພວກເຮົາໄດ້ສີດວັກຊີນໃຫ້ປະຊາຊົນພາຍໃນປະເທດແລ້ວ 6 ລ້ານກວ່າຄົນ ແລະ ພວກເຮົາກໍມີວັກຊີນພຽງພໍສຳລັບພົນລະເມືອງລວມທັງກຸ່ມເດັກນ້ອຍ ຂະນະທີ່ລັດຖະບານກໍໄດ້ພະຍາຍາມຢ່າງເຕັມທີ່ໃນການຈັດຫາວັກຊີນໃຫ້ກັບປະຊາຊົນຂອງຕົນ.” ທ່ານ ນາງ ຢອກ ແຊມບັດ ກ່າວ.

ກຳປູເຈຍຍັງຈະໄດ້ຮັບວັກຊີນ Johnson & Johnson ຈຳນວນ 1 ລ້ານໂດສ ຜ່ານໂຄງການ Covax, ເຊິ່ງການຈັດສົ່ງວັກຊີນດັ່ງກ່າວແມ່ນຍັງບໍ່ມີການກຳນົດເວລາທີ່ແນ່ນອນ.

 

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...