spot_img
Homeຮູບເງົາ“ບໍ່ມີວັນຈາກ” ຮູບເງົາລາວທີ່ຈະເຂົ້າສາຍໃນອາເມລິກາ ປີ 2022 ນີ້!!

“ບໍ່ມີວັນຈາກ” ຮູບເງົາລາວທີ່ຈະເຂົ້າສາຍໃນອາເມລິກາ ປີ 2022 ນີ້!!

Published on

ຮູບເງົາເລື່ອງບໍ່ມີວັນຈາກຂອງຜູ້ກໍາກັບ ແມັດຕີ້ ໂດ ເປັນຮູບເງົາຂອງລາວທີ່ໄດ້ຖືກຊື້ລິຂະສິດເຂົ້າສາຍໃນສະຫະລັດອາເມລິກາເປັນທີ່ຮຽບຮ້ອຍແລ້ວ ໂດຍມີກໍານົດເຂົ້າສາຍໃນປີ 2022 ນີ້. ຖືໄດ້ວ່າເປັນຄວາມພາກພູມໃຈອີກຢ່າງໜຶ່ງທີ່ຮູບເງົາຂອງລາວສາມາດດັງໄປໄກເຖິງຕ່າງປະເທດ ແລະ ເຮັດໃຫ້ຕ່າງປະເທດໄດ້ຮັບຮູ້ເຖິງວັດທະນາທໍາຂອງປະເທດລາວຫຼາຍຂື້ນ.

ຮູບເງົາເລື່ອງບໍ່ມີວັນຈາກເປັນຮູບເງົາລາວເລື່ອງທຳອິດ ທີ່ຄວ້າໄດ້ຫຼາຍລາງວັນຈາກຝີມືການກຳກັບ ໂດຍຜູ້ກຳກັບຍິງຄົນທຳອິດ ທີ່ມີເຊື້ອສາຍລາວ ນັ້ນກໍ່ຄື ແມັດຕີ້ ໂດ ແລະ ໄດ້ເປີດໂຕ ໃນຮອບສື່ມວນຊົນ ໃນວັນຈັນ ທີ 8 ກຸມພາ 2021 ທີ່ຜ່ານມາ ແລະ   ຮູບເງົາເລື່ອງນີ້ ຜະລິດໂດຍບໍລິສັດ ລາວອາດມີເດຍ (Lao Art Media) ຮ່ວມກັບ ສຄຣີນ ດິວິເຊິນ (Screen Division) ຈາກປະເທດສະເປນ ແລະ ບໍລິສັດໂປດັກຊັ່ນຂອງສິງກະໂປ ອີກດ້ວຍ. ຮູບເງົາບໍ່ມີວັນຈາກເປັນຮູບເງົາເລື່ອງທໍາອິດໃນປະຫວັດສາດຂອງວົງການໜັງລາວທີ່ໄດ້ເຂົ້າສາຍໃນຮອບປະຖົມມະເລີກ ໃນເທດສະການຮູບເງົາໃຫຍ່ໆ ທີ່ໂດ່ງດັງ ໃນຫຼາຍແຫ່ງທົ່ວໂລກມາແລ້ວ.

ບໍ່ມີວັນຈາກໄດ້ຮັບການເຂົ້າສາຍໃນງານເທດສະການຮູບເງົາ ຊັ້ນນຳຂອງໂລກ ເຊັ່ນ: ເທສະການຮູບເງົາສາກົນເວນິສ, ໂທຣອນໂຕ (TIFF), ບູຊານ, ໂກເທບອກ, ເທສະການຮູບເງົາສາກົນຣັອດເຕີອະດັມ, ເທສະການຮູບເງົາສາກົນໂຕກຽວ, ເທສະການຮູບເງົາສາກົນວໍຣ໌ຊໍ, FIFF Namur, ແລະ ເທສະການຮູບເງົາຊິດຈັສ.

ສຳລັບເນື້ອໃນຂອງຮູບເງົາເລື່ອງນີ້ ແມ່ນເວົ້າເຖິງຄວາມດີ້ນຮົນຕໍ່ສູ້ຂອງຊາຍໄວຊະລາຄົນຜູ້ໜຶ່ງທີ່ອາໄສຢູ່ໃນເຂດຊົນນະບົດ ໃນຂະນະທີ່ລາວຕ້ອງໄດ້ປະເຊີນໜ້າກັບຄວາມເຈັບປວດເສຍໃຈ ແລະ ຄວາມບອບຊໍ້າທາງຈິດໃຈຈາກການສູນເສຍແມ່ຕັ້ງແຕ່ຕອນຍັງນ້ອຍ. ເມື່ອລາວໄດ້ຄົ້ນພົບວ່າຕົນຍັງມີໂອກາດທີ່ຈະເດີນທາງຍ້ອນເວລາໄດ້ ເພື່ອຈະໄດ້ກັບໄປທົບທວນຕົນເອງໃນສະໄໝທີ່ຍັງເປັນເດັກນ້ອຍຄືນອີກຄັ້ງ, ລາວໄດ້ພະຍາຍາມປັບປ່ຽນເສັ້ນເວລາ, ທັງພະຍາຍາມປ່ຽນແປງຊີວິດໄວເດັກ ກັບໄວປັດຈຸບັນຂອງຕົນເອງ ເພື່ອໃຫ້ເປັນຕາມສິ່ງທີ່ຫວັງໄວ້ ແຕ່ມັນກໍ່ຍິ່ງແປງໄປໃນຮູບແບບທີ່ບໍ່ຄາດຝັນມາກ່ອນ.

ບົດຄວາມຫຼ້າສຸດ

ພໍ່ເດັກອາຍຸ 14 ທີ່ກໍ່ເຫດກາດຍິງໃນໂຮງຮຽນ ທີ່ລັດຈໍເຈຍຖືກເຈົ້າໜ້າທີ່ຈັບເນື່ອງຈາກຊື້ປືນໃຫ້ລູກ

ອີງຕາມສຳນັກຂ່າວ TNN ລາຍງານໃນວັນທີ 6 ກັນຍາ 2024, ເຈົ້າໜ້າທີ່ຕຳຫຼວດຈັບພໍ່ຂອງເດັກຊາຍອາຍຸ 14 ປີ ທີ່ກໍ່ເຫດການຍິງໃນໂຮງຮຽນທີ່ລັດຈໍເຈຍ ຫຼັງພົບວ່າປືນທີ່ໃຊ້ກໍ່ເຫດເປັນຂອງຂວັນວັນຄິດສະມາສທີ່ພໍ່ຊື້ໃຫ້ເມື່ອປີທີ່ແລ້ວ ແລະ ອີກໜຶ່ງສາເຫດອາດເປັນເພາະບັນຫາຄອບຄົບທີ່ເປັນຕົ້ນຕໍໃນການກໍ່ຄວາມຮຸນແຮງໃນຄັ້ງນີ້ິ. ເຈົ້າໜ້າທີ່ຕຳຫຼວດທ້ອງຖິ່ນໄດ້ຖະແຫຼງວ່າ: ໄດ້ຈັບຕົວ...

ປະທານປະເທດ ແລະ ນາຍົກລັດຖະມົນຕີ ແຫ່ງ ສປປ ລາວ ຕ້ອນຮັບວ່າທີ່ ປະທານາທິບໍດີ ສ ອິນໂດເນເຊຍ ຄົນໃໝ່

ໃນຕອນເຊົ້າວັນທີ 6 ກັນຍາ 2024, ທີ່ສະພາແຫ່ງຊາດ ແຫ່ງ ສປປ ລາວ, ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ...

ແຕ່ງຕັ້ງປະທານ ຮອງປະທານ ແລະ ກຳມະການ ຄະນະກຳມະການ ປກຊ-ປກສ ແຂວງບໍ່ແກ້ວ

ວັນທີ 5 ກັນຍາ 2024 ແຂວງບໍ່ແກ້ວ ໄດ້ຈັດພິທີປະກາດແຕ່ງຕັ້ງປະທານ ຮອງປະທານ ແລະ ກຳມະການ ຄະນະກຳມະການ ປ້ອງກັນຊາດ-ປ້ອງກັນຄວາມສະຫງົບ ແຂວງບໍ່ແກ້ວ ໂດຍການເຂົ້າຮ່ວມເປັນປະທານຂອງ ພົນເອກ...

ສະຫຼົດ! ເດັກຊາຍຊາວຈໍເຈຍກາດຍິງໃນໂຮງຮຽນ ເຮັດໃຫ້ມີຄົນເສຍຊີວິດ 4 ຄົນ ແລະ ບາດເຈັບ 9 ຄົນ

ສຳນັກຂ່າວຕ່າງປະເທດລາຍງານໃນວັນທີ 5 ກັນຍາ 2024 ຜ່ານມາ, ເກີດເຫດການສະຫຼົດຂຶ້ນເມື່ອເດັກຊາຍອາຍຸ 14 ປີກາດຍິງທີ່ໂຮງຮຽນມັດທະຍົມປາຍ ອາປາລາຊີ ໃນເມືອງວິນເດີ ລັດຈໍເຈຍ ໃນວັນພຸດ ທີ 4...