ເມື່ອອາທິດທີ່ຜ່ານມາສະຖາບັນການເງິນລະຫວ່າງປະເທດ (IIF) ເປີດເຜີຍວ່າ ໜີ້ສິນທົ່ວໂລກໃນໄຕມາດທຳອິດຂອງປີ 2021 ຫຼຸດລົງເປັນຄັ້ງທຳອິດໃນຮອບ 10 ໄຕມາດ ໂດຍຫຼຸດລົງ 1,7 ພັນຕື້ໂດລາເປັນ 289 ພັນຕື້ໂດລາ.
ເຖິງຢ່າງໃດກໍ່ຕາມ, ໜີ້ສິນທົ່ວໂລກຍັງເພີ່ມຂຶ້ນປະມານ 12% ນັບຕັ້ງແຕ່ປີ 2019 ຍ້ອນການລະບາດຂອງ COVID-19, ໂດຍ IIF ກ່າວວ່າໃນປີ 2020, ໜີ້ສິນທົ່ວໂລກໄດ້ເພີ່ມຂື້ນເປັນລະດັບສູງ. World Population Review ໄດ້ຈັດອັນດັບຫນີ້ສິນແຫ່ງຊາດຫຼາຍທີ່ສຸດໃນໂລກດັ່ງຕໍ່ໄປນີ້:
ອັນດັບ 1: ຍີ່ປຸ່ນ (ປະຊາກອນ 126 ລ້ານຄົນ) ມີໜີ້ສິນແຫ່ງຊາດທີ່ສູງທີ່ສຸດໃນໂລກຢູ່ທີ່ 234,18% ຂອງ GDP.
ອັນດັບ 2: ເວເນຊູເອລາ (ປະຊາກອນປະມານ 28,7 ລ້ານຄົນ) ດ້ວຍອັດຕາໜີ້ສິນທົ່ວປະເທດ 214,45% ຂອງ GDP.
ອັນດັບ 3: ຊູດານ (ປະຊາກອນປະມານ 42,8 ລ້ານຄົນ) ດ້ວຍອັດຕາໜີ້ສິນຂອງປະເທດ 177,87% ຂອງ GDP.
ອັນດັບທີ 4: ປະເທດເກຣັກ (ປະຊາກອນປະມານ 10,3 ລ້ານຄົນ), ດ້ວຍອັດຕາໜີ້ສິນຂອງປະເທດ 174,15% ຂອງ GDP.
ອັນດັບທີ 5: ປະເທດເລບານອນ (ປະຊາກອນປະມານ 6.77 ລ້ານຄົນ) ທີ່ມີອັດຕາຫນີ້ສິນແຫ່ງຊາດ 157,81% ຂອງ GDP.
ອັນດັບທີ 6: ປະເທດອີຕາລີ (ປະຊາກອນປະມານ 60,3 ລ້ານຄົນ) ເຊິ່ງມີອັດຕາໜີ້ສິນແຫ່ງຊາດເທົ່າກັບ 133,43% ຂອງ GDP.
ອັນດັບທີ 7: ປະເທດ Eritrea (ປະຊາກອນປະມານ 3,6 ລ້ານຄົນ) ດ້ວຍອັດຕາໜີ້ສິນຂອງປະເທດ 127,34% ຂອງ GDP.
ອັນດັບ 8: ສາທາລະນະລັດ Cape Verde (ປະມານປະມານ 5,6 ແສນຄົນ) ດ້ວຍອັດຕາໜີ້ສິນຂອງປະເທດ 125,29% ຂອງ GDP.
ອັນດັບ 9: ໂມຊຳບິກ (ປະຊາກອນປະມານ 32,16 ລ້ານຄົນ) ດ້ວຍອັດຕາໜີ້ສິນທົ່ວປະເທດ 124,46% ຂອງ GDP.
ອັນດັບ 10: ປອກຕຸຍການ (ປະຊາກອນປະມານ 10.17 ລ້ານຄົນ) ດ້ວຍອັດຕາໜີ້ສິນຂອງປະເທດ 119,46% ຂອງ GDP.
ຮຽບຮຽງຂ່າວ: ພຸດສະດີ