ເມື່ອວັນທີ 13 ພຶດສະພາ 2021 ນີ້ ທາງໂຮງແຮມ ຄຣາວ ພລາຊ່າ ວຽງຈັນ ແລະ ບໍລິດສັດຜູ້ລົງທຶນ ບີມ ກຣຸບ ໄດ້ມີໂອກາດໄປແຈກຢາຍອຸປະກອນການແພດ ແລະ ເຄື່ອງຂອງທີ່ຈຳເປັນ ເປັນເງິນມູນຄ່າຢູ່ທີ່ 250 ລ້ານກີບ ໃຫ້ກັບສູນປະຕິບັດງານ ຄະນະສະເພາະກິດ ທີ່ກຳລັງເຮັດໜ້າທີ່ທ່າມກາງຄວາມທ້າທາຍທີ່ບໍ່ເຄີຍມີມາກ່ອນໃນການຄວບຄຸມ ແລະ ສະກັດກັ້ນການລະບາດຂອງເຊື້ອພະຍາດໂຄວິດ-19.

ໂດຍອຸປະກອນ ແລະ ເຄື່ອງຂອງທີ່ນຳໄປແຈກຢາຍນັ້ນລວມມີຖົງມືກັນພະຍາດຈຳນວນ 5,000 ຄູ່, ຜ້າປູບ່ອນນອນທາງການແພດ 3,000 ຜືນ, ສົບຫມອນທາງການແພດ 3,000 ຜືນ, ໝອນໝູນ 300 ໜ່ວຍ, ໜ້າກາກ 12,500 ກັບ, ເຫົ້າ 90 ຈຳນວນ 400 ຕຸກ, ເຈວລ້າງມື 400 ລິດ ແລະ ນ້ຳດື່ມ 6,000 ຂວດ — ໂດຍປັດໃຈທັງໝົດນີ້ແມ່ນມືຈຸດປະສົງທີ່ຈະມອບໃຫ້ກັບທີມງານແພດໝໍທີ່ກ່ຽວຂ້ອງປະຕິງານດ້ວຍຄວາມປອດໄພ ແລະ ເພື່ອຊຸກຍູ້ເປັນສິ່ງອຳນວຍຄວາມສະດວກໃນຍາມທີ່ຂາດເຂີນ.

ໂດຍຕາງໜ້າຈາກ ຄຣາວ ພລາຊ່າ ວຽງຈັນ ໄດ້ໃຫ້ຄຳເຫັນວ່າ, “ການລະບາດຂອງເຊື້ອພະຍາດດັ່ງກ່າວນີ້ໄດ້ສ້າງຜົນກະທົບຢ່າງຫຼວງຫຼາຍໃຫ້ກັບຊີວິດການເປັນຢູ່ຂອງພວກເຮົາ ແຕ່ມັນກໍໄດ້ສອນໃຫ້ເຮົາມີຄວາມເຂັ້ມແຂງ ແລະ ຮູ້ຈັກຊ່ວຍເຫຼືອຜູ້ອື່ນໃນຍາມດຽວກັນ. ທາງເຮົາຕ້ອງຂໍຂອບໃຈຍັງ ບີມ ກຣຸບ ບໍລິສັດຜູ້ລົງທຶນຂອງພວກເຮົາຈາກປະເທດຫວຽດນາມ, ຜູ້ທີ່ຮ່ວມມືໃນການຊຸກຍູ້ໃນຄັ້ງນີ້.

ສຸດທ້າຍແຕ່ບໍ່ທ້າຍສຸດ, ທາງໂຮງແຮມ ຄຣາວ ພລາຊ່າ ວຽງຈັນ ຂໍສະແດງຄວາມຂອບໃຈມາຍັງເຈົ້າໜ້າທີ່ທີ່ກ່ຽວຂ້ອງ ແລະ ຂະແໜງສະທາລະນະສຸກທັງໝົດ ທີ່ເຮັດວຽກໜັກເພື່ອໃຫ້ພວກເຮົາຢູ່ຢ່າງປອດໄພ. ດັ່ງນັ້ນ ຈຶ່ງຖືເປັນກຽດຫຼາຍ ສຳລັບທາງທີມງານຈາກ ຄຣາວ ພລາຊ່າ ວຽງຈັນ ທີ່ໄດ້ມາກອບສ່ວນຊ່ວຍເຫຼືອ ໃຫ້ກັບພະນັກງານທີ່ກຳລັງປະຕິບັດໜ້າທີ່ໃຫ້ມີຄວາມປອດໄພລະຫວ່າງທີ່ກຳລັງປະຕິບັດໜ້າທີ່ວຽກງານຢູ່ສູນຄະນະສະເພາະກິດນີ້”