spot_img
Homeຂ່າວທ້ອງຖິ່ນຊາວບ້ານໂພນສິມເຊື່ອຜີຫຼັກບ້ານເປັນໃຫຍ່ຈັດງານບຸນບັ້ງໄຟທ້າທາຍການລະບາດໂຄວິດ-19

ຊາວບ້ານໂພນສິມເຊື່ອຜີຫຼັກບ້ານເປັນໃຫຍ່ຈັດງານບຸນບັ້ງໄຟທ້າທາຍການລະບາດໂຄວິດ-19

Published on

ສະພາບການລະບາດຂອງໂຄວິດ-19 ໃນ ສປປ ລາວ ຍັງມີທ່າອ່ຽງເພີ່ມຂຶ້ນໃນແຕ່ລະແຂວງ ເນື່ອງມີລາຍງານຕົວເລກຜູ້ຕິດເຊື້ອໃນລະແຂວງມີຕົວເລກເພີ່ມຂຶ້ນ ເຊິ່ງສ່ວນໃຫຍ່ຜູ້ຕິດເຊື້ອແມ່ນຜູ້ທີ່ໄດ້ສຳພັດກັບຜູ້ຕິດເຊື້ອ, ສະເພາະໃນແຂວງສະຫວັນນະເຂດກໍ່ມີລາຍງານຜູ້ຕິດເຊື້ອໂຄວິດ-19 ທັງໝົດ 28 ກໍລະນີ້.

ທ່າມກາງການລະບາດຂັ້ນຮຸນແຮງຂອງພະຍາດໂຄວິດ-19 ທາງຄະນະສະເພາະກິດໄດ້ກຳນົດມາດຕະການສະກັ້ນ, ຄວບຄຸມການລະບາດຂອງພະຍາດໂຄວິດ-19 ເຊິ່ງມາດຕະການໄດ້ຄວບຄຸມໄປເຖິງການຫ້າມຈັດງານລ້ຽງ, ງານດອງ, ການປະເພນີຕ່າງ ເພື່ອຫຼີກລ້ຽງການແອອັດຂອງຜູ້ຄົນທີ່ຈະເຂົ້າໄປຮ່ວມງານ. ແຕ່ເຖິງແນວນັ້ນກໍ່ຕາມຍັງເກີດມີການຝ່າຝືນຄຳສັ່ງມາດຕະການດັ່ງກ່າວ.

ໃນວັນທີ 2 ພຶດສະພາ 2021​ ຢູ່ບ້ານໂພນສິມ ນະຄອນໄກສອນ ພົມວິຫານ ແຂວງສະຫວັນນະເຂດ ໄດ້ມີຊາວບ້ານຈຳນວນຫຼາຍຈັດງານບຸນບັ້ງໄຟ ໂດຍບໍ່ຢ້ານກົວການລະບາດ ແລະ ບໍ່ເກງກົວຕໍ່ລະບຽບບ້ານເມືອງ ເນື່ອງຈາກວ່າຊາວບ້ານຍັງມີຄວາມເຊື່ອ ແບບງົມງວຍຖືຜີສາງນາງໄມ້ ໂດຍອ້າງວ່າ “ຜີຫຼັກບ້ານເປັນໃຫຍ່ ເພີ່ນໃຫ້ເຮັດ”.

ຄວາມເຊື່ອ, ຄວາມງົມງວາຍ ແລະ ຄວາມສັດຖາທີ່ບໍ່ສົນໃຈສະຖານະການບ້ານເມືອງ ແລະ ບໍ່ອີງໃສ່ຫຼັກການຕົວຈິງ ບາງຄັ້ງມັນອາດນຳໄປສຸ່ຫາຍະນະ ເຊິ່ງຖອດຖອນໄດ້ຈາກປະເທດອິນເດຍທີ່ເກີດການລະບາດໜັກ ມີຄົນຕິດພະຍາດໂຄວິດ-19 ວັນລະເປັນແສນຄົນ ແລະ ມີຄົນເສຍຊີວິດຈຳນວນຫຼວງຫຼາຍ, ລະບົບສາທາລະນະສຸກຂອງປະເທດລົ້ມລະລາຍ ຍ້ອນບໍ່ສາມາດຮອງຮັບຜູ້ປ່ວຍໃນຈຳນວນມະຫາສານໄດ້ ເຊິ່ງເຫດການດັ່ງກາ່ວນີ້ອາດຈະບໍ່ເກີດຂຶ້ນ ຫາກປະຊາຊົນປະຕິບັດຕາມຄຳແນະນຳຂອງລັດຖະບານ ດ້ວຍການບໍ່ຈັດພິທີກຳອາບນໍ້າຄົງຄາ ແມ່ນໍ້າສັກສິດທີ່ມີຄວາມເຊື່ອວ່າຈະຊ່ວຍຊຳລະໂຊກຮ້າຍ ແລະ ເຊື້ອພະຍາດໂຣຄາໃຫ້ຫາຍໄດ້.

ຕໍ່ກັບເຫດການດັ່ງກ່າວ, ທ່ານ​ ແຖ່ນແກ້ວ ພົມບິດາ ຮອງເຈົ້າ ນະຄອນ ໄກສອນ ພົມວິຫານ,​ ແຂວງສະຫວັນນະເຂດ​ ໄດ້ອອກມາແຈ້ງຂ່າວຕໍ່ກັບເຫດການ ທີ່ເກີດຂຶ້ນຢູ່ບ້ານໂພນສິມ ນະຄອນ ໄກສອນ​ ພົມວິຫານ​ ຜ່ານລາຍການຄລີນິກທັນເຫດການວ່າ:

ເຫດການຈັດງານບຸນທີ່ເກີດຂຶ້ນ​ ໃນວັນທີ 2 ພຶດສະພາ 2021​ ຢູ່ບ້ານໂພນສິມ ນະຄອນໄກສອນ ພົມວິຫານ​ ແມ່ນມີຄວາມຈິງ​ ຖືວ່າເປັນການລະເມີດຕໍ່ຄຳສັ່ງ​ ແລະ ທຸກຄົນທີ່ມີສ່ວນຮ່ວມໃນການຈັດງານທຸກພາກສ່ວນ ຈະຕ້ອງຖືກປະຕິບັດວິໄນ​ ແລະ​ ໃຫ້ຢຸດຕິການປະຕິບັດໜ້າທີ່.

ຮຽບຮຽງຂ່າວ: ພຸດສະດີ

 

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...