spot_img
Homeຂ່າວທ້ອງຖິ່ນເພີ່ມທະວີຄວາມເຂັ້ມງວດ ໃນການປ້ອງກັນ, ຄວບຄຸມ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19

ເພີ່ມທະວີຄວາມເຂັ້ມງວດ ໃນການປ້ອງກັນ, ຄວບຄຸມ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19

Published on

ເພື່ອຮັບປະກັນການປະຕິບັດມາດຕະການປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດໂຄວິດ-19 ໃນໄລຍະທີ່ມີການລະບາດແຮງເປັນວົງກວ້າງຢູ່ປະເທດໃກ້ຄຽງເຊິ່ງແຕ່ລະວັນໄດ້ມີແຮງງານລາວລັກລອບເຂົ້າເມືອງແບບຜິດກົດໝາຍຜ່ານຊ່ອງທາງຕ່າງໆ ແລະ ບໍ່ໄດ້ຜ່ານດ່ານຊາຍແດນທີ່ຄະນະສະເພາະກິດຂັ້ນແຂວງອະນຸຍາດເຊິ່ງມີຄວາມສ່ຽງສູງທີ່ຈະນໍາເອົາເຊື້ອພະຍາດເຂົ້າມາ ແຜ່ລະບາດໃນຊຸມຊົນ-ສັງຄົມ ຊຶ່ງຈະສ້າງຄວາມຫຍຸ້ງຍາກໃນການຄວບຄຸມການແຜ່ລະບາດຂອງພະຍາດ ໂຄວິດ-19 ຢູ່ແຂວງບໍລິຄໍາໄຊ. ດັ່ງນັ້ນຄະນະສະເພາະກິດຂັ້ນແຂວງຈຶ່ງອອກແຈ້ງການດັ່ງນີ້:

  1. ໃຫ້ແຕ່ລະເມືອງສືບຕໍ່ ແລະ ເພີ່ມທະວີການຈັດຕັ້ງປະຕິບັດ ແຈ້ງການຂອງຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ສະກັດກັ້ນການລະບາດຂອງພະຍາດໂຄວິດ-19 ຜ່ານມາຢ່າງເຂັ້ມງວດ ແລະ ເດັດຂາດ.
  2. ໃຫ້ທ່ານເຈົ້າເມືອງ 3 ເມືອງຄື: ເມືອງປາກຊັນ, ເມືອງທ່າພະບາດ ແລະ ເມືອງປາກກະດິງ ແຈ້ງໃຫ້ອໍານາດການປົກຄອງແຕ່ລະບ້ານ ທີ່ຕັ້ງຢູ່ລຽບຕາມແຄມແມ່ນໍ້າ ຂອງຂຶ້ນບັນຊີເຮືອກີບ, ເຮືອຈັກ ທີ່ປະຊາຊົນນໍາໃຊ້ທໍາມາຫາກິນຢູ່ຕາມລໍາແມ່ນໍ້າຂອງ ໃຫ້ເອົາເຮືອຂຶ້ນໄວ້ກ່ອນ, ບໍ່ໃຫ້ມີການເຄື່ອນໄຫວ ແລະ ມອບໃຫ້ອົງການປົກຄອງແຕ່ລະບ້ານ ຈັດຕັ້ງການຄຸ້ມຄອງຢ່າງຮັດກຸມ ຈົນກວ່າການແຜ່ລະບາດ ຂອງພະຍາດໂຄວິດ-19 ຈະຫຼຸດຜ່ອນລົງ.
  3. ໃຫ້ເຈົ້າເມືອງທຸກເມືອງ ອອກແຈ້ງການໄປຍັງບ້ານ ເພື່ອແຈ້ງໃຫ້ປະຊາຊົນທີ່ມີຍາດຕິພີ່ນ້ອງ ແລະ ລູກຫຼານ ທີ່ໄປອອກແຮງງານຢູ່ປະເທດໃກ້ຄຽງ (ປະເທດໄທ) ທີ່ພວມມີການລະບາດຂອງພະຍາດ ໂຄວິດ-19 ຫາກມີຈຸດປະສົງກັບດິນທ້ອງຖິ່ນໃຫ້ແນະນໍາເຂົາເຈົ້າເດີນທາງຜ່ານດ່ານສາກົນ ທີ່ທາງການກໍານົດ. ຫ້າມບໍ່ໃຫ້ລັກລອບເດີນທາງຂ້າມນໍ້າຂອງມາທາງເຮືອກີບ, ເຮືອຈັກ ແລະ ເຮືອຫາປາປະເພດ ຕ່າງໆຢ່າງເດັດຂາດ.

  1. ຫ້າມບໍ່ໃຫ້ພໍ່ແມ່ ຜູ້ປົກຄອງ ຫຼື ຍາດພີ່ນ້ອງ ປົກປິດ ເຊື່ອງອໍາ ຂໍ້ມູນການເຂົ້າ-ອອກ ຂອງແຮງງານທີ່ໄປເຮັດວຽກຢູ່ປະເທດໃກ້ຄຽງ (ປະເທດໄທ) ທີ່ເດີນທາງກັບທ້ອງຖິ່ນບໍ່ຖືກຕ້ອງ, ກໍລະນີ ພົບເຫັນໃຫ້ແຈ້ງຕໍ່ອໍານາດການປົກຄອງບ້ານ ແລະ ຄະນະສະເພາະກິດຂັ້ນເມືອງໂດຍດ່ວນ ເພື່ອນໍາ ເຂົ້າສູນກັກກັນ ທີ່ຄະນະສະເພາະກິດແຕ່ລະເມຶອງກໍານົດໄວ້, ຖ້າມີການຝ່າຝືນ ຫຼື ບໍ່ໃຫ້ການຮ່ວມມື ຈະຖືກປັບໄຫມ ຕາມມາດຕາ 72; 73 ແລະ ຈະຖືກດໍາເນີນຄະດີຕາມມາດຕາ 74 ຂອງກົດໝາຍວ່າ ດ້ວຍການເຂົ້າ-ອອກ ແລະ ການຄຸ້ມຄອງຄົນຕ່າງປະເທດຢູ່ ສປປ ລາວ ສະບັບເລກທີ 59/ສພຊ, ລົງວັນທີ 26/12/2014.
  2. ມອບໃຫ້ ພະແນກຖະແຫຼ່ງຂ່າວ, ວັດທະນະທໍາ ແລະ ທ່ອງທ່ຽວແຂວງ ຊີ້ນໍາຫ້ອງການສາຍ ຕັ້ງຂອງຕົນຢູ່ແຕ່ລະເມືອງ ເອົາໃຈໃສ່ໂຄສະນາ-ປະຊາສໍາພັນ, ປະກາດ, ແຈ້ງການຜ່ານສື່ຕ່າງໆທີ່ມີ, ເພື່ອໃຫ້ປະຊາຊົນທຸກຄົນເຂົ້າໃຈ-ເຂົ້າຮ່ວມໃນການປ້ອງກັນ-ສະກັດກັ້ນ ແລະ ເພີ່ມສະຕິ, ເພີ່ມຄວາມເປັນເຈົ້າການໃນການປ້ອງກັນການລະບາດຂອງພະຍາດໂຄວິດ – 19 ໃຫ້ໄດ້ຮັບຜົນດີ.
  3. ມອບໃຫ້ກອງບັນການ ປກຊ ແລະ ປກສ ແຂວງ ຊີ້ນໍາກອງບັນຊາການປກຊ-ປກສ ເມືອງ ແລະ ທະຫານຊາຍແດນ ເພີ່ມທະວີການກວດກາລາດຕະເວນ ການເຂົ້າ-ອອກ ຂອງພົນລະເມືອງ ຕາມລໍາແມ່ນ້ຳຂອງ, ຖ້າພົບເຫັນຜູ້ລະເມີດໃຫ້ດໍາເນີນຕາມລະບຽບ-ກົດໝາຍຢ່າງເຂັ້ມງວດ.
  4. ມອບໃຫ້ ທ່ານເຈົ້າເມືອງ ແຕ່ງຕັ້ງມອບໝາຍໃນຄະນະໃຫ້ມີຜູ້ປະຈໍາການ ຕິດຕາມຕະຫຼອດ 24 ຊົ່ວໂມງ.

ດັ່ງນັ້ນ, ຈຶ່ງແຈ້ງມາຍັງທ່ານ ເພື່ອຊາບ ແລະ ປະຕິບັດຕາມແຈ້ງການສະບັບນີ້ຢ່າງເຂັ້ມງວດດ້ວຍ.

ບົດຄວາມຫຼ້າສຸດ

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...