ເມື່ອວັນທີ 2 ມີນາ 2021 ທີ່ຜ່ານມາ ສຳນັກຂ່າວ BBC ລາຍງານວ່າ ອາເມລິກາປະກາດຄວໍ້າບາດຕໍ່ຣັດເຊຍຈາກກໍລະນີລັກລອບວາງຢາພິດ ທ່ານ ອາເລັກເຊຍ ນາວັລນີ ຜູ້ນຳຝ່າຍຄ້ານ ແລະ ນັກວິຈານປະທານາທິບໍດີ ວາລາດິເມຍ ປູຕິນ.
ໂດຍການຄວໍ້າບາດດັ່ງກ່າວຈະມີຜົນກັບເຈົ້າໜ້າທີ່ລະດັບສູງຂອງຣັດເຊຍ 7 ຄົນ ແລະ ໜ່ວຍງານ 14 ແຫ່ງທີ່ກ່ຽວຂ້ອງກັບການຜະລິດສານເຄມີ.
ເຈົ້າໜ້າທີ່ຂອງອາເມລິກາບອກວ່າ ໜ່ວຍງານຂ່າວສະຫະລັດສະຫຼຸບວ່າ ລັດຖະບານຣັດເຊຍຢູ່ເບື້ອງຫຼັງການໃຊ້ສານທຳລາຍປະສດ ໂຈມຕີທ່ານ ນາວັລນີ ຈົນເກືອບເຖິງແກ່ຊີວິດໃນໄຊບີເຣຍເມື່ອປີ 2020 ແຕ່ລັດຖະບານຣັດເຊຍໄດ້ປະຕິເສດ ແລະ ໂຕ້ແຍ້ງຂໍ້ກ່າວຫາດັ່ງກ່າວ ເຊິ່ງຜູ້ຊ່ຽວຊານອາວຸໂສໄດ້ລະບຸວ່າ ໃຊ້ສານທຳລາຍປະສາດໂນວິຊອກ.
ເຈົ້າໜ້າທີ່ສະຫະລັດລະບຸວ່າ ການລົງໂທດຕ່າງໆ ກຳລັງປະສານສົມທົບກັບສະຫະພາບເອີຣົບ. ເຊິ່ງຄາດວ່າຈະປະກາດອອກມາໃກ້ຄຽງກັນ ນີ້ແມ່ນການລົງໂທດຄັ້ງທຳອິດຕໍ່ລັດຖະບານຣັດເຊຍ.
ທ່ານ ໂຈ ໄບເດນ ກ່າວຫຼັງຈາກການສົນທະນາທາງໂທລະສັບກັບຣັດເຊຍໃນເດືອນແລ້ວນີ້ ໂດຍກ່າວຢ່າງຊັດເຈນເຖິງວັນທີ່ອາເມລິກາ “ປະເຊີນໜ້າກັບການກະທຳທີ່ຮຸກຮານຂອງຣັດເຊຍ” ການແຊກແຊງການເລືອກຕັ້ງ ການໂຈມຕີທາງອິນເຕີເນັດ ແລະ ການວາງຢາພິດຕໍ່ພົນລະເມືອງ ສິ້ນສຸດລົງແລ້ວ.
ຮຽບຮຽງຂ່າວ: ພຸດສະດີ