spot_img
Homeຂ່າວທ້ອງຖິ່ນສູນການຄ້າ 7 ແຫ່ງ ແລະ ຕະຫຼາດ 2 ແຫ່ງ ໃນ ນວ ຈະຫຼຸດຜ່ອນການໃຊ້ຖົງຢາງພລາສຕິກ ໃນຕົ້ນປີ 2021

ສູນການຄ້າ 7 ແຫ່ງ ແລະ ຕະຫຼາດ 2 ແຫ່ງ ໃນ ນວ ຈະຫຼຸດຜ່ອນການໃຊ້ຖົງຢາງພລາສຕິກ ໃນຕົ້ນປີ 2021

Published on

ຕາມການລາຍງານ ຈາກ Lao Youth Radio ໃຫ້ຮູ້ວ່າ ໂຄງການວຽງຈັນສະອາດ ຫວັງໃຫ້ທຸກຄົນໃນນະຄອນຫຼວງຫຼຸດການນຳໃຊ້ຖົງຢາງພລາສຕິກ ເພື່ອຮັກສາສິ່ງແວດລ້ອມ, ເປັນການຜັນຂະຫຍາຍນະໂຍບາຍ 6 ສ ຂອງນະຄອນຫຼວງວຽງຈັນ ໂດຍໄລຍະທຳອິດຈະມີສູນການຄ້າ 7 ແຫ່ງ ແລະ ຕະຫຼາດ 2 ແຫ່ງເຂົ້າຮ່ວມ.

ທ່ານ ແອງພອນ ແພງສຸວັນ ຮັກສາການຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດ ລ້ອມ ນະຄອນຫຼວງວຽງຈັນ ໄດ້ກ່າວໃນພິທີເປີດໂຄງການວຽງຈັນສະອາດ ໃນວັນທີ 17 ພະຈິກ 2020 ທີ່ຜ່ານມາວ່າ: ການຈັດຕັ້ງປະຕິບັດໂຄງການນີ້ໃນໄລຍະທຳອິດປີ 2021 ຈະມີ 7 ສູນການຄ້າ ແລະ 2 ຕະຫຼາດເຂົ້າຮ່ວມ ຄື: ສູນການຄ້າບາຊາບີ, ສູນການຄ້າພາກຊັນ, ສູນການຄ້າໄອເຕັກ ມໍ, ສູນການຄ້າວິວ ມໍ, ຮ້ານຊຸບເປີມາເກັດເຈມາກ, ໂຊກທະວີ ແລະ ມາໂກໂຕະ. ນອກຈາກນັ້ນ, ຍັງມີຕະຫຼາດໜອງຈັນ ແລະ ຕະຫຼາດໂພນສະຫວ່າງ.

ໂດຍບັນດາຫ້າງຮ້ານ, ສູນການຄ້າ ແລະ ຕະຫຼາດເຂົ້າຮ່ວມໂຄງການຈະເລີ່ມຈັດຕັ້ງການຢຸດແຈກຖົງຢາງພລາສຕິກໃຫ້ລູກຄ້າໃນທຸກໆວັນພຸດ ນັບແຕ່ເດືອນມັງກອນ 2021 ເປັນຕົ້ນໄປ ບັນດາຫົວໜ່ວຍທຸລະກິດທີ່ເຂົ້າຮ່ວມໂຄງການ ຈະຕ້ອງນຳຖົງຜ້າ, ຖົງເຈ້ຍ ແລະ ຖົງທີ່ເຮັດດ້ວຍວັດສະດຸທີ່ຍ່ອຍສະຫຼາຍໄດ້ງ່າຍໄວ້ບໍລິການລູກຄ້າ.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...