ລັດອອກແຈ້ງການປັບຂຶ້ນລາຄານ້ຳມັນເຊື້ອໄຟທຸກຊະນິດ ໃນນີ້ ກາຊວນມາແຮງສຸດ ໂດຍປັບຂຶ້ນ 100ກີບຕໍ່ລິດ ສ່ວນນ້ຳມັນແອັດຊັງພິເສດ ຂຶ້ນ 20 ກີບ, ແອັດຊັງທຳມະດາ 80 ກີບ ແຈ້ງການສະບັບດັ່ງກ່າວແມ່ນໃຫ້ເລີ່ມປະຕິບັດທົ່ວປະເທດເຊົ້າວັນທີ 5 ສິງຫານີ້ເປັນຕົ້ນໄປ.

ກະຊວງອຸດສາຫະກຳ ແລະ ການຄ້າ ແຈ້ງການເລກທີ 0716/ອຄ.ກຄພນ, ນະຄອນຫຼວງວຽງຈັນ, ວັນທີ 4 ສິງຫາ 2020 ເຖິງສະມາຄົມນໍ້າມັນເຊື້ອໄຟ ແລະ ອາຍແກ໊ສ, ບັນດາບໍລິສັດນ້ຳມັນເຊື້ອໄຟ ແລະ ປໍ້າຂາຍຍ່ອຍນໍ້າມັນເຊື້ອໄຟ ແຈ້ງປັບຂຶ້ນລາຄາຂາຍຍ່ອຍນ້ຳມັນເຊື້ອໄຟ ໃນຂອບເຂດທົ່ວປະເທດ ໂດຍໃຫ້ປະຕິບັດລາຄາຂາຍຍ່ອຍໃໝ່ ໃນເຂດເທດສະບານແຂວງ, ນະຄອນຫຼວງວຽງຈັນ ດັ່ງແຈ້ງການລຸ່ມນີ້:

ຮຽບຮຽງຂ່າວ: ພຸດສະດີ