ໜັງສືພິມວຽງຈັນທາມ ລາຍງານໃຫ້ຮູ້ວ່າ ນະຄອນຫຼວງພະບາງ ແຂວງຫຼວງພະບາງ ຕິດ 1 ໃນ 15 ເມືອງທີ່ສວຍງາມ ແລະ ໜ້າທ່ຽວຊົມທີ່ສຸດໃນອາຊີ ຕາມການສໍາຫຼວດ ຂອງວາລາສານ Travel+ Leisure ຂອງປະເທດອັງກິດ ທີ່ໄດ້ປະກາດຜົນໃນບໍ່ດົນມານີ້.
ການສໍາຫຼວດລາງວັນເມືອງທີ່ດີທີ່ສຸດຂອງໂລກ (World’s Best Awards) ໃນປີ 2020 ນີ້ໄດ້ປິດລົງໃນວັນທີ 2 ມີນາ, ກ່ອນທີ່ຈະມີການແຜ່ລະບາດຂອງພະຍາດໂຄວິດ-19 ເຊິ່ງຜົນປະກົດວ່າ ນະຄອນຫຼວງພະບາງ ເປັນອັນດັບທີ 5 ເມືອງທີ່ສວຍງາມ ແລະ ໜ້າທ່ຽວທີ່ສຸດໃນອາຊີ, ເຊິ່ງອັນດັບ 1 ແມ່ນນະຄອນຫຼວງຮ່າໂນ້ຍ ປະເທດຫວຽດນາມ, ອັນດັບ 2 ແມ່ນຕົວເມືອງຊຽງໄໝ່ ປະ ເທດໄທ, ອັນດັບ 3 ແມ່ນນະຄອນຫລວງໂຕກຽວ ປະເທດຍີ່ປຸ່ນ, ອັນດັບ 4 ແມ່ນ ອູໄອປູ ປະເທດອິນເດຍ ແລະ ປະເທດອື່ນໆ.
ຮຽບຮຽງຂ່າວ: ພຸດສະດີ