spot_img
Homeຂ່າວຕ່າງປະເທດໄທກຽມປະຊຸມຊີ້ແຈງຕໍ່ອົງການພິທັກສັດກໍລະນີໃຊ້ແຮງງານລິງເກັບໝາກພ້າວ

ໄທກຽມປະຊຸມຊີ້ແຈງຕໍ່ອົງການພິທັກສັດກໍລະນີໃຊ້ແຮງງານລິງເກັບໝາກພ້າວ

Published on

ເວັບຊ innnews ລາຍງານເມື່ອວັນທີ 6 ກໍລະກົດ 2020 ວ່າ ທ່ານ ຈຸລິນ ລັກສະນະວິສິດ ຮອງນາຍົກລັດຖະມົນຕີ ແລະ ລັດຖະມົນຕີກະຊວງການຄ້າໄທ ກ່າວເຖິງກໍລະນີທີ່ PETA ສັ່ງຫ້າມຈຳໜ່າຍຜະລິດຕະພັນກະທິໝາກພ້າວຈາກໄທ ເພາະເຫັນວ່າການໃຊ້ແຮງງານລິງເກັບໝາກພ້າວເປັນການທາລຸນສັດ ເຊິ່ງເລື່ອງນີ້ເຄີຍເປັນປະເດັນແລ້ວຄັ້ງໜຶ່ງ ແລະ ໄດ້ມີການຊີ້ແຈ້ງກ່ຽວກັບເລື່ອງນີ້ໄປແລ້ວ ກ່ອນຈະກັບມາເປັນປະເດັນອີກຄັ້ງ.

ສຳລັບການສົ່ງອອກຜະລິດຕະພັນຈາກໝາກພ້າວທີ່ສຳຄັນມີ 2 ຊະນິດຄື: ກະທິ ແລະ ໝາກພ້າວອ່ອນ, ແຕ່ບັນຫາໃນເວລານີ້ຄືເລື່ອງຂອງນໍ້າກະທິທີ່ມີຍອດສົ່ງອອກເມື່ອປີທີ່ຜ່ານມາຫຼຸດລົງປະມານ 12,300 ລ້ານບາດ ໂດຍສົ່ງອອກໄປທີ່ສະຫະພາບເອີຣົບ 18% ມູນຄ່າການສົ່ງອອກ 2,250 ລ້ານບາດ ແລະ ປະທດອັງກິດ 8% ມູນຄ່າ 1,000 ລ້ານບາດ ແຕ່ປະເດັນທີ່ເປັນບັນຫາໃນຂະນະນີ້ຄືມີຄວາມເຂົ້າໃນຄາດເຄື່ອນວ່າປະເທດໄທມີການໃຊ້ແຮງງານລິງໃນການເກັບໝາກພ້າວ.

ທັງນີ້, ທ່ານ ຈຸລິນ ລັກສະນະວິສິດ ຢືນຢັນວ່າ ການໃຊ້ລິງເກັບໝາກພ້າວນັ້ນ ເປັນເລື່ອງວັດທະນະທຳກັບການທ່ອງທ່ຽວຫຼາຍກວ່າ ແຕ່ໃນເລື່ອງຂອງການໃຊ້ງານໃນພາກອຸດສາຫະກຳນັ້ນບໍ່ມີແລ້ວ ຕອນນີ້ໄດ້ມອບໝາຍໃຫ້ກົມສົ່ງເສີມການຄ້າລະຫວ່າງປະເທດນັດພົບປະກັບຜູ້ປະກອບການຜະລິດກະທິ ແລະ ຜູ້ຜະລິດແປຮູບຜະລິດຕະພັນຈາກໝາກພ້າວເຂົ້າມາຫາລືກັນ ເພື່ອຫາແນວທາງຮ່ວມກັນໃນການຊີ້ແຈງຕໍ່ປະເທດທີ່ຍັງສົງໃສ ລວມເຖິງອົງການພິທັກສັດທີ່ຕ້ອງການຂໍ້ມູນ ວ່າຈະຊີ້ແຈງໄປໃນຮູບແບບໃດ ເຊັ່ນ: ການລົງໄປເບິ່ງຕົວຈິງໃນການເກັບໝາກພ້າວພາກອຸດສາຫະກຳ ໃນວັນທີ 8 ກໍລະກົດນີ້.

ອ່ານຂ່າວຍ້ອນຫຼັງ: ຊຸບເປີມາເກັດໃນອັງກິດຫຼາຍແຫ່ງຖອນສິນຄ້າໝາກພ້າວ

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...