ສຳນັກຂ່າວຕ່າງປະເທດລາຍງານວ່າ ສາຍການບິນໃຫຍ່ອັນດັບ 2 ຂອງອົດສະຕຣາລີ ກໍຄື ສາຍການບິນ ເວີຈິນ ອອສເຕຼເລຍ ໄດ້ແຈ້ງຕໍ່ຄະນະກຳມະການກຳກັບຫຼັກຊັບ ແລະ ຕະຫຼາດຫຼັກຊັບຂອງອົດສະຕາລີ ຂໍເຂົ້າສູ່ຂະບວນການລົ້ມລະລາຍ ໂດຍຂໍການບໍລິຫານຈັດການແບບສະໝັກໃຈຂອງເຈົ້າໜີ້ (voluntary administration) ເພື່ອປັບໂຄງສ້າງທາງທຸລະກິດຂອງບໍລິສັດ ກາຍເປັນສາຍການບິນແຫ່ງທຳອິດໃນພາກພື້ນອາຊີທີ່ເຂົ້າສູ່ຂະບວນການລົ້ມລະລາຍ.
ສະຖານະການດັ່ງກ່າວ ເກີດຂຶ້ນຍ້ອນໄດ້ຮັບຜົນກະທົບຢ່າງຮຸນແຮງຈາກວິກິດການລະບາດຂອງເຊື້ອໄວຣັດໂຄວິດ-19 ໂດຍ ທ່ານ ນາຍພົນ ສະເຄີຣາ ປະທານສາຍການບິນລະບຸວ່າ ການຕັດສິນໃຈໃນຄັ້ງນີ້ເປັນໄປເພື່ອຮັກສາອານາຄົດຂອງເວີຈິນ ອອສເຕເລຍ ກຣຸ໊ບ.
ໃນຂະນະທີ່ທ່ານ ວອນ ສະຕຣອບບຣິດ ເຊິ່ງໄດ້ຮັບການແຕ່ງຕັ້ງໃຫ້ຮັບໜ້າທີ່ດຳເນີນການປັບໂຄງສ້າງຂອງເວີຈິນ ອອສເຕຣເລຍ ໄດ້ລະບຸວ່າ ການປັບໂຄງສ້າງຄັ້ງນີ້ໜ້າຈະໃຊ້ເວລາບໍ່ດົນ ເນື່ອງຈາກມີຜູ້ໃຫ້ຄວາມສົນໃຈເຂົ້າມາລົງທຶນໃນເວີຈິນ ອອສເຕຣເລຍ ປະມານ 10 ບໍລິສັດ.
ຮຽບຮຽງຂ່າວ:ພຸດສະດີ