spot_img
Homeຂ່າວຕ່າງປະເທດການຄ້າໂລກເປັນຫ່ວງໂຄວິດ-19 ກະທົບເສດຖະກິດໂລກຮຸນແຮງທີ່ສຸດ

ການຄ້າໂລກເປັນຫ່ວງໂຄວິດ-19 ກະທົບເສດຖະກິດໂລກຮຸນແຮງທີ່ສຸດ

Published on

ທ່ານ ໂຣແບຣ໌ຕູ ເອເຊເວດູ ເລຂາທິການອົງການການຄ້າໂລກ (WTO) ເປີດເຜີຍວ່າ ປະລິມານການຄ້າໂລກໃນປີນີ້ຈະຫຼຸດລົງເຖິງ 1 ໃນ 3 ເນື່ອງຈາກການແຜ່ລະບາດຂອງໄວຣັດສາຍພັນໃໝ່ ຫຼື ໂຄວິດ-19 ພ້ອມກັບເຕືອນວ່າໂລກກຳລັງປະເຊີນໜ້າກັບພາວະເສດຖະກິດຖອຍຫຼັງຄັ້ງຮ້າຍແຮງທີ່ສຸດ.

ທ່ານ ອາເຊເວດູ ຄາດການວ່າ ການຄ້າໂລກໃນປີ 2020 ນີ້ ຈະຫຼຸດລົງທັນທີ ໃນທຸກພູມິພາກທົ່ວໂລກ ແລະ ເປັນການຫຼຸດລົງໃນທຸກຂະແໜງການ ພ້ອມກັບຍອມຮັບວ່າມີຄວາມບໍ່ແນ່ນອນຫຼາຍຢ່າງກ່ຽວກັບວິກິດເສດຖະກິດທີ່ຈະເກີດຂຶ້ນເນື່ອງຈາກການແຜ່ລະບາດຂອງໄວຣັດໂຄວິດ-19.

ອົງການການຄ້າໂລກປະເມີນຄວາມເປັນໄປໄດ້ໃນ 2 ກໍລະນີ ເຊິ່ງກໍ່ຂຶ້ນກັບໄລຍະຄວາມໄວຂອງການເອົາຊະນະໂຣກລະບາດ ລວມເຖິງມາດຕະການຕ່າງໆຂອງລັດຖະບານແຕ່ລະປະເທດ ເພື່ອນຳມາໃຊ້ຫຼຸດຜົນກະທົບທີ່ຈະເກີດຂຶ້ນ ໂດຍການປະເມີນສະຖານະການໃນແງ່ບວກ. ນັກເສດຖະສາດຂອງອົງການການຄ້າໂລກຊີ້ໃຫ້ເຫັນວ່າ ປະລິມານການຄ້າໂລກໃນປີນີຈະຫຼຸດລົງ 13% ເມື່ອທຽບກັບປີທີ່ຜ່ານມາ ແລະ ເສດຖະກິດຈະສາມາດຟື້ນຕົວໄດ້ຊ່ວງໄລຍະຕົ້ນປີໜ້າ, ແຕ່ນອກເໜືອຈາກ 2 ປັດໄຈທີ່ລະບຸໄວ້ເບື້ອງຕົ້ນນັ້ນ ກໍ່ຕ້ອງຂຶ້ນກັບສະພາບລວມຂອງເສດຖະກິດວ່າຈະຕົກຕໍ່າໜັກພຽງໃດ.

ສ່ວນກໍລະນີຂອງການປະເມີນສະຖານະການໃນແງ່ລົບຄື: ຖ້າບໍ່ສາມາດຄວບຄຸມການລະບາດໄດ້ ແລະ ລັດຖະບານລົ້ມເຫຼວໃນການດຳເນີນນະໂຍບາຍເພື່ອຕອບສະໜອງກັບວິກິດການທີ່ເກີດຂຶ້ນ ການຄ້າໂລກຈະຫຼຸດລົງໄປເຖິງ 32% ຫຼື ຫຼາຍກວ່ານັ້ນ. ພູມິພາກທີ່ຈະໄດ້ຮັບຜົນກະທົບຫຼາຍທີ່ສຸດຄື ທະວີບ ອາເມລິກາເໜືອ ແລະ ອາຊີ ເຊິ່ງມີປະລິມານການສົ່ງອອກຈະຫຼຸດລົງ 40% ແລະ 36% ຕາມລຳດັບ ໃນຂະນະທີ່ທະວີບເອີຣົບ ແລະ ອາເມລິກາໃຕ້ປະລິມານການສົ່ງອອກກໍ່ຈະຫຼຸດລົງຫຼາຍກວ່າ 30%.

ທ່ານ ອາເຊເວດູ ກ່າວຕື່ມອີກວ່າ ການຖອຍຫຼັງຂອງເສດຖະກິດໂລກໃນຄັ້ງນີ້ ອາດເປັນການຖອຍຫຼັງໃຫຍ່ທີ່ສຸດທີ່ເຄີຍມີມາ ພ້ອມກັບຮຽກຮ້ອງໃຫ້ລັດຖະບານຂອງແຕ່ລະປະເທດ ພະຍາຍາມໃຊ້ທຸກວິທີທາງເພື່ອຮັກສາການເຕີບໂຕຂອງເສດຖະກິດ ແລະ ພິກຟື້ນສະຖານະການ ໂດຍປະເທດຕ່າງໆ ຈະຕ້ອງຮັບປະກັນໃຫ້ເກີດການຟື້ນຕົວຢ່າງໄວວາ ແລະ ມີປະສິດທິພາບຜ່ານຄວາມຮ່ວມມືໃນລະດັບໂລກຕໍ່ໄປ.

 

ຮຽບຮຽງຂ່າວ: ພຸດສະດີ

 

ບົດຄວາມຫຼ້າສຸດ

ກອງປະຊຸມສະມັດຊາໃຫຍ່ ລັດຖະສະພາ ລະຫວ່າງຊາດອາຊຽນ (AIPA) ຄັ້ງທີ 45

ກອງປະຊຸມສະມັດຊາໃຫຍ່ ລັດຖະສະພາ ລະຫວ່າງຊາດອາຊຽນ (AIPA) ຄັ້ງທີ 45 ຈະໄດ້ຈັດຂຶ້ນໃນລະຫວ່າງ ວັນທີ 17-23 ຕຸລານີ້ ທີ່ຫໍປະຊຸມແຫ່ງຊາດ, ນະຄອນຫຼວງວຽງຈັນ ໂດຍຈະມີຄະນະຜູ້ແທນຈາກລັດຖະສະພາສະມາຊິກໄອປາ, ຄະນະຜູ້ແທນ...

ເປີດຢ່າງເປັນທາງການ ແຂ່ງຂັນຊ່ວງເຮືອເມືອງນານ ປະຈໍາປີ 2024

ເມືອງ ນານ ແຂວງ ຫລວງພະບາງ ຈັດພິທີເປີດງານບຸນອອກພັນສາປະວໍລະນາ ແລະ ຊ່ວງເຮືອປະຈໍາປີ 2024 ຂຶ້ນ ໃນວັນທີ 17 ຕຸລາ ນີ້ ທີ່ຜາມໄຊຍຶ່ງນ້ໍານານ...

Liam Payne ອະດີດສະມາຊິກວົງ One Direction ເສຍຊີວິດຫຼັງຈາກຕົກລົງຊັ້ນ 3 ໃນໂຮງແຮມແຫ່ງໜຶ່ງ

ອີງຕາມສຳນັກຂ່າວບີບີຊີ ລາຍງານວ່າ: ລຽມ ເພນ (Liam Payne) ອະດີດສະມາຊິກວົງ ວັນໄດເຣກຊັ່ນ (One Direction) ວົງດົນຕີຊື່ດັງຈາກ ອັງກິດ-ໄອແລນ ໄດ້ເສຍຊີວິດດ້ວຍອາຍຸ 31...

ເດືອນກັນຍາ 2024 ມີຜູ້ເສຍຊີວິດຈາກອຸບັດເຫດທັງໝົດ 54 ຄົນ ໃນຂອບເຂດທົ່ວປະເທດ

ໃນໄລຍະເດືອນກັນຍາ 2024 ຜ່ານມານີ້, ທົ່ວປະເທດລາວ ມີຜູ້ເສຍຊີວິດເຖິງ 54 ຄົນ, ມີຜູ້ບາດເຈັບ 674 ຄົນ ແລະ ມີພາຫະນະເປ່ເພ 780 ຄັນຈາກອຸບັດເຫດເກີດຂຶ້ນທັງໝົດ...