spot_img
Homeຂ່າວທ້ອງຖິ່ນລັດຮຽກຮ້ອງໃຫ້ປະຊາຊົນລາວຢ່າເດີນທາງໄປປະເທດທີ່ມີການແຜ່ລະບາດໂຄວິດ-19

ລັດຮຽກຮ້ອງໃຫ້ປະຊາຊົນລາວຢ່າເດີນທາງໄປປະເທດທີ່ມີການແຜ່ລະບາດໂຄວິດ-19

Published on

ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ຕອບໂຕ້ການລະບາດຂອງພະຍາດອັກເສບປອດ ຈາກເຊື້ອຈຸລາໂລກສາຍພັນໃໝ່ (COVID19) ໄດ້ລາຍງານເມື່ອວັນທີ 15 ມີນານີ້ວ່າ: ການລາຍງານກໍລະນີສົງໄສ COVID-2019 ແຕ່ວັນທີ 24 ມັງກອນ ຈົນຮອດວັນທີ 14 ມີນາ 2020 ມີທັງໝົດ 78 ກໍລະນີ​, ກວດບໍ່ພົບເຊື້ອ 70 ກໍລະນີ ລໍຖ້າຜົນກວດ 8 ແລະ ບໍ່ມີກໍລະນີເສຍຊີວິດ.​

ສະເພາະນະຄອນຫຼວງວຽງຈັນ 50 ກໍລະນີ (ຄົນຈີນ 20 ຄົນ , ອາເມລິກາ 1 ຄົນ, ເກົາຫຼີ 2 ຄົນ ແລະ ຍີ່ປຸ່ນ 3 ຄົນ); ແຂວງ ບໍ່ແກ້ວ 8 ກໍລະນີ (ເປັນຄົນລາວ 5 ຄົນ, ຈີນ 2 ຄົນ ແລະ ອັງກິດ 1 ຄົນ); ແຂວງ ຫຼວງພະບາງ 3 ກໍລະນີ; ແຂວງ ຈໍາປາສັກ 5 ກໍລະນີ; ແຂວງ ອຸດົມໄຊ 2 ກໍລະນີ, ແຂວງ ສາລະວັນ 3 ກໍລະນີ; ແຂວງ ບໍລິຄຳໄຊ 1 ກໍລະນີ, ແຂວງ ສະຫວັນນະເຂດ 3 ກໍລະນີ , ແຂວງ ຫຼວງນໍ້າທາ 1 ກໍລະນີ, ແຂວງ ໄຊຍະບູລີ 1 ກໍລະນີ ແລະ ແຂວງ ຄຳມ່ວນ 1 ກໍລະນີ.

ກໍລະນີຜູ້ປ່ວຍທີ່ຢູ່ໃນກຸ່ມສົງໄສວ່າຕິດເຊື້ອໂວຣັສໂຄວິດ-19, ສ່ວນຫຼາຍມີປະຫວັດເຄີຍເດີນທາງໄປ-ມາປະເທດທີ່ມີການລະບາດຂອງເຊື້ອໄວຣັສໂຄວິດ-19.

ດຣ ລັດຕະນະໄຊ ເພັດສຸວັນ ຫົວຫນ້າກົມຄວບຄຸມພະຍາດຕິດຕໍ່ ກະຊວງ ສາທາລະນະສຸກໄດ້ແຈ້ງໃຫ້ຮູ້ວ່າ: ທຸກຄົນຄວນຫຼີກເວັ້ນການເດີນທາງໄປປະເທດທີ່ມີການແຜ່ລະບາດຂອງເຊື້ອຈຸລະໂລກສາຍພັນໃໝ່ 2019. ຖ້າຈໍາເປັນໄປປະເທດດັ່ງກ່າວ, ເມື່ອກັບມາປະເທດຂອງຕົນແລ້ວຄວນໄປພົບເຈົ້າໜ້າທີ່ກ່ຽວຂ້ອງ ເພື່ອກວດສຸຂະພາບ ແລະ ກັກບໍລິເວນຕົນເອງຈົນຄົບ 14 ວັນ ເພື່ອປ້ອງກັນການຕິດເຊື້ອພະຍາດດັ່ງກ່າວ.

 

ຮຽບຮຽງຂ່າວ: ພຸດສະດີ

ແຫຼ່ງຂໍ້ມູນ: ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ຕອບໂຕ້ການລະບາດຂອງພະຍາດອັກເສບປອດ

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...