Homeນານາສາລະປະກົດການກັກຕຸນເຄື່ອງກິນເຄື່ອງໃຊ້ (Panic Buying) ຜົນກະທົບຈາກການລະບາດຂອງໄວຣັສ COVID-19

ປະກົດການກັກຕຸນເຄື່ອງກິນເຄື່ອງໃຊ້ (Panic Buying) ຜົນກະທົບຈາກການລະບາດຂອງໄວຣັສ COVID-19

Published on

ປະຊາຊົນໃນຫຼາຍປະເທດເກີດຄວາມວິຕົກກັງວົນ ກ່ຽວກັບການລະບາດຂອງໄວຣັສ COVID-19 ຈົນເກີດປະກົດການຊື້ເຄື່ອງກິນເຄື່ອງໃຊ້ກັກຕຸນເປັນຈຳນວນຫຼາຍ ເຊິ່ງເຮັດໃຫ້ຮ້ານຄ້າຕ່າງໆຂາດສິນຄ້າມາຈຳໜ່າຍໃຫ້ພຽງພໍຕໍ່ຄວາມຕ້ອງການຂອງລູກຄ້າ ເກີດເຫດລູກຄ້າຕີກັນເພື່ອຍາດເອົາສິນຄ້າອັນສຸດທ້າຍໃນຊັ້ນວາງ; ເປັນຫຍັງປະກົດການນີ້ຈຶງເກີດຂຶ້ນ ແລ້ວການກະທຳນີ້ຈຳເປັນຫຼືບໍ?

ສາເຫດຫຼັກໆທີ່ເຮັດໃຫ້ຄົນເລີ່ມກັກຕຸນ ຊື້ເຄື່ອງໄວ້ ແມ່ນເນື່ງຈາກສັນຊາດຕະຍານ ການຢູ່ລອດຂອງຄົນເຮົາ ເພື່ອປ້ອງກັນເຫດການບໍ່ຄາດຄິດທີ່ອາດຈະເກີດຂຶ້ນໃນໄລຍະການແຜ່ລະບາດ ຫຼືເຖິງຂັ້ນຮ້າຍແຮງ ເຊັ່ນ ການປິດເມືອງ; ປະກົດການດັ່ງກ່າວແມ່ນບໍ່ຈໍາເປັນເລີຍ ຖ້າຫາກປະເທດມີມາດຕະການຄວບຄຸມແໜ້ນໜາ ແລະ ມີສິນຄ້າໃນຄັງພຽງພໍ. ອີກສາເຫດໜຶ່ງກໍຍ້ອນແມ່ນການເຮັດຕາມກັນ; ເມື່ອມີຄົນໜຶ່ງເລີ່ມກັກຕຸນເຄື່ອງ, ຄົນທີ່ໄດ້ເຫັນພຶດຕິກຳ ກໍ່ເຮັດຕາມ ຢ້ານວ່າມັນອາດຈະບໍ່ມີເຄື່ອງໃຫ້ຊື້.

ຍົກຕົວຢ່າງປະເທດສິງກະໂປ ທີ່ມີເຫດການລັກສະນະນະນີ້ເກີດຂຶ້ນ ຫຼັງລັດຖະບານເລື່ອນລະດັບການແຜ່ລະບາດ ຈາກສີເຫຼືອງເປັນສີສົ້ມ ເຮັດໃຫ້ເກີດປະກົດການ ປະຊາຊົນຊາວສິງກະໂປອອກມາຈັບຈ່າຍຊື້ເຄື່ອງ ກັກຕຸນໄວ້ເປັນຈໍານວນຫຼາຍ ຈົນນາຍົກລັດຖະມົນຕີ ລີ ຊຽງລຸງ  ຕ້ອງອອກມາຊີ້ແຈງວ່າການກັກຕຸນເຄື່ອງເປັນສິ່ງທີ່ບໍ່ຈຳເປັນ, ສິນຄ້າໃນຄັງແມ່ນຍັງມີຫຼາຍຢູ່ ພ້ອມໃຫ້ກຳລັງໃຈ ໂດຍການຍົກຕົວຢ່າງເຫດການການລະບາດຂອງໄວຣັສ SARS ທີ່ຮ້າຍແຮງກວ່າ, ສິງກະໂປກໍ່ສາມາດກ້າວຂ້າມມັນມາໄດ້ ຖືເປັນການຄາຍຄວາມກັງວົນຂອງປະຊາຊົນໄດ້ດີ.

ວີທີການຮັບມືກັບໂຣກລະບາດທີ່ດີທີສຸດສຳຫຼັບເຮົາຕອນນີ້ ແມ່ນການເອົາໃຈໃສ່ກັບສຸຂະອະນາໄມ, ໝັ່ນລ້າງມື ໃຫ້ສະອາດ ແລະ ຖືກວິທີ ດ້ວຍສະບູ່ ຫຼື ເຈວລ້າງມື, ຫຼີກລ່ຽງໄປບ່ອນທີ່ມີຄົນແອອັດ ແລະ ໃສ່ໜ້າກາກອະນາໄມຖ້າມີອາການໄອ ຫຼື ເປັນຫວັດ ຫຼື ໄດ້ໃກ້ຊິດກັບຜູ້ປ່ວຍ, ຖ້າຜູ້ໃດກັບມາຈາກພື້ນທີ່ສ່ຽງ ໃຫ້ກັກໂຕໃນທີ່ຢູ່ອາໄສເປັນເວລາ 14 ມື້, ຖ້າເປັນໄຂ້ ຫຼື ມີອາການທີ່ບົ່ງບອກເຖິງການຕິດເຊື້ອ ໃຫ້ໄປໂຮງໝໍເພື່ອກວດພະຍາດຫາໄວຣັສ. ວິທີດັງກ່າວຈະຊ່ວຍຫຼຸດຄວາມສ່ຽງ ແລະ ການແຜ່ລະບາດຈາກໄວຣັສສາຍພັນໃໝ່ນີ້ໄດ້.

 

ຮຽບຮຽງຂ່າວໂດຍ: ວະນິດາ

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...