Homeຂ່າວພາຍ​ໃນອາຊຽນ-ຈີນ ຮ່ວມມືຕ້ານໄວຣັດໂຄໂຣນາ 4 ປະເທດສະມາຊິກອາຊຽນຍັງບໍ່ພົບຜູ້ຕິດເຊື້ອ

ອາຊຽນ-ຈີນ ຮ່ວມມືຕ້ານໄວຣັດໂຄໂຣນາ 4 ປະເທດສະມາຊິກອາຊຽນຍັງບໍ່ພົບຜູ້ຕິດເຊື້ອ

Published on

ສຳນັກຂ່າວຕ່າງປະເທດໃຫ້ຮູ້ວ່າ ກອງປະຊຸມລັດຖະມົນຕີຕ່າງປະເທດ ອາຊຽນ-ຈີນ ສະໄໝພິເສດ ກ່ຽວກັບບັນຫາການແຜ່ລະບາດຂອງພະຍາດປອດອັກເສບຈາກເຊື້ອຈຸລະໂລກສາຍພັນໃໝ່ (ເຊື້ອໄວຣັສໂຄໂຣນາສາຍພັນໃໝ່ ຫຼື COVID-19) ທີ່ ນະຄອນຫຼວງວຽງຈັນ ໄດ້ຈັດຂຶ້ນໃນຕອນເຊົ້າຂອງວັນທີ 20 ກຸມພາ 2020 ໂດຍອາຊຽນຈະຮ່ວມມືກັນຢ່າງໃກ້ຊິດໃນການຮັບມືການແຜ່ລະບາດ ເພື່ອຄວາມປອດໄພຂອງປະຊາຊົນໃນສະມາຄົມອາຊຽນ ໃນຂະນະທີ່ລັດຖະມົນຕີກະຊວງການປະເທດຈີນໄດ້ມີການສົນທະນານອກຮອບກັບລັດຖະມົນຕີຂອງແຕ່ລະປະເທດ.

ໃນກອງປະຊຸມດັ່ງກ່າວຍັງໄດ້ຕົກລົງກັນໃນການແລກປ່ຽນຂໍ້ມູນຂ່າວສານ, ການຝຶກອົບຮົມວິຊາການແພດ, ການຊ່ວຍເຫຼືອເຊິ່ງກັນ ແລະ ກັນ ທາງດ້ານອຸປະກອນການແພດ ເພື່ອນໍາໃຊ້ເຂົ້າໃນການປ້ອງກັນ COVID-19.

ໃນອະນາຄົດກໍ່ຈະສືບຕໍ່ຮ່ວມມືກັນສ້າງສະພາບແວດລ້ອມໃຫ້ປອດໄພ ແລະ ໜ້າຢູ່ ເພື່ອຫຼຸດຜ່ອນການລະບາດຂອງພະຍາດ ທີ່ອາດຈະເປັນຜົນກະທົບທາງດ້ານການພັດທະນາເສດຖະກິດ-ສັງຄົມ.

ການແຜ່ລະບາດຂອງເຊື້ອໄວຣັສໂຄໂຣນາໃນປັດຈຸບັນ, ອາຊຽນພົບຜູ້ຕິດເຊື້ອຫຼາຍປະເທດຄື: ປະເທດໄທ, ສິງກະໂປ, ຟິລິບປິນ, ຫວຽດນາມ ແລະ ກຳປູເຈຍ ສ່ວນປະເທດອິນໂດເນເຊຍ, ບຣູໄນ, ລາວ ແລະ ມຽນມາ ຍັງບໍ່ພົບຜູ້ຕິດເຊື້ອ. ເຊິ່ງມາດຕະການຮັບມື ແລະ ປ້ອງກັນເຊື້ອໄວຣັສໂຄໂຣນາສາຍພັນໃໝ່ຂອງແຕ່ລະປະເທດໃນອາຊຽນແມ່ນມີຄວາມແຕກຕ່າງກັນ ໂດຍສະເພາະປະເທດສິງກະໂປໄດ້ໃຊ້ມາດຕະການເດັດຂາດທີ່ສຸດໃນບັນດາປະເທດສະມາຊິກອາຊຽນຄືການລະງັບການເຂົ້າເມືອງຂອງຊາວຕ່າງຊາດທີ່ມີການຜ່ານແດນທີ່ຈີນ ຫຼື ປະຫວັດຄົນທີ່ເຄີຍໄປທ່ຽວທີ່ຈີນໃນໄລຍະ 14 ວັນ ກ່ອນຈະເຂົ້າສິງກະໂປ ແລະ ທາງດ້ານຟິລິບປິນກັບມາເລເຊຍກໍ່ໄດ້ໃຊ້ມາດຕະການຄວບຄຸມໃນບາງສ່ວນ.

 

 

ຮຽບຮຽງຂ່າວ:​ ພຸດສະດີ

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...