spot_img
Homeຂ່າວທ້ອງຖິ່ນການເງິນ ແລະ ເສດຖະກິດຄັ້ງທຳອິດທີ່ ສປປ ລາວ ໄດ້ຮັບລາງວັນ Top Country

ຄັ້ງທຳອິດທີ່ ສປປ ລາວ ໄດ້ຮັບລາງວັນ Top Country

Published on

ໜັງສືພິມວຽງຈັນທາມລາຍງານເມື່ອວັນທີ 19 ກຸມພາ 2020 ວ່າ ສປປ ລາວ ໄດ້ຮັບລາງວັນອັນດັບທີ 3 ໂດຍໄດ້ຮັບຄະແນນສຽງ (96.25%) ປະເທດຍອດນິຍົມ ແຫ່ງການທ່ອງທ່ຽວຂອງໂລກ (Top Country) ຈາກຜົນການລົງຄະແນນສຽງຂອງຜູ້ອ່ານວາລະສານ Wanderlust ຜ່ານທາງອອນລາຍ 8,500 ກວ່າຄົນ.

ເມື່ອບໍ່ດົນມານີ້F ທ່ານ ພົງສະຫວັນ ສີສຸລາດ ເອກອັກຄະລັດຖະທູດລາວ ປະຈໍາປະເທດອັງກິດ ໄດ້ຕາງໜ້າ ສປປ ລາວ ເຂົ້າຮ່ວມງານປະກາດລາງວັນ ຂອງວາລະສານການທ່ອງທ່ຽວ Wanderlust ຂອງປະເທດອັງກິດ ປະຈຳປີ 2020 (Wanderlust Reader Travel Award 2020).

ສຳລັບຜົນການປະກາດລາງວັນອັນດັບທີ 1 ຂອງ Top Country ແມ່ນປະເທດ ນາມີເບຍ ດ້ວຍຄະແນນ (96.77%), ອັນດັບທີ 2 ແມ່ນປະເທດ ເປຣູ ດ້ວຍຄະແນນ (96.33%) ແລະ ອັນດັບທີ 3 ແມ່ນ ສປປ ລາວ ດ້ວຍຄະແນນ (96.25%).

​ການຮັບລາງວັນຄັ້ງນີ້ ຖືເປັນຄັ້ງທຳອິດທີ່ ສປປ ລາວ ໄດ້ຮັບລາງວັນ ປະເພດ Top Country ຜ່ານມາ ມີພຽງແຕ່ ຫຼວງພະບາງ ທີ່ໄດ້ຮັບລາງວັນອັນດັບທີ 1 ປະເພດເມືອງຍອດນິຍົມແຫ່ງການທ່ອງທ່ຽວຂອງໂລກ (Best City ຫຼື Top City) ຊຶ່ງໄດ້ຮັບມາແລ້ວ 8 ຄັ້ງ ແລະ ກໍ່ຕິດ 1 ໃນ 10 ເມືອງຍອດນິຍົມແຫ່ງການທ່ອງທ່ຽວຂອງໂລກມາຫຼາຍຄັ້ງ ຕັ້ງແຕ່ປີ 2006. ໂດຍສະເພາະລາງວັນໃນຄັ້ງນີ້ ຖືເປັນຂີດໝາຍທີ່ສຳຄັນ ທີ່ເຮັດໃຫ້ຊື່ “Laos” ປະກົດຕົວໃນສື່ອອນລາຍຂອງວົງການທ່ອງທ່ຽວໂລກເປັນຄັ້ງທຳອິດ ແລະ ຍັງສະແດງໃຫ້ເຫັນວ່າ ບໍ່ສະເພາະແຕ່ ຫຼວງພະບາງ ເທົ່ານັ້ນ ແຕ່ຍັງມີຫຼາຍຂົງເຂດອື່ນໆອີກຂອງ ສປປ ລາວ ທີ່ເປັນແຫຼ່ງທ່ອງທ່ຽວທີ່ໜ້າປະທັບໃຈເຊັ່ນກັນ.

 

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...