Homeຂ່າວທ້ອງຖິ່ນຄົນເຈັບທີ່ສົງໃສອາດຈະຕິດເຊື້ອ 10 ຄົນໄດ້ກັບບ້ານ! ໂຮງໝໍ 150 ຕຽງພ້ອມຮັບຜູ້ປ່ວຍຕິດເຊື້ອໂຄໂຣນາ

ຄົນເຈັບທີ່ສົງໃສອາດຈະຕິດເຊື້ອ 10 ຄົນໄດ້ກັບບ້ານ! ໂຮງໝໍ 150 ຕຽງພ້ອມຮັບຜູ້ປ່ວຍຕິດເຊື້ອໂຄໂຣນາ

Published on

ໜັງສືພິມວຽງຈັນທາມລາຍງານເມື່ອວັນທີ 6 ກຸມພາ 2020 ວ່າ ດຣ ສະໜອງ ທອງຊະນະ ຜູ້ອໍານວຍການໃຫຍ່ ໂຮງໝໍມິດຕະພາບ 150 ຕຽງ ໄດ້ກ່າວຕໍ່ສື່ມວນຊົນ ໃນຕອນບ່າຍຂອງມື້ນີ້ ວັນທີ​ ​06​ ກຸມພາ​ 2020​ ໃນໄລຍະທີ່ໄດ້ຕ້ອນຮັບ ທ່ານ ຮສ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ພ້ອມດ້ວຍຄະນະລົງຕິດຕາມກວດກາການກະກຽມຄວາມພ້ອມຂອງຕຶກແຍກດ່ຽວ ທີ່ທາງໂຮງໝໍໄດ້ກະກຽມຮອງຮັບຄົນເຈັບທີ່ມີກໍລະນີສົງໄສດັ່ງກ່າວ.

ໂຮງໝໍມິດຕະພາບ 150 ຕຽງໄດ້ລາຍງານວ່າ ທາງໂຮງໝໍໄດ້ມີການແຍກຄົນເຈັບທີ່ມີກໍລະນີມີສົງໄສວ່າຈະຕິດເຊື້ອພະຍາດປອດອັກເສບ ຫຼື ໄວຣັສໂຄໂຣນາສາຍພັນໃໝ່ (Novel Corona Virus) ອອກໄປໄວ້ທີ່ຫ້ອງພິເສດແລ້ວ 12 ຄົນ ແລະ ປັດຈຸບັນໄດ້ອະນຸຍາດໃຫ້ກັບເມືອບ້ານໄປ 10 ຄົນ ເພື່ອເຝົ້າລະວັງອາການ 14 ວັນ ຖ້າບໍ່ມີອາການຫຍັງກໍ່ດຳລົງຊີວິດໄດ້ຕາມປົກກະຕິ.

ດຣ ສະໜອງ ໄດ້ໃຫ້ສໍາພາດວ່າ ການກະກຽມສະຖານທີ່ເພື່ອຮອງຮັບຄົນເຈັບໃນກໍລະນີມີຜູ້ຕິດເຊື້ອພະຍາດອັກເສບປອດນັ້ນ ແມ່ນສາມາດຮອງຮັບໄດ້ 10 ຄົນ, ກໍລະນີທີ່ມີຫຼາຍກວ່ານີ້ ກໍ່ຈະໄດ້ຕິດຕໍ່ປະສານໄປຫາໂຮງໝໍອື່ນໆ ທີ່ທາງກະຊວງສາທາລະນະສຸກໄດ້ກຽມໄວ້ຮອງຮັບຄື ບັນດາໂຮງໝໍທະຫານ ແລະ ຕຳຫຼວດເປັນຕົ້ນ.

ຕຶກແຍກດ່ຽວຂອງໂຮງໝໍມິດຕະພາບນັ້ນ ສາມາດຕິດຕາມເຝົ້າລະວັງຄົນເຈັບທີ່ສົງໄສຕິດເຊື້ອພະຍາດດັ່ງກ່າວ ພາຍຫຼັງຜົນກວດອອກມາແລ້ວ ຖ້າຫາກບໍ່ມີອາການຕິດເຊື້ອ ຫຼື ເຈັບເປັນຮຸນແຮງ ກໍ່ຈະໃຫ້ຄົນເຈັບກັບຄືນເມືອຕິດຕາມອາການຢູ່ບ້ານເຮືອນ.

ທາງໂຮງໝໍມິດຕະພາບ 150 ຕຽງ ຍັງໄດ້ປະສານງານກັບບັນດາໂຮງໝໍອື່ນໆໂດຍສົມທົບກັບກະຊວງ ສາທາລະນະສຸກ, ກົມຄວບຄຸມພະຍາດຕິດຕໍ່, ກົມປິ່ນປົວ ພ້ອມທັງຮ່ວມມືກັບອົງການອະນາໄມໂລກ ເພື່ອເຝົ້າລະວັງຕິດຕາມການເຄື່ອນໄຫວຂອງພະຍາດ ກໍ່ຄືຊຸມຊົນທີ່ເດີນທາງໄປ-ມາ ສປ ຈີນ. ປັດຈຸບັນ, ຄົນເຈັບທີ່ສົງໄສວ່າອາດຈະຕິດເຊື້ອພະຍາດດັ່ງກ່າວຍັງມີຢູ່ໃນຫ້ອງແຍກດ່ຽວຂອງໂຮງໝໍຈໍານວນ 2 ຄົນ ເປັນຄົນຈີນ ແລະ ຄົນລາວ ທີ່ກຳລັງລໍຖ້າຜົນກວດ, ຕິດຕາມກວດກາ ແລະ ເຝົ້າລະວັງຢ່າງໃກ້ຊິດ.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...